Gujarati News

નવી દિલ્હી ;ભારતીય સેના આજે તેનો 74મો સ્થાપના દિવસ ઉજવી રહી છે. ભારતીય સેના દ્વારા દર વર્ષે 15 જાન્યુઆરીએ ભારતીય સેના દિવસની ઉજવણી કરવામાં આવે છે. આ અવસર પર આર્મી ચીફ જનરલ મનોજ મુકુંદ નરવણેએ દેશને શુભેચ્છા પાઠવી અને પછી લોકોને સંબોધિત કર્યા.હતા

આ પ્રસંગે સેના પ્રમુખે પાકિસ્તાન પર જોરદાર નિશાન સાધ્યું હતું. તેમણે કહ્યું કે પાકિસ્તાન આતંકવાદીઓને આશ્રય આપવાની ટેવથી લાચાર છે. લગભગ 300-400 આતંકવાદીઓ સરહદ પાર તાલીમ શિબિરોમાં ઘૂસણખોરી કરવાની તક શોધી રહ્યા છે. સરહદ પારથી ડ્રોન દ્વારા હથિયારોની તસ્કરી પ્રયાસો પણ ચાલુ છે.

આર્મી ચીફે કહ્યું કે એલઓસી પર સ્થિતિ ગયા વર્ષની સરખામણીએ સારી છે પરંતુ પાકિસ્તાન હજુ પણ સરહદ પર આતંકવાદીઓને આશ્રય આપી રહ્યું છે. લગભગ 300-400 આતંકવાદીઓ ભારતમાં ઘૂસણખોરી કરવા માટે રાહ જોઈ રહ્યા છે. જવાબી કાર્યવાહીમાં કુલ 144 આતંકવાદીઓ માર્યા ગયા છે.

સેના પ્રમુખે કહ્યું કે ચીનના તણાવને કારણે ગત વર્ષ સેના માટે પડકારજનક હતું અને તાજેતરમાં યોજાયેલી 14મી બેઠકમાં સ્થિતિને નિયંત્રણમાં રાખવા માટે અનેક મુદ્દાઓ પર ચર્ચા કરવામાં આવી હતી.

આર્મી ચીફે કહ્યું કે કોરોના મહામારી દરમિયાન પાડોશી દેશો સાથે આપણો પરસ્પર સહયોગ વધુ વધ્યો છે. ભારતીય સેના હંમેશા સંયુક્ત રાષ્ટ્ર શાંતિ રક્ષામાં મહત્વપૂર્ણ યોગદાન આપતી રહી છે. આજે પણ આપણી સેનાના 5000 થી વધુ સૈનિકો વિવિધ પીસકીપીંગ ઓપરેશન્સમાં તૈનાત છે, જે દેશને એક અલગ ઓળખ આપી રહ્યા છે.