Gujarati News

Gujarati News

News of Wednesday, 14th February 2018

MPમાં ભાજપ ૨૦૦ બેઠકો જીતશે તો રાજકારણ છોડી દઇશઃ અલ્પેશ

મ.પ્ર.માં કોંગ્રેસ ૧૨૫ બેઠકો જીતશે

ભોપાલ તા. ૧૪ : ગુજરાતના કોંગ્રસી ધારાસભ્ય અને ઓબીસી નેતા અલ્પેશ ઠાકોરે કહ્યું છે કે, મધ્યપ્રદેશ વિધાનસભા ચૂંટણીમાં કોંગ્રેસ ૧૨૫ બેઠકો જીતશે. અલ્પેશ ઠાકોરે ભાજપના ૨૦૦ બેઠકો જીતવાના દાવાને રદિયો આપતા કહ્યું છે કે, જો ભાજપ આવું કરવામાં સફળ થશે તો તે રાજકારણ છોડી દેશે

મધ્યપ્રદેશના બે દિવસીય પ્રવાસ દરમિયાન બીજી દિવસે સતના પહોંચેલા અલ્પેશે કહ્યું હતું કે, મધ્યપ્રદેશમાં ૧૨૫ બેઠકો જીતીને કોંગ્રેસ સરકાર બનાવશે. અલ્પેશે ભાજપના ૨૦૦ બેઠકો જીતવાના કેમ્પેન અંગે પૂછવામાં આવેલા સવાલના જવાબમાં કહ્યું કે, 'જો મધ્યપ્રદેશમાં ભાજપની ૨૦૦ બેઠકો આવશે, તો હું રાજકારણ છોડી દઈશ.'

અલ્પેશ ઠાકોરે વધુમાં કહ્યું કે, 'ગુજરાતમાં પણ ભાજપે ૧૫૦થી વધુ બેઠકો જીતવાનો દાવો કર્યો હતો, પરંતુ પરિણામો બાદ તે ૯૯ બેઠકોમાં સમેટાઈ ગયો હતો.' આ પહેલાં ભોપાલમાં અલ્પેશ ઠાકોરે કહ્યું હતું કે, 'મધ્યપ્રદેશ વિધાનસભા ચૂંટણીમાં ભાજપને હરાવવા માટે ગુજરાત વિધાનસભા ચૂંટણીની તર્જ પર લોકોને એકત્રિત કરવામાં આવશે.'

અલ્પેશે શિવરાજ સરકાર પર પ્રહારો કરતા કહ્યું કે, 'મધ્યપ્રદેશમાં પછાત વર્ગ વંચિત છે. અહીં ત્રણ મહિનાની અંદર ઓબીસી, એસસી, એસટી અને લઘુમતીઓનું એક મોટું સમ્મેલન યોજવામાં આવશે. મધ્યપ્રદેશનાં તમામ વિધાનસભા ક્ષેત્રોમાં ઓબીસી યુવાનોનું સંગઠન બનાવવામાં આવશે.'

(9:49 am IST)
  • મુંબઇ મહાનગરપાલિકા(BMC)એ સલમાનખાનની પ્રખ્યાત NGO સંસ્થા 'બીઈંગ હ્યુમન'ને બ્લેકલીસ્ટમાં મૂકી દીધી છે. 'બીઈંગ હ્યુમન' પર આરોપ છે કે તેણે BMCની સાથે વચનભંગ કર્યો છે. આ માટે BMCએ સંસ્થાને કારણ દર્શાઓ નોટીસ પણ ફટકારી છે. મુંબઈ મીરરના એહવાલ અનુસાર બીઈંગ હ્યુમન' ફાઉન્ડેશને બંદર વિસ્તારમાં ડાયાલીસીસના યુનિટ બનાવવાના હતા, જેના લીધી મધ્યમ અને ગરીબ વર્ગના લોકોને સસ્તી સારવાર મળી રહે, પરંતુ બીઈંગ હ્યુમન' ફાઉન્ડેશને હજુ સુધી આ યુનિટો ચાલુ નથી કર્યા. access_time 2:25 pm IST

  • અમિતભાઈ શાહ આજે અમદાવાદમાં પણ આવે છે : કોર્પોરેટર ગૌતમભાઈ પટેલના પુત્રના લગ્નમાં હાજરી આપશે access_time 4:08 pm IST

  • કચ્છનાં મુંદ્રા પોર્ટ પરથી ફરી કિંમતી સિગારેટની દાણચોરી કરી મોટ જથ્થો ધુસાડવાનો પ્રયાસ DRIએ નાકામ બનાવ્યો છે. DRI દ્રારા 14 લાખ 40 હજાર સિગારેટનો માતબર જથ્થો ઝડપવામાં આવ્યો છે જેની બજાર કિંમત 1 કરોડ 44 લાખ કરતા પણ વઘુ આંકવામાં આવે છે access_time 9:29 am IST