Gujarati News

Gujarati News

News of Thursday, 14th June 2018

હરિયાણાના મહેન્‍દ્રગઢ જિલ્લાના સંતરામ નામના વ્‍યક્તિની ઋતુવિરોધી પ્રવૃત્તિઃ શિયાળામાં ગરમીનો અનુભવ અને ઉનાળામાં ઠંડી લાગે છે

મુંબઇઃ એક તરફ દેશમાં કાળઝાળ ગરમી પડી રહી છે. કોઈ તમને કહે કે ઉનાળામાં સ્વેટર પહેરીને ફરો તો?!…પણ એક વ્યક્તિ પરસેવે રેબઝેબ થઈ જવાતી ગરમીમાં પણ 3-4 રજાઈ ઓઢીને બહાર નીકળે છે. અને આનાથી ઊલટું શિયાળામાં કરે છે. વાંચીને લાગીને નવાઈ….

દિલ્હીથી થોડે દૂર હરિયાણાના મહેન્દ્રગઢ જિલ્લાના એક વ્યક્તિ સંતરામનું કહેવું છે કે, “મને ગરમીમાં ખૂબ જ ઠંડી લાગે છે.આટલું જ નહીં અસહ્ય ગરમીમાં સંતરામ રજાઈ ઓઢીને ફરે છે અને તાપણું કરે છે. તો સંતરામને હાડ થીજવતી ઠંડીમાં અસહ્ય ગરમી લાગે છે. જેમ જેમ ગરમીનો પારો વધે છે તેમ તેમ સામાન્ય માણસ ગરમીથી ત્રાહિમામ પોકારી જાય છે. એવામાં સંતરામ રાત્રે વધારે રજાઈઓ ઓઢીને સૂઈ જાય છે.

આસપાસના લોકોનું કહેવું છે કે સંતરામ બાળપણથી જ આવું કરે છે. મહેન્દ્રગઢના ગામ ડેરોલી અહીરના નિવાસી સંતરામ શિયાળામાં ગરમી અનુભવે છે. સાથે જ શિયાળામાં સંતરામ બરફ પર ઊંઘી જાય છે અને બરફ ખાય પણ છે. શિયાળામાં સંતરામ સવારે 5 વાગ્યે ઉઠીને તળાવમાં સ્નાન કરે છે અને આખો દિવસ પાણીમાં રહે છે.

સંતરામના પરિવારે જણાવ્યું કે, જિલ્લા પ્રશાસને તેમનું સન્માન કર્યું છે અને મદદ પણ કરી છે. બહારથી ડોક્ટર્સની ટીમે આવીને તેમનું ચેકઅપ પણ કર્યું છે. પરંતુ કોઈ પરિણામ ન મળી શક્યું. મીડિયા રિપોર્ટ પ્રમાણે, સંતરામને લોકો ‘હવામાન વિભાગ’ તરીકે ઓળખે છે. ડેપ્યુટી CMO અશોક કુમારે કહ્યું કે, સંતરામને કોઈ બીમારી નથી. કેટલાક ડોક્ટર્સના મતે તેમણે આજ સુધી આવો વ્યક્તિ નથી જોયો. સંતરામ પર મેડિકલ કૉલેજમાં રિસર્ચની પણ તૈયારીઓ ચાલી રહી છે.

(6:15 pm IST)
  • ગૌરી લંકેશના શંકાસ્પદ હત્યારાઓના હિટલિસ્ટમાં બીજા અનેક લોકોના નામ હોવાનું ખુલ્યું : એસઆઇટીના સુત્રોએ કહ્યું કે,હિટલિસ્ટમાં ગિરીશ કર્નાડ ઉપરાંત જ્ઞાનપીઠ પુરસ્કાર વિજેતા નેતા, સાહિત્યાકર બીટી લલિતા નાઇક, નિદુમામિડી મઠના પ્રમુખ વીરભદ્ર ચન્નામલ્લા સ્વામી અને બુદ્ધિજીવી સીએસ દ્વારકાનાથનો સમાવેશ access_time 12:55 am IST

  • શ્રીનગરમાં વરિષ્ઠ પત્રકાર સુજાત બુખારીની ગોળી મારીને હત્યા : જમ્મુ અને કાશ્મીરની રાજધાની શ્રીનગરમાં વરિષ્ઠ પત્રકાર શુજાત બુખારીની ગોળી મારીને હત્યા કરી દેવામાં આવી છે. તેઓ 'રાઇઝિંગ કાશ્મીર' અખબારના સંપાદક હતા. : સત્તારૂઢ પીડીપી (પીપલ્સ ડેમોક્રેટિક પાર્ટી) ના નઇમ અખતરે જણાવ્યું,કે જ્યારે ઓફિસમાંથી બહાર નીકળી રહ્યા હતા, ત્યારે અજાણ્યા શખ્સોએ તેમને ગોળી મારી હતી. access_time 8:36 pm IST

  • મુંબઈમાં છેલ્લા બે મહિનામાં 295 આગ લાગવાની ઘટના ;60 કરોડનું નુકશાન :બીએમસીની નિષ્ક્રિયતા સામે ઉઠતા સવાલ access_time 12:56 am IST