Gujarati News

મુંબઈ :મહારાષ્ટ્રમાં હવે સિનેમાગૃહો અને મલ્ટિપ્લેક્સમાં ખાવા-પીવાની વસ્તુ સાથે લઇ જઇ શકશો. જે સિનેમા ગૃહો અને મલ્ટિપ્લેક્સ આ નિયમનું પાલન નહી કરે તેના પર મહારાષ્ટ્ર સરકાર કાર્યવાહી કરશે સરકારની નવી નીતિ પ્રમાણે હવે પ્રેક્ષકો લુંટાતા બચી શકશે

  મહારાષ્ટ્રમાં અત્યાર સુધી સિનેમાગૃહો અને મલ્ટિપ્લેક્સમા ખાવા-પીવાની વસ્તુ અંદર લઇ જવાની મનાઇ હતી. જે કારણે લોકોએ ખાવા-પીવાની વસ્તુઓ ફરજીયાતપણે સિનેમાગૃહની અંદરથી ઉંચા ભાવે ખરીદવી પડતી હતી.

  મહારાષ્ટ્ર સરકારના આ નિર્ણયથી ફિલ્મ જોનારાઓને રાહત મળશે કારણ કે સિનેમાગૃહો અને મલ્ટિપ્લેક્સોના માલિકો લોકો પાસેથી ખાવા-પીવાની વસ્તુઓ પર મનફાવે તેવા ભાવ વસૂલ કરતા હતા. ગુજરાતમાં પણ હાલમાં તો આ જ પ્રકારની પરિસ્થિતિ છે.ગુજરાતીઓ મલ્ટીપ્લેક્ષમાં લૂંટાઈ રહ્યા છે ત્યારે ગુજરાત સરકારે પણ પાડોશી રાજ્યની નીતિમાંથી ધડો લઈને આવી કાર્યવાહી કરવી જોઈએ.