Gujarati News

Gujarati News

News of Wednesday, 15th January 2020

કેન્દ્ર દ્વારા ખેડુતો માટે મેઘદુત એપ લોન્ચઃ તમામ ઋતુમાં સચોટ આગાહી મળશે

ખેડુતો જાતે જ વાતાવરણ ફેરફારને આસાનીથી સમજી શકશે

નવી દિલ્હી તા. ૧પ : કેન્દ્ર સરકાર દ્વારા ખેડુતો માટે મેઘદુત એપ લોન્ચ કરાઇ છે. આ એપથી ખેડુતો આગામી દિવસના ફોરકાસ્ટની સાથે સાથે વરસાદથી પાકને નુકશાન થાય તો તેને કેવી રીતે બચાવી શકાય તે માહિતી પણ આસાનીથી મેળવી શકશે. આ એપ્લીકેશનથી ખેડુતોને તમામ ઋતુમાં સચોટ આગાહી પ્રાપ્ત થશે. આ એપ્લીકેશન ઇન્ડિયન મેટ્રોલોજી ડિપાર્ટમેન્ટ દ્વારા લોન્ચ કરાઇ છે. ખાસ કરીને દેશભરમાં વેસ્ટર્ન ડિસ્ટર્બન્સની અસર વર્તાઇ રહે છે. જેના ભાગરૂપે ભારતના ઋતુચક્રને ખરાબ અસર થઇ રહી છે.

હવામાન વિભાગ દ્વારા અગાઉથી જ કરવામાં આવેલી વરસાદની આગાહીને કારણે ખેડુતો પોતાના પાકને નુકસાનને ઘટાડી શકયા છે. પરંતુ હવે આ એપ્લીકેશનથી ખેડુતો જાતે જ આગામી સમયમાં થનારા વાતાવરણના ફેરફાર આસાનીથી સમજી શકશે. આ એપ્લીકેશનમાં રજીસ્ટ્રેશનની સામાન્ય પ્રક્રિયા પૂર્ણ કર્યા બાદ કોઇપણ વ્યકિત ગણતરીની મિનિટોમાં જ હવામાનની આગોતરી માહિતી મેળવી શકે છે.

(12:09 pm IST)
  • અમદાવાદમાં ૪ શખ્સો પિસ્તોલ સાથે ઝડપાયા : અમદાવાદ ક્રાઇમબ્રાંચનું સફળ ઓપરેશનઃ ગુજસીટોક કાયદા હેઠળ પ્રથમ કેસ નોંધાયોઃ મેઘાણીનગર વિસ્તારમાંથી ચાર શખ્શો ઝડપાયાઃ કુખ્યાત વિશાલ ગોસ્વામી ગેંગના સાગરીતો પર સંકજો access_time 4:07 pm IST

  • પ્રકાશ જાવડેકરે આપ્યો નારો : દેશ બદલ્યો છે હવે દિલ્હી બદલો : કેન્દ્રીય મંત્રી પ્રકાશ જાવડેકરની ઉપસ્થિતિમાં દિલ્હી પ્રદેશ ભાજપ કાર્યાલયે આમ આદમી પાર્ટીના ડઝનો કાર્યકરો ભાજપમાં જોડાયા : ભાજપનો કેસરિયો ખેસ પહેરીને પાર્ટીનું સભ્યપદ ગ્રહણ કર્યું હતું access_time 12:37 am IST

  • આજ 15 જાન્યુઆરીના રોજ 72 મો વાર્ષિક " આર્મી ડે " : સૌપ્રથમવાર આર્મી પરેડનું નેતૃત્વ મહિલા કેપ્ટ્ન તાન્યા શેરગિલ કરશે : 26 જાન્યુઆરીના રોજ ગણતંત્ર દિન નિમિતે પણ આર્મી પરેડનું નેતૃત્વ તાન્યાના શિરે access_time 12:37 pm IST