Gujarati News

Gujarati News

News of Wednesday, 15th January 2020

દુબઇમાં વસતા ગુજરાતીઓ વચ્ચે પ્રથમ વખત જામશે ક્રિકેટ જંગ

કલાસીક કોન્સેપ્ટના સોનલબેન રાવલ અને એ.કે.પી. કિચનવેરના પ્રિતેશ અનડકટ દ્વારા ભવ્ય આયોજન : પ્રેક્ષકો માટે વિનામૂલ્યે પ્રવેશ

રાજકોટ, તા.૧પ : શારજાહા ખાતે આગામી તા.ર૩/ ર૪ના રોજ દુબઇમાં વસતા ગુજરાતી વચ્ચે પ્રથમ વખત ક્રિકેટ જંગનો રોમાંચક મુકાબલો યોજાશે.

કલાસીક કોન્સેપ્ટના સોનલબેન રાવલ અને એ.કે.પી. કિચન ઇકવિપમેન્ટના કર્તા રાજકોટના પ્રિતેશભાઇ અનડકટ દ્વારા પ્રથમ વખત આયોજીત આ ક્રિકેટ ટુર્નામેન્ટમાં કુલ છ ટીમો ભાગ લેશે. જેમાં રાજકોટ ટાઇગર્સ, અમદાવાદ લાયન્સ, જામનગર રોયલ્સ, બરોડા કિગ્સ, સુલતાન ઓફ સુરત અને ભાવનગર ટાયકુન્સ વચ્ચે જંગ જામશે.

આ ટુર્નામેન્ટમાં વિજેતા ટીમોને લાખેણા ઇનામો પણ આપવામાં આવશે.

સોનલબેન રાવલ અને પ્રિતેશભાઇ અનડકટના સહિયારા આયોજનમાં ફિલ્મ સ્ટાર સન્ની  પંચોલી વિશેષ ઉપસ્થિત રહી ક્રિકેટરોનો અને પ્રેક્ષકોનો ઉત્સાહ વધારશે.

આ ઉપરાંત યુ.એ.ઇ.ના લોહાણા મહાપરિષદના હરેશ પવાની ભરતભાઇ રૂપારેલીયા તેમજ ગુજરાતી અગ્રણીઓ ઉપસ્થિત રહેશે.

શારજાહ ઇન્ટરનેશનલ ક્રિકેટ સ્ટેડીયમ ખાતે આગામી ર૩ અને ર૪ જાન્યુઆરીએ યોજાનાર આ ક્રિકેટ ટુર્નામેન્ટમાં પ્રેક્ષકો માટે તદન નિઃસુલ્ક એન્ટ્રી હોય આયોજક સોનલબેન રાવલ અને પ્રિતેશભાઇ અનડકટ દ્વારા લાભ લેવા અનુરોધ કરવામાં આવ્યો છે.

(11:34 am IST)
  • બીએસએફએ કહ્યું કે ગઇરાત્રે એલઓસીને અડીને આવેલા નૌગામ સેક્ટરમાં બીએસએફ કેમ્પમાં હિમપ્રપાત થયો,ત્યાં તૈનાત બીએસએફના 7 જવાનમાંથી 6ને સુરક્ષિત બચાવી લેવામાં આવ્યા હતા,ફસાયેલા એક બીએસએફ કોન્સ્ટેબલની શોધખોળ ચાલુ છે access_time 8:26 pm IST

  • ભાજપને વિદેશી ભંડોળ મેળવવા અને કાળાનાણાને સફેદ બનાવામાં મદદ કરનારાઓને નાગરિકતા આપવામાં આવી રહી છે : મમતા બૅનર્જીનો આક્ષેપ access_time 9:00 pm IST

  • આજ 15 જાન્યુઆરીના રોજ 72 મો વાર્ષિક " આર્મી ડે " : સૌપ્રથમવાર આર્મી પરેડનું નેતૃત્વ મહિલા કેપ્ટ્ન તાન્યા શેરગિલ કરશે : 26 જાન્યુઆરીના રોજ ગણતંત્ર દિન નિમિતે પણ આર્મી પરેડનું નેતૃત્વ તાન્યાના શિરે access_time 12:37 pm IST