Gujarati News

લખનૌ : યુપીના શાહજહાંપુરના ચિન્મયાનંદ પ્રકરણમાં બળાત્કારનો આરોપ મૂકવાવાળી પીડિતા યુવતી જેની સાથે ફરી રહી છે, એ સંજયે પ્રથમ વાર મીડિયા સમક્ષ વાત કરી છે અને કહ્યું છે કે, ચિન્મયાનંદે યુવતીને બ્લેકમેલ કરીને બળાત્કાર ગુજાર્યો હતો. યુવતી કંટાળી ગઈ હતી અને ચશ્મામાં છુપાવેલા કેમેરા વડે તેમનો એક વીડિયો બનાવ્યો હતો. આ વિડિઓ આ વર્ષના જાન્યુઆરીનો છે, પરંતુ કેમેરામાં સેટ કરેલી તારીખના અભાવને કારણે, જૂની ૨૦૧૪ ની તારીખ રેકોર્ડ કરવામાં આવી હતી. ચિન્મયાનંદની લો કોલેજમાં આ છોકરીનો સંજય કલાસમેટ હતો. સંજય કહે છે કે જયારે તેણે યુવતી સાથે મિત્રતા કરી ત્યારે તેણે  સ્વામી વિશે મને કહ્યું હતું.

યુવતીના મિત્ર સંજયસિંહે કહ્યું કે સ્વામીજીએ તેને નોકરી આપી, તેણે તેને હોસ્ટેલમાં એક ઓરડો પણ આપ્યો. તેને ખાવાનું પણ મફત કરાવ્યુ. તે ત્યાં હોસ્ટેલમાં રહેવા લાગી પરંતુ તેને ખબર ન હતી કે તેની સાથે શું થવાનું છે? તેણે કહ્યું કે જયારે યુવતી બાથરૂમમાં નહાવા ગઈ ત્યારે સ્વામીજીએ પોતાના જ એક શખ્સ મળતીયા દ્વારા આ યુવતીનો નહાતી હોય તેવો વીડિયો બનાવી લીધો હતો અને પછી તેને બ્લેક મેલ કરતા હતા. સંજયે કહ્યું કે પીડિતાએ જે આક્ષેપો કર્યા છે તે ખરા છે.

સંજય દાવો કરે છે કે યુવતી કંટાળી ગઈ હતી અને તેના શોષણનો વીડિયો બનાવવા માટે ગુગલ પર સર્ચ કર્યું હતું અને ચશ્માંમાં છુપાયેલ કેમેરો ખરીદ્યો હતો. તેમાંથી ચિન્મયાનંદનો વીડિયો બનાવ્યો. વીડિયો આ વર્ષના જાન્યુઆરીનો છે. પરંતુ કેમેરામાં તારીખ સેટ ન હોવાથી, જાન્યુઆરી ૨૦૧૪ની તારીખ રેકોર્ડ કરવામાં આવી હતી.

એસઆઇટીએ મોદી સરકારમાં રહી ચૂકેલા દેશના આ ભૂતપૂર્વ ગૃહ રાજયમંત્રી ે ચિન્મયાનંદની ૭ કલાક પૂછપરછ કરી હતી, પરંતુ બળાત્કારના કેસમાં હજી સુધી એફઆઈઆર નોંધાઈ નથી, બળાત્કારના આરોપી વિદ્યાર્થીનીના પિતાએ કહ્યું - દીકરીનું પર્સ, ચિપ, ગાદલું-શીટ અને છાત્રાલયના ઓરડામાંથી કેમેરાના ચશ્મા સુદ્ધા ગાયબ છે.

વાયરલ થયેલા વીડિયોને કારણે ચિન્મયાનંદ અને સંજય બંને શંકાના દાયરામાં છે, તેથી ઝડપથી તેની તપાસ કરવી જરૂરી છે જેથી લોકોને તેની વાસ્તવિકતા જાણી શકાય.(૩૭.૩)