Gujarati News

નવી દિલ્હી, તા.૧૪: સીબીડીટી દરેક બેન્કો તેમજ પોસ્ટ ઓફ્સિોને સોફ્ટવેર યુટિલિટી પૂરી પાડશે કે જેથી ૨૦ લાખ કરતા વધુની રકમનો રોકડ ઉપાડ થતાં જ ૨ ટકા ટીડીએસ આપમેળે કપાઈ જાય. અત્યાર સુધી બેન્કો પોતે TDS કાપી જમા કરાવતી હતી હવે સીધી કપાત થશે. છેલ્લા ત્રણ વર્ષથી રિટર્ન નહીં ભરનારને પકડવા માટે આ પગલું લેવાયું છે.  તા. ૧ જુલાઈ ૨૦૨૦થી બેન્કો અને પોસ્ટઓફિસનો યુટીલિટી ઉપલબ્ધ થઈ અને અત્યાર સુધીમાં ૫૩ જેટલાં કેસોમાં વેરિફિકેશન કરાયું છે.

ચાલુ વર્ષના બજેટમાં આવકવેરાની નવી ઉમેરાયેલી કલમ ૧૯૪-એન મુજબ ૧ કરોડ કરતાં વધુ રકમનો રોકડમાં ઉપાડ કરનાર કોઈ પણ કરદાતા માટે આખા વર્ષનો ટૂકડે ટૂકડે મળીને પણ જો ૧ કરોડથી ઉપાડ વધી જાય તો દરેક બેન્કો, કો. ઓપરેટિવ બેન્કો તેમજ પોસ્ટ ઓફ્સિો આવા રોકડના ઉપાડની ચુકવણી કરતી વખતે ૨ ટકા ટીડીએસ કાપી લેશે. છેલ્લા ૩ વર્ષના રિટર્ન નહીં ભરનાર કરદાતા જો ૨૦ લાખથી વધુનો રોકડ ઉપાડ કરશે તો ૨ ટકા ટીડીએસ કપાવાનું શરૂ થઈ જશે અને આવા કરદાતા જયારે ૧ કરોડથી વધારે ઉપાડ કરશે તો ૫ ટકા લેખે ટીડીએસ કપાશે.

હવે બેન્કો આ કાર્યવાહી બરોબર રીતે નિભાવે તે માટે એ પોતે જ એક યુટિલિટી તૈયાર કરી છે અને આ યુટિલિટીને બેન્કો અને પોસ્ટ ઓફ્સિની ઇન્ટરનલ કોર બેન્કિંગ સોલ્યુશન સાથે લિંક કરી દેવાઈ છે. આ યુટિલિટી અનુસાર દરેક બેન્કો અને પોસ્ટ ઓફ્સિોએ જયારે કોઈ વ્યકિત રોકડ ઉપાડ કરવા આવે ત્યાં તેનો પાન નંબર એન્ટર થતાં જ આ યુટિલિટી રોકડ ઉપાડ કરનાર કરદાતાએ જે રિટર્ન ફઈલ કરેલ હોય તેની ઓટોમેટિક ચકાસણી કરશે અને જો તેણે છેલ્લા ત્રણ વર્ષના રિટર્ન નહીં ભરેલ હોય તો સિસ્ટમ જાતે જ તેનો ટીડીએસ ૨૦ લાખનો ઉપાડ થશે એટલે કાપવા માંડશે. જો કોઈ પાન નહીં ધરાવે તો ૨૦ ટકા ટીડીએસ કપાશે.