Gujarati News

Gujarati News

News of Wednesday, 14th August 2019

નાપાક પાક. ના રાષ્ટ્રપતિ પછી વડાપ્રધાન ઇમરાનનું પણ ઝેરીલું ઉદબોધન : કહ્યું યુદ્ધ થાશે તો વિશ્વ જવાબદાર : કાશ્મીરમાંથી ધારા 370 દૂર થવાના લીધે ગભરાયેલા ખાને અજાણતા જ સ્વીકાર્યું કે ભારતે બાલાકોટ એર સ્ટ્રાઈકમાં કર્યું છે મોટું નુકસાન

નવી દિલ્હીઃ જમ્મુ-કાશ્મીરમાંથી ધારા-370 દૂર કરાયા પછી પાકિસ્તાનમાં ખળભળાટ મચી ગયો છે. પાકિસ્તાનના રાષ્ટ્રપતિએ  પાકિસ્તાનવાસીઓ જોગ કરેલા ઉદબોધનમાં ધમકી આપ્યા પછી હવે વડાપ્રધાન ખાનએ પણ એ જ ભાષામાં ધમકી ઉચ્ચારી છે. ઈમરાન ખાને કહ્યું છે કે, જો ભારત - પાકિસ્તાન યુદ્ધ થયું તો તેના માટે સમગ્ર વિશ્વ જવાબદાર હશે. 

ગભરાયેલા વડાપ્રધાન ઈમરાને અજાણતાજ કહી દીધુ કે ભારત હવે કાશ્મીર સુધી જ અટકશે નહી. પીઓકેમાં પણ આગળ વધશે. ઈમરાને બાલાકોટ હવાઈ હુમલાનો પણ સ્વીકાર કર્યો હતો અને જણાવ્યું કે, "ભારતે બાલાકોટ કરતાં પણ વધુ ખતરનાક પ્લાન બનાવ્યો છે. બાલાકોટ કરતાં પણ મોટી કાર્યવાહી ભારત પીઓકેમાં કરશે. જો યુદ્ધ થયું તો તેની જવાબદારી દુનિયાની રહેશે. અમે ઈંટનો જવાબ પથ્થરથી આપીશું."

આ અગાઉ પાકિસ્તાનના રાષ્ટ્રપતિ આસિફ અલ્વીએ પણ ખુલ્લી ધમકી આપતા કહ્યું હતું કે, ભારતે શિમલા કરાર તોડ્યો છે. હવે તેની સામે જેહાદ થઈ શકે છે. આ સાથે જ તેમણે કહ્યું કે, પાકિસ્તાન કાશ્મીરીઓને મદદ કરવાનું ચાલુ રાખશે. અમે ભારતના નિર્ણય સામે સંયુક્ત રાષ્ટ્રમાં અપીલ કરીશું.

(6:37 pm IST)
  • ભારતની વાયુ સેનાના વિંગ કમાન્ડર અભિનંદનને " વીરચક્ર " થી સન્માનિત કરાશે : આવતીકાલ 15 ઓગસ્ટના રોજ ઉજ્વાનારા ભારતના 73 માં સ્વાતંત્ર્ય દિન નિમિત્તે દેશનું ત્રીજા નંબરનું સર્વોચ્ચ ગણાતું પદક આપી બહુમાન કરાશે access_time 12:16 pm IST

  • જામનગરમાં આજે બપોરે વરસાદી ઝાપટું પડતા શહેરના માર્ગો પર વરસાદી પાણી ફરી વળ્યાં હતા. તસવીરો : કિંજલ કારસરીયા,જામનગર access_time 3:18 pm IST

  • અરવલ્લી-દાહોદ-મહિસાગરમાં આવતીકાલે ગુરૂવારે અને શુક્રવારે ભારેથી અતિ ભારે વરસાદની ચેતવણી : ઓડીશા અને બંગાળ ઉપર લો-પ્રેશર બંગાળ ઉપર લો પ્રેશર બનતા ભારે વરસાદની સંભાવના : આ ઉપરાંત મહેસાણા, બનાસકાંઠા, પાટણમાં પણ અતિ ભારે વરસાદ પડવા ચેતવણી અપાયેલ છે : કચ્છ - સૌરાષ્ટ્રમાં આ સમય દરમિયાન સામાન્ય - મધ્યમ વરસાદ રહેવા સંભવ : દક્ષિણ - મધ્ય ગુજરાતમાં ૨ દિવસ સામાન્ય વરસાદ રહેશે : માછીમારોને દરિયો નહિં ખેડવા તાકીદ કરાયેલ છે access_time 4:17 pm IST