Gujarati News

Gujarati News

News of Wednesday, 14th August 2019

બીજેપી નેતા સામેના મુઝફ્ફરનગર કોમી હિંસા સહિતના સાત કેસો પાછા ખેંચશે યોગી સરકાર

લખનૌ:ઉત્તર પ્રદેશની યોગી સરકાર બીજેપી ધારાસભ્ય સંગીત સોમ વિરુદ્ધ સાત મામલાઓને પાછા ખેંચવાની તૈયારી કરી છે મામલે યોગી પ્રશાસને રાજ્યના ચાર જીલ્લા અધિકારીઓને પત્ર લખી તમામ મામલાઓનો સ્ટેટસ રિપોર્ટ મંગાવ્યો છે. સંગીત સોમ પર એક નકલી વીડિયો દ્વારા મુઝફફરનગરમાં હિંસા ભડકાવવાના ગંભીર આરોપ છે. સરકાર મુઝફ્ફરનગરની કોમી હિંસામાં નોંધાયેલા 175 કેસોમાંથી 70 કસોને પાછા ખેંચી રહી હોવાના અહેવાલ છે.

યૂપીના નાયબ મુખ્યમંત્રી કેશવ મૌર્ય વિશે પહેલા જણાવી ચૂક્યા હતા કે સપા સરકારના કાર્યકાળમાં જેમની પર ખોટા કેસો ચાલી રહ્યા હતા તેને હટાવી લેવામાં આવશે. તેમણે જણાવ્યું હતું કે સપા સરકારની જેમ અમે કોઇ આતંકવાદી પરથી કેસ ખેંચી નથી રહ્યા. સપાના કાર્યકાળમાં રાજકીય ષડયંત્ર હેઠળ જેમને ફસાવવામાં આવ્યા હતા, તેમાં વર્તમાન સરકાર જો કોઇ કાર્યવાહી કરી રહી છે તો તેના અધિકાર હેઠળ કરી રહી છે.

જો કે રાજ્ય સરકારના નિર્ણયથી વિપક્ષ દળોમાં ભારે રોષ છે. સપા નેતા રામ ગોવિંદ ચૌધરીએ જણાવ્યું કે, સરકાર કેસો પાછા ખેંચી રહી છે કારણ કે તેમણે આવા લોકોની મદદથી ફરીવાર કોમી હિંસા ભડકાવવી છે. કોમી હિંસા બીજેપીનો મુખ્ય કાર્યક્રમ છે.

(12:00 am IST)
  • દિલ્હી સરકારની ઓટો ચાલકોને મોટી ભેટ ;જીપીએસ ફી અને ફિટનેસ ફી માફ :મુખ્યમંત્રી અરવિંદ કેજરીવાલે કરી જાહેરાત ;નવો ફેરફાર પહેલી સપ્ટેમ્બરથી થશે લાગુ access_time 1:11 am IST

  • પાકિસ્તાનના કરાંચીમાં જન્મેલી તથા શ્રી નરેન્દ્ર મોદીને ભાઈ ગણતી મહિલા કમર મોહસીન હસન રાખડી બાંધવા દિલ્હી પહોંચી : છેલ્લા 24 વર્ષથી રાખડી બાંધવાનો ક્રમ ચાલુ છે access_time 12:40 pm IST

  • અયોધ્યા કેસ મુદે સુપ્રિમમા સુનાવણી ચાલુ : બાબરના આદેશથી રામમંદિર તોડી પડાયાના પુરાવા છે? સુપ્રિમનો સવાલ : ૫ ઓગષ્ટથી શરૂ થયેલી આ સુનાવણીનો આજે ૬ઠો દિવસ છેઃ ગઇકાલની સુનાવણીમાં રામલલ્લા પક્ષના વકીલે તેમની દલીલો રાખી આજે પણ તેઓ જ તેમની વાત પર આગળ વધી રહયા છેઃ આ દરમિયાન કોર્ટે એકવાર ફરી રામલલ્લા પક્ષ પાસેથી જન્મભૂમિ પર કબ્જાના પુરાવા માંગ્યા હતા access_time 1:13 pm IST