Gujarati News

Gujarati News

News of Wednesday, 14th August 2019

સાહસી સ્કોડ્રોન લીડર મિન્ટી અગ્રવાલને યુદ્ધ સેવા એવોર્ડ

હવાઈ સંઘર્ષ દરમિયાન મોટી ભૂમિકા ભજવી : મિન્ટી અગ્રવાલે નેપથ્ય રહીને વિકટ પરિસ્થિતિમાં સેવા આપી

નવીદિલ્હી, તા. ૧૪ : બાલાકોટ એરસ્ટ્રાઇકમાં સામેલ પાંચ વીર પાયલોટોનું આવતીકાલે સન્માન કરવામાં આવશે. આ ગાળા દરમિયાન સ્કોડ્રોન લીડર મિન્ટી અગ્રવાલને યુદ્ધ સેવા મેડલથી સન્માનિત કરવામાં આવશે. બાલાકોટ એરસ્ટ્રાઇક બાદ ભારત અને પાકિસ્તાન વચ્ચે હવાઈ સંઘર્ષ દરમિયાન આપવામાં આવેલા યોગદાન બદલ તેમનું સન્માન કરવામાં આવનાર છે. યુદ્ધમાં વિજય સરહદ પર રહીને લડનાર  સિપાહીઓની સાથે નેપથ્યમાં ભૂમિકા અદા કરનાર કેટલાક લોકોના કારણે મોટી સફળતા હાથ લાગે છે.

       સ્કોડ્રોન લીડર મિન્ટી અગ્રવાલે પણ આવી જ સ્થિતિમાં રહીને જોરદાર બુદ્ધિ શક્તિનો પરિચય આપ્યો હતો. પાકિસ્તાની વિમાનને તોડી પાડનાર વિંગ કમાન્ડર અભિનંદનનો જોરદાર સાથ આપ્યો હતો. બાલાકોટ એરસ્ટ્રાઇક બાદ પાકિસ્તાને જ્યારે ભારતમાં બદલાના ઇરાદાથી હુમલાના પ્રયાસ કર્યા ત્યારે એરફોર્સે સફળતાપૂર્વક આ હુમલાને નિષ્ફળ કરી દીધા હતા. ભારતીય પાયલોટ પડોશી દેશના જેટને સરહદ પાર સુધી ખદેડવામાં સફળ રહ્યા હતા. આ કાર્યવાહીને સફળ બનાવવામાં મિન્ટી અગ્રવાલની ભૂમિકા રહી હતી.

(7:32 pm IST)
  • પહેલુખાન મોબ લિંચિંગ કેસ: અલ્વર ખાતેના આ કેસના ૬ આરોપીને રાજસ્થાન કોર્ટે નિર્દોષ છોડી મૂક્યા. access_time 11:55 pm IST

  • અરવલ્લી-દાહોદ-મહિસાગરમાં આવતીકાલે ગુરૂવારે અને શુક્રવારે ભારેથી અતિ ભારે વરસાદની ચેતવણી : ઓડીશા અને બંગાળ ઉપર લો-પ્રેશર બંગાળ ઉપર લો પ્રેશર બનતા ભારે વરસાદની સંભાવના : આ ઉપરાંત મહેસાણા, બનાસકાંઠા, પાટણમાં પણ અતિ ભારે વરસાદ પડવા ચેતવણી અપાયેલ છે : કચ્છ - સૌરાષ્ટ્રમાં આ સમય દરમિયાન સામાન્ય - મધ્યમ વરસાદ રહેવા સંભવ : દક્ષિણ - મધ્ય ગુજરાતમાં ૨ દિવસ સામાન્ય વરસાદ રહેશે : માછીમારોને દરિયો નહિં ખેડવા તાકીદ કરાયેલ છે access_time 4:17 pm IST

  • દાઉદના ભાઇ અનિસ ઇબ્રાહીમનો સાગ્રીત ઝડપાયો : મુંબઇ ક્રાઇમ બ્રાન્ચ પોલીસે દાઉદ ઇબ્રાહીમના ભાઇ અનિસના સાગ્રીત મોહમ્મદ અબ્દુલ લતીફ સાહીદની કેરળ એરપોર્ટથી ધરપકડ કરી છે. access_time 4:18 pm IST