Gujarati News

Gujarati News

News of Friday, 14th September 2018

યુ.એસ.માં ફલોરિડા સ્‍થિત ઇન્‍ડિયન અમેરિકન શ્રી આકાશ પટેલનો ‘‘અર્લી લર્નીગ કોલિશન''માં સમાવેશઃ ૨૦૨૧ની સાલ સુધી હિલ્‍સબરો ખાતેના કોલિશનમાં ચેરમેન પદ સંભાળશે

ફલોરિડાઃ યુ.એસ.માં ફલોરિડા સ્‍થિત ઇન્‍ડિયન અમેરિકન આંત્રપ્રિનીઅર શ્રી આકાશ પટેલનો ‘‘અર્લી લર્નીગ કોલિશન''માં સમાવેશ કરાયો છે. ગવર્નર રિક સ્‍કોટએ આ માટે પસંદ કરેલા ૧૨ લોકોમાં શ્રી આકાશને સ્‍થાન આપ્‍યું છે.

એલિવેટ ઇન્‍કના ફાઉન્‍ડર ૩૪ વર્ષીય શ્રી આકાશ આ અગાઉ પણ હીલ્‍સબરો ખાતેના કોલિશનમાં સમાવિષ્‍ટ હતા. જેમને ફરીથી આ હોદા ઉપર રીપીટ કરાયા છે. જે તેમની ઝડપી વ્‍યાવસાયિક કારકિર્દી અને વૃધ્‍ધિને ધ્‍યાનમાં લઇ નિર્ણય લેવાયો છે.

શ્રી આકાશએ આ અગાઉ એડિટોરીઅલ આસીસ્‍ટન્‍ટ તરીકે ટામ્‍યા બે ટાઇમ્‍સમાં સેવાઓ આપેલી છે. તેમજ વેસ્‍ટર્ન ટામ્‍યા બે હોટલના પબ્‍લીક રિલેશન કો-ઓર્ડીનેટર તરીકે કામગીરી બજાવેલી છે.

તેમણે હિલ્‍સબરોમાંથી રિપબ્‍લીકન તરીકે કાઉન્‍ટી કમિશનમાં ઉમેદવારી નોંધાવી હતી. જેમાં ૨૮ ઓગ.ના રોજ યોજાયેલી પ્રાઇમરી ચૂંટણીમાં તેઓ પરાજીત થયા હતા.

ગવર્નરએ તેમને હિલ્‍સબરો અર્લી લર્નીગ કોલીશનના ચેરમેન બનાવ્‍યા છે. સાથે ફલોરિડા ગવર્નર એડવાઇઝરી કાઉન્‍સીલમાં પણ સ્‍થાન આપ્‍યુ છે. તેઓ ૨૦૨૧ની સાલ સુધી હોદા ઉપર ચાલુ રહેશે.

(10:07 pm IST)
  • મોંઘવારીમાં રાહત? ઓગસ્ટ મહિનાનો જથ્થાબંધ મોંઘવારીનો દર ૪.પ૩ ટકા : પેટ્રોલ-ડીઝલના ભાવ વધારા બાદ પણ ઓગસ્ટ મહિનામાં મોંઘવારીનો દર ઘટયોઃ જૂલાઇમાં દર પ.૦૯ ટકા હતો જે ઓગસ્ટમાં ઘટીને ૪.પ૩ ટકા રહયો છે. access_time 3:37 pm IST

  • પોલીસના જાપ્તામાંથી 3 આરોપી ફરાર :વાપીની ડુંગરા પોલીસના જાપ્તામાંથી આરોપીઓ નાશી ગયા : આરોપીઓને કોર્ટમાં લઈ જતા કોર્ટ પરિસરમાં જ જીપમાંથી કૂદીને થયા ફરાર: ચોરીના ગુનામાં પોલીસના હાથે ઝડપાયા હતા:ફરાર આરોપીઓને શોધવા જિલ્લાભરની પોલીસ દોડતી access_time 11:27 pm IST

  • સુરેન્દ્રનગર સેવા સદનમાં ખાડો પડ્યો: નવા બનેલા બિલ્ડીંગનું ઉદ્ઘાટન મુખ્ય મંત્રી વિજયભાઈ રૂપાણી કર્યું હતું: 2016માં બનેલા સેવાસદનનાં તળિયા બેસી ગ્યા:કર્મચારીઓ ભારે મુશ્કેલી વચ્ચે પ્રજાના કામમાં કાર્યરત : મુખ્ય ઓફિ્સમાં જ ગાબડું પડતાં કોન્ટ્રાક્ટરની કામગીરી સામે ઉઠિયા સવાલો access_time 11:28 pm IST