Gujarati News

Gujarati News

News of Thursday, 14th June 2018

તમિળનાડુ : ૧૮ ધારાસભ્યોનો મેમ્બરશીપ કેસ લાર્જર બેંચમાં

પલાનીસામી સરકારને હાલ પુરતી રાહત મળી ગઈઃ મદ્રાસ હાઈકોર્ટે પાંચ મહિનાના ગાળા બાદ ચુકાદો આપ્યો હાઈકોર્ટની બે જજ બેંચે આખરે વિભાજિત ચુકાદો આપ્યો

ચેન્નાઈ, તા.૧૪: મદ્રાસ હાઈકોર્ટે આજે ૧૮ ધારાસભ્યોની મેમ્બરશીપ રદ કરવાના મામલામાં આશરે પાંચ મહિનાના ઇન્તજાર બાદ પોતાનો ચુકાદો આપી દીધો હતો. આજે કોર્ટના ચુકાદા બાદ પલાનીસામી સરકારને કામચલાઉ રાહત મળી ગઈ હતી. આ મામલામાં હાઈકોર્ટની બે જજની બેંચે વિભાજિત ચુકાદો આપ્યો હતો. હાઈકોર્ટના ચીફ જસ્ટિસે એકબાજુ સ્પીકર દ્વારા ધારાસભ્યોની મેમ્બરશીપ રદ કરવાના ચુકાદાને માન્ય રાખ્યો હતો જ્યારે બીજા જસ્ટિસ સુંદરે ધારાસભ્યોની મેમ્બરશીપ રદ કરવાની સામે ચુકાદો આપ્યો હતો. આ ચુકાદાથી પલાનીસામી સરકારને રાહત મળી ગઈ છે. ચુકાદો વિભાજિત રહ્યા બાદ હવે નિર્ણાયક ફેંસલો ત્રણ જજની બેંચ દ્વારા કરવામાં આવશે. આ ચુકાદાથી રાજ્ય સરકાર ગબડી પડવાનો ખતરો હાલમાં ટળી ગયો છે. અત્રે નોંધનીય છે કે, બેંચ પોતાનો ચુકાદો અનામત રાખી ચુકી છે. ચુકાદો આવતા પહેલા મુખ્યમંત્રી પલાનીસામી પોતાના આવાસ ઉપર વરિષ્ઠ પ્રધાનો સાથે બેઠક કરતા નજરે પડ્યા હતા. તેઓ ચુકાદો આવવાની સ્થિતિમાં જુદા જુદા પાસા ઉપર વાતચીત કરી રહ્યા હતા. હકીકતમાં જો કોર્ટે ધારાસભ્યોની મેમ્બરશીપ રદ કરવાનો ચુકાદો ફગાવી દીધો હોત તો સરકારને ફ્લોર ટેસ્ટમાંથી પસાર થવાની ફરજ પડી હોત. જેના કારણે સરકાર ગબડી પડવાની સંભાવના હતી. ટીટીવી દિનાકરણે ચુકાદાના સંદર્ભમાં પ્રતિક્રિયા આપતા કહ્યું છે કે, જનતા વિરોધી સરકારને થોડાક વધુ મહિના માટે તક મળી ગઈ છે. તેમણે કહ્યું હતું કે, એક જજે સ્પીકરના નિર્ણયને ખોટો ગણાવ્યો છે.

(9:44 pm IST)
  • અમદાવાદના મહિલા મેયર તરીકે બીજલ પટેલઃ અમોલ ભટ્ટ સ્ટેન્ડીંગ ચેરમેનઃ ડે. મેયર તરીકે દિનેશ મકવાણાની વરણીઃ શાસક પક્ષના નેતા તરીકે અમિતભાઇ શાહને જવાબદારી access_time 11:32 am IST

  • શ્રીનગરમાં વરિષ્ઠ પત્રકાર સુજાત બુખારીની ગોળી મારીને હત્યા : જમ્મુ અને કાશ્મીરની રાજધાની શ્રીનગરમાં વરિષ્ઠ પત્રકાર શુજાત બુખારીની ગોળી મારીને હત્યા કરી દેવામાં આવી છે. તેઓ 'રાઇઝિંગ કાશ્મીર' અખબારના સંપાદક હતા. : સત્તારૂઢ પીડીપી (પીપલ્સ ડેમોક્રેટિક પાર્ટી) ના નઇમ અખતરે જણાવ્યું,કે જ્યારે ઓફિસમાંથી બહાર નીકળી રહ્યા હતા, ત્યારે અજાણ્યા શખ્સોએ તેમને ગોળી મારી હતી. access_time 8:36 pm IST

  • આજથી સમગ્ર વિશ્વમાં ફુટબોલ ફીવરઃ ફીફા વર્લ્ડકપનો પ્રારંભઃ ૧૧ શહેરના ૧૨ સ્ટેડિયમોમાં રમાશે ૬૪ મેચઃ રશિયામાં ઉત્સાહનું મોજુઃ પ્રથમ મેચ યજમાન રશિયા અને સાઉદી અરેબિયા વચ્ચે access_time 11:31 am IST