Gujarati News

Gujarati News

News of Friday, 14th August 2020

રાજસ્થાનમાં ભારે વરસાદઃ જયપુરમાં વિધાનસભા સત્રમાં ભાગ લેવા જઇ રહેલ કોંગ્રેસી ધારાસભ્યોની બસ પાણીમાં અટવાઇ

સત્રને ૧ વાગ્યા સુધી અધ્યક્ષ ડો. જોષીએ મુલત્વી રાખ્યું: ભાજપ અવિશ્વાસ પ્રસ્તાવ લાવશે

જયપુર : રાજસ્થાનની રાજધાની જયપુરમાં ભારે વરસાદની અસર વિધાનસભા સત્ર ઉપર પણ પડી છે. ગેહલોત જૂથના ધારાસભ્યો સત્રમાં ભાગ લેવા ફેયરમાંટ હોટલમાંથી બે બસોમાં બેસી રવાના થયેલ. પણ ભારે વરસાદના કારણે રસ્તા ઉપર ઠેર ઠેર તળાવ ભરાઇ જતા બસ ફસાઇ ગયેલ. ઉપરાંત સત્રની કાર્યવાહી પણ ૧ વાગ્યા સુધી સ્થગીત કરાયેલ.

અગાઉ રાજસ્થાન વિધાનસભાનું પ મું સત્ર શરૂ થયેલ. કાર્યવાહી શરૂ થતા અધ્યક્ષ ડો. સી. પી. જોષીએ કાર્યવાહી બપોરે ૧ વાગ્યા સુધી સ્થગીત કરેલ. જયપુરમાં ભારે વરસાદ વચ્ચે ધારાસભ્યો સમયસર સદનમાં પહોંચી શકયા ન હતાં. બીજી તરફ રાજસ્થાનમાં રાજકીય ધમાસાણ વચ્ચે સત્ર શરૂ થતા પહેલા મુખ્યમંત્રી અશોક ગેહલોત ટ્વીટ કરી સત્યની જીત થશે તેમ જણાવેલ.

સવારથી જ જોરદાર વરસાદ જયપુરમાં પડી રહ્યો છે. રસ્તાઓ ઉપર ગાડીઓ ડૂબી ગયેલ અને લોકોને પારાવાર મુશ્કેલી પડી રહી છે. હવામાન ખાતા મુજબ આવતા ર૪ કલાકમાં જયપુર, અલવર, ભરતપુર, ભીલવાડા સહિતના પૂર્વી ભાગમાં ભારે વરસાદની સાથે અજમેર, અલવર, બાંસવાડા, બાંરા, ભરતપુર, સીકર સહિતના શહેરોમાં વિજળી પડવાની શકયતા દર્શાવી છે.

રાજસ્થાનના મુખ્ય વિપક્ષ ભાજપ દ્વારા સરકાર વિરૂધ્ધ અવિશ્વાસ પ્રસ્તાવ લાવવાની જાહેરાત વચ્ચે વિધાનસભાનું આ સત્ર ખુબ જ હંગામાવાળુ રહેશે. સત્રના આગલા દિવસે કોંગ્રેસ અને ભાજપે પક્ષની બેઠક બોલાવેલ. કોંગ્રેસે પોતાના બે ધારાસભ્યો વિશ્વેન્દ્રસિંહ અને ભંવરલાલ શર્માનું નિલંબન રદ કરેલ. પણ તે દિવસની સૌથી મહત્વપૂર્ણ ઘટના સચીન પાયલોટની અશોક ગેહલોત સાથેની મુલાકાત રહેલ. બન્ને નેતાઓ વચ્ચે મુખ્યમંત્રી નિવાસે બેઠક યોજાયેલ.

ગેહલોત-સચીન પાયલોટની સાથે કોંગ્રેસ સંગઠનના મહસચિવ વેણુગોપાલ, પ્રદેશ પ્રભારી અવિનાશ પાંડે અને પ્રદેશ અધ્યક્ષ ગોવિંદસિંહ પણ હાજર રહેલ. ત્યારબાદ કોંગ્રેસની ધારાસભ્યોની બેઠકમાં તમામ હાજર રહેલ.

(3:22 pm IST)
  • દેશમાં કોરોનાના પોઝિટિવ કેસની સંખ્યા 25 લાખને પાર પહોંચી : રાત્રે 9 વાગ્યા સુધીમાં 51 હજારથી નવા કેસ નોંધાયા : કુલ કેસનો આંકડો 25,10,715 થયો :વધુ 44 હજારથી વધુ દર્દીઓ સાજા થતા કુલ 17,95,558 દર્દીઓ રિકવર થયા : મૃત્યુઆંક 49 હજારની નજીક access_time 9:24 pm IST

  • સ્વાતંત્ર્ય પર્વની પૂર્વ સંધ્યાએ રાષ્ટ્રપતિ શ્રી રામનાથ કોવિંદે પ્રજાજનોને આઝાદી પર્વની શુભેચ્છા પાઠવી : ગલવાન ઘાટીના શહીદો તથા દેશની આઝાદી માટે બલિદાન આપનારા સ્વાતંત્ર્ય સેનાનીઓને યાદ કર્યા : ઘૂસણખોરી કરી રહેલા ચીનને જડબાતોડ જવાબ આપવાની ચીમકી આપી : કોવિદ -19 થી બચવા સરકારી નિયમોનું પાલન કરવા પ્રજાને વિનંતી કરી : આધુનિક ભારત તરફ પ્રયાણ થઇ રહ્યું હોવાનો સંતોષ વ્યક્ત કર્યો access_time 8:15 pm IST

  • પાકિસ્તાનના કબ્જા હેઠળના કાશ્મીર (POK) ના મુઝફ્ફરાબાદ શહેરમાં ચીની કંપનીઓ સામે જનઆક્રોશ - ભારે ગુસ્સો : લોકોએ વિરોધ પ્રદર્શન રેલીમાં મશાલો પ્રગટાવી અને ડ્રેગન વિરોધી સૂત્રોચ્ચાર કર્યા : ચીની કંપનીઓ દ્વારા નીલમ-જેલમ નદી પર મેગા ડેમના બાંધકામનો વિરોધ કરવા માટે રેલી યોજાઈ હતી : રેલીમાં હાજર રહેલા લોકોએ નદીઓ બચાવવા માટે સૂત્રોચ્ચાર કર્યા હતા access_time 11:11 pm IST