Gujarati News

Gujarati News

News of Wednesday, 14th August 2019

અયોધ્યા કેસ : સુપ્રીમ કોર્ટમાં સુનાવણી યથાવત રીતે જારી

ત્રણ દિવસની રજા બાદ સુનાવણી ફરી શરૂ થઇ : વિવાદિત ૨.૭૪ એકર જમીન પર રામલલ્લા વિરાજમાન દ્વારા સુપ્રીમમાં રજૂઆત દરમિયાન દાવો કરવામાં આવ્યો

નવી દિલ્હી,તા. ૧૩ : ખુબ જ સંવેદનશીલ અને ચર્ચાસ્પદ અયોધ્યા મામલામાં સુનાવણી આજે પણ યથાવત રીતે જારી રહી હતી. ત્રણ દિવસની રજા બાદ સુનાવણી શરૂ થઇ હતી. આજે રામલલા વિરાજમાનના વકીલ તરફથી તર્કદાર દલીલો કરવામાં આવી હતી. તેમના તરફથી વિવાદાસ્પદ ૨.૭૭ એકર જમીન પર પોતાનો દાવો દર્શાવવામાં આવ્યો છે.

     સમગ્ર મામલામાં ચીફ જસ્ટીસ રંજન ગોગોઇના નેતૃત્વમાં પાંચ સભ્યોની બંધારણીય બેંચ દ્વારા સુનાવણી કરવામાં આવી રહી છે.બંધારણીય બેંચમાં કરવામાં આવી રહેલી સુનાવણી પર તમામની નજર કેન્દ્રિત થઇ ગઇ છે. અયોધ્યા કેસમાં દરરોજના આધાર પર સુનાવણી કરવામાં આવી રહી છે. પહેલા સપ્તાહમાં ત્રણ દિવસ સુનાવણી કરવાની વાત કરવામાં આવી હતી. હવે જુની પરંપરાને તોડીને સપ્તાહમાં પાંચ દિવસ સુનાવણી કરવાનો નિર્ણય કરવામાં આવ્યો છે. છેલ્લા કેટલાક દિવસથી ચાલી રહેલી સુનાવણીમાં જુદા જુદા પક્ષો તરફથી તર્કદાર દલીલો કરવામાં આવી રહી છે.

     આજે રામલલા માટે દલીલો કરનાર વકીલની દલીલો પૂર્ણ થઇ ગઇ છે. હજુ સુધી અનેક જોરદાર  રજૂઆત કરવામાં આવી ચુકી છે. અયોધ્યા કેસ વર્ષોથી સુપ્રીમ કોર્ટમાં પેન્ડિંગ રહેલો છે. કારણ કે દલીલો અને વળતી દલીલો જારી રહી છે. રામલલ્લા માટે દલીલ રજૂ કરનાર પરાશરનની દલીલો પૂર્ણ કરી દેવામાં આવી હતી. પરાશરનની દલીલો બાદ રામલલ્લા માટે વરિષ્ઠ વકીલ વૈદ્યનાથન દ્વારા દલીલો કરવામાં આવી હતી. તેમણે કહ્યું હતું કે, ૧૨મી ડિસેમ્બર ૧૯૪૯ના દિવસથી એટલે કે જ્યારથી વિવાદાસ્પદ જગ્યા ઉપર મૂર્તિઓ મુકવામાં આવી છે ત્યાં કોઇ નમાઝ અદા થઇ નથી અથવા તો મુસ્લિમ પક્ષકારોની તે જમીન ઉપર કોઇપણ કબજો હોવાની વાત રહી નથી. વૈદ્યનાથને કહ્યું હતું કે, ૧૯૪૯માં મૂર્તિ મુકવામાં આવી

તે પહેલા પણ આ સ્થાન હિન્દુઓ માટે પુજનીય રહ્યું હતું. હિન્દુ લોકો દર્શન કરવા માટે આવતા હતા. માત્ર મુર્તિની જરૂર નથી. કોઇ સ્થળના પૂજનીય થવા માટે અન્ય બાબતોને પણ દાખલાતરીકે લઇ શકાય છે જેમાં ગંગા અને ગોવર્ધન પર્વતનો દાખલો સૌથી ઉપર છે. હજુ સુધીની સુનાવણીમાં મુસ્લિમ પક્ષકાર રાજીવ ધવન તરફથી મામલાની પાંચ દિવસ સુનાવણીનો વિરોધ કરવામાં આવ્યો છે.

        તેઓએ આ સુનાવણીને અમાનવીય ગણાવીને કહ્યું છે કે, તેમને તૈયારીની તક આપવામાં આવી નથી. તેઓએ કહ્યું છે કે, આવી સ્થિતિમાં તેમને કેસ છોડી દેવાની ફરજ પડી શકે છે. આ પહેલાની સુનાવણી દરમિયાન રામલલ્લા વિરાજમાનના વકીલને શ્રેણીબદ્ધ પ્રશ્નો કરવામાં આવ્યા હતા. રામના કોઇ વંશજ ઉપસ્થિત છે કે કેમ તેવા પ્રશ્ન કરવામાં આવ્યા હતા. રામલલ્લા વિરાજમાનના વકીલ વૈદ્યનાથનની દલીલો દરમિયાન સુન્ની વક્ફ બોર્ડ તરફથી વકીલ રાજીવ ધવન તરફથી ટિપ્પણી કરવામાં આવ્યા બાદ મુખ્ય ન્યાયમૂર્તિ દ્વારા નારાજગી વ્યક્ત કરાઈ હતી.

(9:17 am IST)
  • અરવલ્લી-દાહોદ-મહિસાગરમાં આવતીકાલે ગુરૂવારે અને શુક્રવારે ભારેથી અતિ ભારે વરસાદની ચેતવણી : ઓડીશા અને બંગાળ ઉપર લો-પ્રેશર બંગાળ ઉપર લો પ્રેશર બનતા ભારે વરસાદની સંભાવના : આ ઉપરાંત મહેસાણા, બનાસકાંઠા, પાટણમાં પણ અતિ ભારે વરસાદ પડવા ચેતવણી અપાયેલ છે : કચ્છ - સૌરાષ્ટ્રમાં આ સમય દરમિયાન સામાન્ય - મધ્યમ વરસાદ રહેવા સંભવ : દક્ષિણ - મધ્ય ગુજરાતમાં ૨ દિવસ સામાન્ય વરસાદ રહેશે : માછીમારોને દરિયો નહિં ખેડવા તાકીદ કરાયેલ છે access_time 4:17 pm IST

  • પશ્ચિમ બંગાળમાં દુર્ગા પૂજા સમિતિઓને આવકવેરા વિભાગે નોટિસો ફટકારી ;તૃણમૂલ કોંગ્રેસે ધરણા શરુ કર્યા ;દુર્ગા પૂજા સમિતિઓને નોટિસ મોકલવાના વિરોધમાં તૃણમૂલ કોંગ્રેસ દ્વારા મધ્ય કોલકાતામાં આઠ કલાકના ધરણા access_time 1:10 am IST

  • ભારતની વાયુ સેનાના વિંગ કમાન્ડર અભિનંદનને " વીરચક્ર " થી સન્માનિત કરાશે : આવતીકાલ 15 ઓગસ્ટના રોજ ઉજ્વાનારા ભારતના 73 માં સ્વાતંત્ર્ય દિન નિમિત્તે દેશનું ત્રીજા નંબરનું સર્વોચ્ચ ગણાતું પદક આપી બહુમાન કરાશે access_time 12:16 pm IST