Gujarati News

Gujarati News

News of Friday, 14th September 2018

આંધ્ર પ્રદેશના મુખ્યમંત્રી ચંદ્રબાબુની ધરપકડના ભણકારા : મહારાષ્ટ્ર કોર્ટે સિંચાઈમંત્રી સહીત 15 સામે બહાર પાડ્યું વોરંટ

ગોદાવરી નદી પર બાબલી પ્રોજેક્ટના વિરોધમાં ટીડીપી દ્વારા વિરોધપ્રદર્શન અને આંદોલન કરાયેલ :કોર્ટમાં હાજર નહીં રહેતા બિનજામીનપાત્ર વોરન્ટ

 

મહારાષ્ટ્રની એક કોર્ટ દ્વારા આંધ્ર પ્રદેશના મુખ્ય પ્રધાન એન. ચંદ્રાબાબુ નાયડુ અને અન્ય 15 સામે બિનજામીનપાત્ર ધરપકડ વોરંટ બજાવવામાં આવ્યું છે. કોર્ટે તમામ આરોપીઓને કોર્ટમાં હાજર કરવા ફરમાન કર્યું છે. વર્ષ 2010માં ગોદાવરી નદી પર બાબલી પ્રોજેક્ટના વિરોધમાં ટીડીપી દ્વારા મહારાષ્ટ્ર સરકાર સામે વિરોધપ્રદર્શન અને આંદોલન કરવામાં આવ્યું હતું.

વોરંટમાં આંધ્રના સિંચાઈપ્રધાન દેવીનેની ઉમામહેશ્વર રાવ, સમાજકલ્યાણપ્રધાન એન. આનંદબાબુ અને પૂર્વ ધારાસભ્ય જી. કમલાકર તેમજ તેલુગુદેશમ પાર્ટીના અન્ય કાર્યકરોનાં નામ સામેલ છે. નાંદેડ જિલ્લાનાં ધર્માબાદ કોર્ટના મેજિસ્ટ્રેટ એન. આર. ગજભિયે દ્વારા પોલીસને તમામ આરોપીઓને પકડીને 21 સપ્ટેમ્બરે કોર્ટમાં હાજર કરવા આદેશ કરાયો છે. ટીડીપીએ ધરપકડ વોરંટના વિરોધમાં આંધ્ર પ્રદેશ અને તેલંગણામાં વિરોધપ્રદર્શન કરવા હાકલ કરી છે. નાયડુના પુત્ર અને આઈટીપ્રધાન એન. લોકેશે કહ્યું હતું કે મારા પિતા અને અન્યો 21મીએ કોર્ટમાં હાજર થશે, તેઓ તેલંગણાનાં હિતોનાં રક્ષણ માટે લડયા હતા, તેમની ધરપકડ કરાઈ ત્યારે તેમણે જામીન લેવા ઇનકાર કર્યો હતો.

(1:02 am IST)
  • જામનગરમાં તારમામદ સોસાયટીમાં હુમલો કરીને લૂંટ :દસ શખ્સોએ ચાર યુવાનની કારને આંતરી કર્યો હુમલો:ત્રણ લાખની રોકડ અને એક સોનાના ચેઇનની લૂંટ:કારમાં તોડફોડ, ચારેય ઘાયલોને હોસ્પિટલ ખસેડાયા:પોલીસ ઘટના સ્થળ બાદ હોસ્પિટલ પહોંચી:જૂની અદાવતમાં માથાકૂટ થયાનું પ્રાથમિક તારણ : પોલીસ તપાસ શરૂ access_time 9:19 pm IST

  • નવાઝ શરીફના પત્ની કુલસુમને 'સુપુર્દે ખાક' કરાયા :જનાજામાં હજારો લોકો સામેલ થયા: પાક.ના પૂર્વ વડા પ્રધાન નવાઝ શરીફનાં પત્ની કુલસુમનું મંગળવારે ગળાના કેન્સર સામે એક વર્ષ લાંબી લડાઈ બાદ લંડનમાં નિધન થયું હતું access_time 1:04 am IST

  • સુરેન્દ્રનગર સેવા સદનમાં ખાડો પડ્યો: નવા બનેલા બિલ્ડીંગનું ઉદ્ઘાટન મુખ્ય મંત્રી વિજયભાઈ રૂપાણી કર્યું હતું: 2016માં બનેલા સેવાસદનનાં તળિયા બેસી ગ્યા:કર્મચારીઓ ભારે મુશ્કેલી વચ્ચે પ્રજાના કામમાં કાર્યરત : મુખ્ય ઓફિ્સમાં જ ગાબડું પડતાં કોન્ટ્રાક્ટરની કામગીરી સામે ઉઠિયા સવાલો access_time 11:28 pm IST