Gujarati News

Gujarati News

News of Wednesday, 15th January 2020

આર્થિક મંદીને દૂર કરવા છ મહીના માટે GST દરમાં 25 ટકાનો ઘટાડો કરવો જોઇએ: એસોચેમ

સરકારે હાલ વધતા રાજકોષિય ખર્ચ વિશે વધારે ન વિચારવું જોઇએ

 

નવી દિલ્હી : ઉદ્યોગ મંડળ એસોચેમે સરકારને કહ્યું છે કે આર્થિક મંદીને દૂર કરવા માટે સરકારે આવતા મહીના માટે GST રેટમાં 25 ટકાનો ઘટાડો કરવો જોઇએ. તેનાથી રોકાણ અને માંગમાં તેજી આવશે. એસોચેમે એમ પણ કહ્યું કે, સરકારે હાલ વધતા રાજકોષિય ખર્ચ વિશે વધારે વિચારવું જોઇએ.

   જો તમામ સ્લેબના GST રેટમાં 25 ટકાનો ઘટાડો કરવામાં આવે છે તો સરકારી ખજાના પર લગભગ 1.2 લાખ કરોડનો વધારાનો બોજ પડશે. એસોચેમના અધ્યક્ષ નિરંજન હીરાનંદાનીએ કહ્યું કે, ટેક્સ રેટમાં ઘટાડાને કારણે બિઝનેસમેન વધારે ટેક્સ આપવા માટે ઉત્સાહિત બનશે.

   તેમનું કહેવું છે કે, 5 ટ્રિલિયન ડોલર ઇકોનોમીનું લક્ષ્ હાંસલ કરવા માટે સરકારે ગંભીરતાથી વિચાર કરવાની જરૂર છે. સરકારે એક સાથે બેરોજગારી અને ઘટતા ગ્રોથ રેટની સમસ્યાનો સામનો કરવો પડશે. માત્ર વિકાસ દરમાં તેજીથી લક્ષ્યને હાંસલ કરવામાં નહીં આવી શકે.

(11:09 pm IST)
  • અલીગઢ મુસ્લિમ યુનિવર્સિટી વિદ્યાર્થીઓના છાત્રાલયો માં પ્રવેશ કરવા માટે યુપી પોલીસ વિરુદ્ધ એફઆઈઆર નોંધાવવા નું નક્કી કર્યું છે. પોલીસે યુનિવર્સિટીમાં પ્રવેશ કરીને તેમને અપાયેલા આદેશનું ઉલ્લંઘન કર્યું છે : અલીગઢ મુસ્લિમ યુનિ.ના વા.ચાન્સેલરની જાહેરાત access_time 10:12 pm IST

  • પ્રકાશ જાવડેકરે આપ્યો નારો : દેશ બદલ્યો છે હવે દિલ્હી બદલો : કેન્દ્રીય મંત્રી પ્રકાશ જાવડેકરની ઉપસ્થિતિમાં દિલ્હી પ્રદેશ ભાજપ કાર્યાલયે આમ આદમી પાર્ટીના ડઝનો કાર્યકરો ભાજપમાં જોડાયા : ભાજપનો કેસરિયો ખેસ પહેરીને પાર્ટીનું સભ્યપદ ગ્રહણ કર્યું હતું access_time 12:37 am IST

  • છપાક જોવા પહોંચી લક્ષ્મી અગ્રવાલની પુત્રી : દીપિકાએ કહ્યું કેટલીક ફિલ્મો દિલથી કરાઈ છે : એસિડ એટેકની પીડિતા લક્ષ્મી અગ્રવાલની સંઘર્ષની કથાનક દર્શાવતી ફિલ્મ છપાક જોવા લક્ષ્મી અગ્રવાલની દીકરી પિહુ પહોંચી હતી :પિહુ અને દીપિકાએ ફિલ્મના એક ખાસ શો દરમિયાન ખુબ મસ્તી કરી હતી access_time 12:34 am IST