Gujarati News

Gujarati News

News of Thursday, 14th June 2018

સરકારી બેન્કોના સૌથી મોટા યુનિયને દિલ્હી હાઇકોર્ટમાં અરજી કરીને આરબીઆઇના વિવાદાસ્‍પદ પરિપત્રને પડકાર્યો

નવી દિલ્હીઃ સરકારી બેન્કોના સૌથી મોટા યુનિયને દિલ્હી હાઈ કોર્ટમાં એક અરજી દાખલ કરીને આરબીઆઇના 12 ફેબ્રુઆરીના વિવાદાસ્પદ પરિપત્રને પડકાર્યો છે. આ પરિપત્ર પ્રમાણે કોઈ સ્ટ્રેસ્ડ લોનનો ઉકેલ ન આવે તો 180 દિવસ પછી તરત બેન્કરપ્સીની પ્રક્રિયા કરવાનું જણાવાયું છે.

ત્રણ લાખ સુપરવાઇઝરી સ્ટાફ અને ઓફિસર્સનું પ્રતિનિધિત્વ કરતા ઓલ ઇન્ડિયા બેન્ક ઓફિસર્સ કન્ફેડરેશને કહ્યું છે કે આ પગલાંથી સરકારી બેન્કોને એક લાખ કરોડનો ફટકો લાગશે. તેના કારણે બેન્કો માટે ટકવું મુશ્કેલ બનશે અને તેના કામદારોની રોજગારી જોખમમાં મુકાશે.

AIBOCની માંગણી છે કે દિલ્હી હાઈ કોર્ટ આ પરિપત્રને રદબાતલ કરે. યુનિયનની અરજી આરબીઆઇ અને ભારત સરકાર વિરુદ્ધ કરવામાં આવી છે. તેમાં આરોપ મુકાયો છે તેમાં બંધારણની કલમ 14 અને 19નો ભંગ થાય છે, સંસદીય સમિતિની ભલામણોની ઉપેક્ષા થાય છે જેણે ઇન્ફ્રાસ્ટ્રક્ચર પ્રોજેક્ટ માટે અલગ નિયમો ઘડવા સૂચન કર્યું હતું અને તેમાં ઘણાં વિપરીત પરિણામો આવશે જેથી બેન્કોને જંગી નુકસાન થશે.

પરિપત્રથી કંપનીઓની ઊંઘ ઊડી ગઈ છે. તેમાંથી ઘણી કંપનીઓ ઇન્ફ્રાસ્ટ્રક્ચર પ્રોજેક્ટમાં નિયમનકારી પ્રશ્નોના કારણે દબાણમાં છે. કેટલીકને ગ્રીન ક્લિયરન્સ નથી મળ્યું તો અમુક કિસ્સામાં જમીનનું હસ્તાંતરણ, ઈંધણની અછત, વૈશ્વિક અને સ્થાનિક બજારમાં મંદી જેવાં કારણો જવાબદાર છે. સરકારના અમુક વિભાગો દ્વારા પણ તેમનો વિરોધનો સામનો કરવો પડે છે.

બેન્ક યુનિયનની દલીલ છે કે નેશનલ કંપની લો ટ્રિબ્યુનલ અને ઈનસોલ્વન્સી એન્ડ બેન્કરપ્સી કોડ દ્વારા બેન્કરપ્સી પ્રક્રિયામાં કેટલાક અયોગ્ય નિર્ણય લેવાયા છે જેના કારણે બેન્કોએ ભારે ખોટ સહન કરવાનો વારો આવ્યો છે.

(6:14 pm IST)
  • આજથી સમગ્ર વિશ્વમાં ફુટબોલ ફીવરઃ ફીફા વર્લ્ડકપનો પ્રારંભઃ ૧૧ શહેરના ૧૨ સ્ટેડિયમોમાં રમાશે ૬૪ મેચઃ રશિયામાં ઉત્સાહનું મોજુઃ પ્રથમ મેચ યજમાન રશિયા અને સાઉદી અરેબિયા વચ્ચે access_time 11:31 am IST

  • રાજસ્થાનમાં સ્થાનિક સ્વરાજની 27 સીટ પરની પેટાચૂંટણીમાં ભાજપ કોંગ્રેસ વચ્ચે કાટે કી ટક્કર : કોંગ્રેસનો 11 બેઠકોમાં કબ્જો ;ભાજપનો 13 સીટમાં વિજય ;એક બેઠક એનસીપી અને બે સીટ પર અપક્ષનો વિજય થયો છે access_time 11:41 pm IST

  • નાનાનું ધારદાર ટ્વીટઃ પહેલા દિલ્હીવાળા કેજરીવાલ, કેજરીવાલ કરતા હતા : હવે દિલ્હીવાળા હે ભગવાન, હે ભગવાન કરે છે!!! access_time 11:32 am IST