Gujarati News

Gujarati News

News of Wednesday, 14th August 2019

યૂપીમાં દવા માટે ૩૦ રૂપિયા માંગતા પત્નિને પતિએ ત્રિપલ તલાક આપ્યા

પીડિતાના બે બાળકો પણ પતિએ છીનવી લીધા

લખનૌ, તા.૧૪: ઉત્તરપ્રદેશ હાપુડ જિલ્લાની એક મહિલાએ દાવો કર્યો છે કે એણે પોતાના પતિ પાસે દવા ખરીદવા માટે ૩૦ રુપિયા માંગ્યા તો પતિએ  ત્રિપલ તલાક આપી દીધા. પીડિતાની માતાએ કહ્યું કે, મારી દિકરી બિમાર પડી ગઈ અને એણે પતિ પાસે દવાની માંગ કરી હતી. એનાથી નારાજ થઈને ત્રિપલ તલાક આપ્યા અને એને સાસરામાંથી કાઢી મૂકી હતી.

પીડિતાએ કહ્યું કે, મારા ત્રણ વર્ષ પહેલાં લગ્ન થયા હતાં. મેં દવા માટે ૩૦ રુપિયાની માંગણી કરી હતી. એના બદલે મારા પતિએ ગુસ્સો કરીને અને મને ત્રણ તલાક આપી દીધા હતાં. ત્યારબાદ એણે એમના પરિવારના ઘરમાંથી બહાર કાઢી હતી.

પીડિતાએ એ પણ દાવો કર્યો કે એના બે બાળકો પણ છીનવી લીધા છે. હાપુડના જિલ્લા પોલીસ વડા રાજેશસિંહે કહ્યું કે, અમને એક અરજી મળી છે, જેમાં એક મહિલાએ આરોપ લગાવ્યો છે કે એના પતિએ કેટલાક દિવસ પહેલાં એને ત્રિપલ તલાક આપી દીધા છે. અમે આ મામલે કેસ દાખલ કર્યો છે અને તપાસ કરી રહ્યાં છીએ. આ મામલે આવશ્યક કાર્યવાહી કરવામાં આવશે.

મુસ્લિમ મહિલા(પ્રોટેકશન ઓફ રાઈટ ઓન મેરેજ) બિલ-૨૦૧૯ અનુસાર, મુસ્લિમોમાં તાત્કાલિક 'ત્રિપલ તલાક'ને ગેરકાનૂની છે અને ૧ ઓગષ્ટથી લાગુ થયેલાં આ બિલમાં પતિને ત્રણ વર્ષની જેલની સજાની જોગવાઈ છે.(૨૩.૩)

(10:05 am IST)
  • વિખ્યાત ગાયિકા કિંજલ દવેએ સુઇગામ નડાબેટ ખાતે બીએસએફના જવાનોને રક્ષાબંધન પર્વ નિમિતે રાખડી બાંધીને ઉજવ્યો હતો. access_time 12:22 am IST

  • પશ્ચિમ બંગાળમાં દુર્ગા પૂજા સમિતિઓને આવકવેરા વિભાગે નોટિસો ફટકારી ;તૃણમૂલ કોંગ્રેસે ધરણા શરુ કર્યા ;દુર્ગા પૂજા સમિતિઓને નોટિસ મોકલવાના વિરોધમાં તૃણમૂલ કોંગ્રેસ દ્વારા મધ્ય કોલકાતામાં આઠ કલાકના ધરણા access_time 1:10 am IST

  • ભારે વરસાદની તારાજી બાદ ૧૦ જીલ્લાઓના ૨.૫૫ લાખ લોકોને ૪.૦૮ કરોડ કેશડોલરની રકમ ચૂકવતી રાજય સરકાર : ૫ જીલ્લામાં રૂ.૬.૩૨ કરોડની ઘરવખરી સહાય : ૨૦ જીલ્લાના ૫૯૪૪૮ લોકોને ૧૦૨ સલામત સ્થળે ખસેડાયા : ૧૧ એમ.ડી.આર.એફ. અને એસ.ડી.આર.એફ.ના જવાનોની ટુકડીએ રાહત - બચાવ કાર્ય કર્યુ : પૂર ગ્રસ્તોને ૮ લાખ ફૂડ પેકેટોનું વિતરણ કરાયુ access_time 4:18 pm IST