Gujarati News

નવી દિલ્હીઃ બાયોટેકનોલોજી કંપની બાયોકોને કહ્યું કે તે મધ્યમથી માંડીને ગંભીર કોરોના દર્દીની સારવાર માટે બાયોલોજીક દવા- ઈટોલીજુમાલ રજુ કરશે. જેની કિંમત લગભગ ૮૦૦૦ રૂપિયા પ્રતિ બોટલ હશે. કંપનીએ કહ્યું છે કે તેને કોવિંદ -૧૯ના કારણે મધ્યમથી માંડીને ગંભીર તીવ્ર શ્વસન સંકટ સીન્ડ્રોમ (એઆરડીએસ)ના કેસમાં સાઈટોકાઈન રીલીઝ સીન્ડોમના ઉપચાર માટે ભારતમાં આપાતકાલીન ઉપયોગ માટે ઈટોલીજુમાલ ઈન્જેકશન (૨૫મીગ્રા/ પાંચ મીલી)ના ઉપયોગની મંજૂરી ડીસીજીઆઈ પાસેથી મળી છે.

બાયોકોને આ પહેલા એક સૂચનામાં કહ્યું હતું કે ઈટોલીજુમાલ દુનિયાની કયાંય પણ સ્વીકૃત  પહેલો નોવલ બાયોલોજીકલ ઉપચાર છે. જેમાં કોવિંદ-૧૯ની ગંભીર જટિલતાઓથી પીડીત રોગીઓનો ઈલાજ કરવામાં આવે છે.

બાયોકોનના કાર્યકારી અધ્યક્ષ કિરણ મજદાર શો એ એક વર્ચ્યુઅલ પત્રકાર પરિષદમાં કહયું કે જયાં સુધી રસી નહીં આવે ત્યાં સુધી આપણે જીવન રક્ષક દવાઓની જરૂર પડે છે. મને લાગે છે કે આપણે દુનિયાભરમાં જે કરીએ તે આ મહામારીના ઈલાજ માટે નવી દવાઓનો વિકાસ કરીએ છીએ.

તેમણે કહ્યું કે ભલે આપણને આ વર્ષના અંત સુધીમાં અથવા આવતા વર્ષે કોઈ રસી મળી જાય પણએ વાતની કોઈ ગેરંટી નથી કે ફરીથી સંક્રમણ નહીં થાય. જે રીતે આપણે આશા રાખીએ છીએ તે જ રીતે તે દવા કામ કરશે એવી પણ કોઈ ગેરંટી નથી. આના માટે આપણે તૈયાર રહેવાની જરૂર છે.