Gujarati News

Gujarati News

News of Wednesday, 14th August 2019

''એક વ્યકિત એક પદ''ની તરફેણમાં સોનિયા ગાંધીઃતો કેટલાય કોંગ્રેસી નેતાઓના પદ છિનવાઇ શકે છે

નવી દિલ્હી તા. ૧૪: કોંગ્રેસ પક્ષની કમાન ફરીથી સંભાળ્યા પછી સોનિયા ગાંધી ફરીથી સક્રિય થતા દેખાઇ રહ્યા છે. સુત્રો પાસેથી મળેલી માહિતી મુજબ સોનિયા પક્ષમાં એક વ્યકિત એક પદનો સિધ્ધાંત અમલી બનાવવાની તરફેણમાં છે. જો આવું થશે તો ગુલામ નબી આઝાદ અને સચિન પાયલોટ સહિત કેટલાય મોટા નેતાઓના હોદ્દાઓ છિનવાઇ શકે છે. સુત્રો પાસેથી મળતી અનુસાર સોનિયા ગાંધી આ અંગે પક્ષના રણનીતિ કારો સાથે ચર્ચા કરી રહ્યા છે અને ટુંક સમયમાં તે અંગે નિર્ણય લેવાઇ શકે છે.

કોંગ્રેસ પક્ષમાં અત્યારે ઘણાં નેતાઓ પાસે ર અથવા ૩ હોદ્દાઓ છે. પક્ષના વરિષ્ઠ નેતા ગુલામ નબી આઝાદ રાજયસભામાં વિપક્ષના નેતા હોવાની સાથે રાષ્ટ્રીય મહાસચિવ અને હરિયાણાના પ્રભારી પણ છે. રાજસ્થાનના નાયબ મુખ્ય પ્રધાન સચિવ પાયલોટ પાસે રાજસ્થાન કોંગ્રેસ અધ્યક્ષનો હોદ્દો પણ છે.

આ જ રીતે નાના પટોળે કિસાન મજદૂર કોંગ્રેસના પ્રમુખ હોવાની સાથે સાથે મહારાષ્ટ્રમાં કોંગ્રેસ પ્રચાર સમિતિના પ્રમુખ છે. નિતિન રાઉત મહારાષ્ટ્ર કોંગ્રેસના કાર્યકારી અધ્યક્ષ હોવાની સાથે પક્ષના અનુસુચિત જાતિ સેલના અધ્યક્ષ છે. ઉમંગ સિંગાર મધ્ય પ્રદેશમાં કેબિનેટ પ્રધાન હોવાની સાથે ઝારખંડના પ્રભારી છે.

જો કે સોનિયા ગાંધી પોતે પણ કોંગ્રેસ પક્ષના વચગાળાના પ્રમુખ હોવાની સાથે સાથે સંસદમાં પક્ષના સંસદીય દળના નેતા પણ છે. પણ સુત્રો અનુસાર, સોનિયા ગાંધી પક્ષ પ્રમુખ હોવાના કારણે તેમને આ નિયમમાંથી બાકાત રાખી શકાય છે.

(3:34 pm IST)
  • કાલે ૧૫ ઓગષ્ટ દેશના તમામ શહેરોમાં એલર્ટ : યાત્રાધામો અને ધાર્મિક સ્થળો ઉપર સઘન -ચાંપતી નજર access_time 3:27 pm IST

  • ભારત-પાક જવાનો આજે મિઠાઇની આપ-લે નહિ કરે : આજે પાકિસ્તાનના સ્વતંત્ર દિવસ નિમિતે અટારી-વાઘા સરહદે બોર્ડર સીકયોરીટી ફોર્સ અને પાકિસ્તાની રેન્જર વચ્ચે મીઠાઇઓની કોઇ આપ-લે નહિ થાય access_time 3:27 pm IST

  • અરવલ્લી-દાહોદ-મહિસાગરમાં આવતીકાલે ગુરૂવારે અને શુક્રવારે ભારેથી અતિ ભારે વરસાદની ચેતવણી : ઓડીશા અને બંગાળ ઉપર લો-પ્રેશર બંગાળ ઉપર લો પ્રેશર બનતા ભારે વરસાદની સંભાવના : આ ઉપરાંત મહેસાણા, બનાસકાંઠા, પાટણમાં પણ અતિ ભારે વરસાદ પડવા ચેતવણી અપાયેલ છે : કચ્છ - સૌરાષ્ટ્રમાં આ સમય દરમિયાન સામાન્ય - મધ્યમ વરસાદ રહેવા સંભવ : દક્ષિણ - મધ્ય ગુજરાતમાં ૨ દિવસ સામાન્ય વરસાદ રહેશે : માછીમારોને દરિયો નહિં ખેડવા તાકીદ કરાયેલ છે access_time 4:17 pm IST