Gujarati News

Gujarati News

News of Friday, 15th January 2021

ઇન્ડિયન ઓઇલની તત્કાલ સેવા

ગેસ સિલિન્ડર બુક કરાવ્યા પછી અડધા કલાકમાં હોમ ડિલિવરી

નવી દિલ્હી, તા.૧૫: હવે રાંધણ ગેસનું સિલિન્ડર મેળવવા માટે બુકિંગ પછી દિવસો સુધી રાહ જોવી નહીં પડે. બુકિંગ પછી ત્રીસથી ચાલીસ મિનિટોમાં સિલિન્ડરની હોમ ડિલિવરી મળશે. ઇન્ડિયન ઓઇલ કંપનીએ રાંધણ ગેસ એટલે કે લિકિવડ પેટ્રોલિયમ ગેસના સિલિન્ડરની ડિલિવરી માટે તત્કાલ સેવા શરૂ કરી છે.

આ તત્કાલ સેવા પ્રારંભિક તબક્કામાં દરેક રાજયના એક શહેર કે એક જિલ્લામાં ઉપલબ્ધ કરાવવામાં આવશે. આ સેવા વહેલી તકે શરૂ કરવા ઇન્ડિયન ઓઇલ કંપનીના અધિકારીઓ તડામાર તૈયારીઓ કરી રહ્યા છે. કંપનીએ હાલમાં ૧ ફેબ્રુઆરીએ આ સેવા શરૂ કરવાનો લક્ષ્યાંક રાખ્યો છે. સિંગલ ડે ડિલિવરી સર્વિસ માટે ગ્રાહકોએ થોડો એકસ્ટ્રા ચાર્જ ચૂકવવાનો રહેશે. પરંતુ એ ચાર્જ કેટલો રાખવો એ હજી નક્કી કરવામાં આવ્યું નથી. હાલ દેશમાં લિકિવડ પેટ્રોલિયમ ગેસ સિલિન્ડર્સના ૨૮ કરોડ ગ્રાહકોમાંથી ૧૪ કરોડ ગ્રાહકો ઇન્ડિયન આઙ્ખઇલ કંપનીના ઇન્ડેન ગેસનો વપરાશ કરે છે.

(11:59 am IST)
  • બર્ડ ફ્લુમાં કચ્છને મળી રાહત : જિલ્લામાંથી કુલ ૩ સેમ્પલ ભોપાલ લેબોરેટરીમાં મોકલાયા હતા તમામ રિપોર્ટ આવ્યા નેગેટિવ જિલ્લા પશુપાલન વિભાગ દ્વારા અપાઈ માહિતી access_time 4:39 pm IST

  • ભાજપ સાંસદ સાધ્વી પ્રજ્ઞાએ પોતાને મળતા પગારમાંથી 1.11 લાખ રૂપિયા રામ મંદિર નિર્માણ માટે આપ્યા : ભારત ભક્તિ અખાડા તરફથી 11 લાખ રૂપિયાનું દાન આપ્યું : વિશ્વ હિન્દૂ પરિષદને ચેક આપતી વખતે મંદિર નિર્માણમાં તેઓના સહયોગને બિરદાવ્યું access_time 6:27 pm IST

  • ૨૨થી વધુ વ્હીલવાળો મહાકાય ટ્રક પુલ નીચે ખાબકયો : રાજકોટથી અમદાવાદ હાઈવે ઉપરના બગોદરા નજીક આવેલ પુલ ઉપરથી આજે બપોરે એક મહાકાય ટ્રકના ચાલકે અચાનક બેલેન્સ ગુમાવતા ટ્રક પુલ નીચે ખાબકયો હતો : સદ્દનસીબે કોઈ મોટી જાનહાની સર્જાઈ ન હતી : હાઈવે ઉપરના વાહન ચાલકોએ તુરંત જ પોતાની ગાડીઓ થંભાવી અને ટ્રક ચાલક પાસે પહોંચી ગયા હતા પરંતુ ટ્રકચાલકને પણ કોઈ મોટી ઈજા થઈ ન હતી, દરમિયાન આસપાસના લોકોએ માર્ગ ઉપર સેફટીના સાધનો મૂકી વાહન વ્યવહાર ડાયવર્ટ કરાવ્યો હતો. access_time 4:25 pm IST