Gujarati News

નવી દિલ્હી : દિલ્હી-એનસીઆરમાં ફરી એકવાર પ્રદૂષણનું સ્તર વધ્યું છે. વધતા પ્રદૂષણને કારણે, દિલ્હી-એનસીઆરની શાળાઓને આગામી બે દિવસ એટલે કે 14 અને 15 નવેમ્બર સુધી રજા આપવામાં આવી છે.

પર્યાવરણ પ્રદૂષણ (નિવારણ અને નિયંત્રણ) ઓથોરિટીએ દિલ્હી-એનસીઆરમાં હોટ-મિક્સ પ્લાન્ટ્સ અને સ્ટોન-ક્રશર્સ પરના પ્રતિબંધને 15 નવેમ્બર સુધી વધાર્યો હતો. આ અગાઉ 4 નવેમ્બરના રોજ સુપ્રીમ કોર્ટે આગળના આદેશો સુધી આ વિસ્તારમાં બાંધકામના કામ પર પ્રતિબંધ મૂક્યો હતો.

નોઇડા ડિસ્ટ્રિક્ટ મેજિસ્ટ્રેટે પણ શાળા બંધ રાખવાનો આદેશ જારી કર્યો હતો. ડીએમના કાર્યાલયના હુકમમાં હવાની ગુણવત્તા ખૂબ જ નબળી હોવાનું જણાવી વર્ગ -12 સુધીની તમામ સરકારી અને બિન-સરકારી શાળાઓને 14-15 નવેમ્બરના રોજ બંધ રાખવાનો આદેશ આપવામાં આવ્યો હતો.