Gujarati News

Gujarati News

News of Wednesday, 15th January 2020

અલ્હાબાદ હાઈકોર્ટનો મહત્વનો ચૂકાદો

અપરાધમાં સજા માત્રથી જ ન થઈ શકે બરતરફી

પ્રયાગરાજ, તા. ૧૫ :. અલ્હાબાદ હાઈકોર્ટે કહ્યુ છે કે ફકત આપરાધીક મામલામાં સજા માત્રથી કોઈ સરકારી કર્મચારીની બરતરફી થઈ ન શકે. એ કર્મચારીના આચરણ પણ વિચાર કરી નિર્ણય લેવાય તે જરૂરી છે. કોર્ટે એસએસપી ઝાંસીને અરજીકર્તાના બરતરફીના આદેશને રદ્દ કરતા નવેસરથી નિર્ણય લેવાનો નિર્દેશ આપ્યો છે.

આ આદેશ જસ્ટીશ કેસરવાનીએ કોન્સ્ટેબલ રામ કિસાનની અરજીનો સ્વીકાર કરતા આપ્યો છે. સુપ્રિમ કોર્ટના ફેંસલાના કાનૂની સિદ્ધાંતોના આધારે કોર્ટે કહ્યુ છે કે નૈતિક અપરાધની સ્થિતિમાં સેવાને અસર થાય છે.

અત્રે નોંધનીય છે કે અરજદારને હત્યાના આરોપમાં આજીવન કારાવાસ અને ૧૦,૦૦૦નો દંડ કરવાની સજા ફરમાવાય છે. અપીલમાં તેને જામીન મળ્યા છે. એસએસપીએ સજા હોવાનું કારણ બરતરફી આપ્યુ હતુ. જેની વિરૂદ્ધ આ અરજી દાખલ થઈ હતી. કોર્ટે કહ્યુ છે કે આચરણ પર વિચાર કરી નિર્ણય લેવો જોઈએ. કોર્ટે એમ પણ કહ્યુ છે કે જો અરજદાર બહાલ થાય તો પડતર પગાર સહિત પીએફ વગેરે મેળવવા તે હક્કદાર છે.

(12:05 pm IST)
  • અમદાવાદમાં ૪ શખ્સો પિસ્તોલ સાથે ઝડપાયા : અમદાવાદ ક્રાઇમબ્રાંચનું સફળ ઓપરેશનઃ ગુજસીટોક કાયદા હેઠળ પ્રથમ કેસ નોંધાયોઃ મેઘાણીનગર વિસ્તારમાંથી ચાર શખ્શો ઝડપાયાઃ કુખ્યાત વિશાલ ગોસ્વામી ગેંગના સાગરીતો પર સંકજો access_time 4:07 pm IST

  • માઇકલ દેબબ્રત પાત્રા રિઝર્વ બેન્કના નવા ડેપ્યુટી ગવર્નર : પાત્રા ફુગાવા અને ઘટતા જીડીપી ગ્રોથ વચ્ચે મોનેટરી પોલીસી વિભાગ સંભાળશે access_time 4:08 pm IST

  • અમને આશા છે કે બેઠકમાં સન્માન જનક હિસ્સો મળશે અને કોંગ્રેસ સાથે જોડાણ કરીશું: બિહાર આરજેડી નેતા તેજસ્વી યાદવ access_time 10:12 pm IST