Gujarati News

Gujarati News

News of Tuesday, 14th January 2020

પડ્યા પર પાટુ : ડિસેમ્બરમાં છૂટક ફુગાવા દર વધીને 7.35 ટકા થયો :2014 બાદ સૌથી વધુ મોંઘવારી દર

ડુંગળી ટમેટા અને અન્ય શાકભાજીના ભાવમાં વધારો થતા ડિસેમ્બરમાં છુટક મોંઘવારી દરમાં ઉછાળો

નવી દિલ્હી : આર્થિક મોર્ચે સરકારને વધુ એક ઝટકો લાગ્યો છે  ખાવા પીવાની વસ્તુઓ મોંઘી થવાથી ડિસેમ્બરમાં છુટક મોંઘવારી દર વધીને 7.35 ટકા થયો છે  જ્યારે નવેમ્બરમાં છુટક મોંઘવારી દર 5.54% હતો. આ સિવાય ખાદ્ય મોંઘવારી દરમાં પણ વર્ષના અંતે વધારો નોંધવામાં આવ્યો છે.

 નવેમ્બરમાં ખાદ્ય મોંઘવારી દર 10.01 ટકા હતો જે ડિસેમ્બરમાં વધીને 14.12 થયો હતો  જુલાઈ 2016 બાદ ડિસેમ્બર 2019 પહેલો મહીનો છે જ્યારે મોંઘવારી દર રિઝર્વ બેંકની અપર લિમિટ(2-6%)ને પાર કરી ગયો છે. આ પહેલાં જુલાઈ 2014માં છુટક મોંઘવારી દર 7.39 ટકા હતો. ઓક્ટોબર મહિનામાં છુટક મોંઘવારી દર 4.62 ટકા હતો. જે નવેમ્બરમાં વધીને 5.54 ટકા થઈ ગયો છે. જ્યારે સપ્ટેમ્બર મહિનામાં છુટક મોંઘવારી દર 3.99 ટકા હતો.

  ડુંગળી ટમેટા અને અન્ય શાકભાજીના ભાવમાં વધારો થયો હોવાથી ડિસેમ્બરમાં છુટક મોંઘવારી દરમાં આ ઉછાળો જોવા મળ્યો છે આ સિવાય પેટ્રોલ-ડિઝલના ભાવમાં પણ વધારાથી છુટક મોંઘવારી દર વધ્યો છે. શાકભાજીનો મોંઘવારી દર ઓક્ટોબરમાં 26% હતો, પછી નવેમ્બરમાં વધીને 36% થયો અને હવે ડિસેમ્બરમાં પણ વધારો જોવા મળી રહ્યો છે. ડિસેમ્બરમાં મોંઘવારી દર વધીને 60.5% થઈ ગઈ છે.

(12:00 am IST)
  • માઇકલ દેબબ્રત પાત્રા રિઝર્વ બેન્કના નવા ડેપ્યુટી ગવર્નર : પાત્રા ફુગાવા અને ઘટતા જીડીપી ગ્રોથ વચ્ચે મોનેટરી પોલીસી વિભાગ સંભાળશે access_time 4:08 pm IST

  • દિલ્હીના મુખ્યમંત્રી અરવિંદ કેજરીવાલ નવી દિલ્હી વિધાનસભા મત વિસ્તારમાંથી અને મનીષ સીસોદીયા પ્રતાપગંજ બેઠક પરથી ચૂંટણી લડશે : આપની જાહેરાત access_time 9:00 pm IST

  • પ્રકાશ જાવડેકરે આપ્યો નારો : દેશ બદલ્યો છે હવે દિલ્હી બદલો : કેન્દ્રીય મંત્રી પ્રકાશ જાવડેકરની ઉપસ્થિતિમાં દિલ્હી પ્રદેશ ભાજપ કાર્યાલયે આમ આદમી પાર્ટીના ડઝનો કાર્યકરો ભાજપમાં જોડાયા : ભાજપનો કેસરિયો ખેસ પહેરીને પાર્ટીનું સભ્યપદ ગ્રહણ કર્યું હતું access_time 12:37 am IST