Gujarati News

Gujarati News

News of Thursday, 14th June 2018

અમેરિકાની નંબર વન કંપની જનરલ મોટર્સના મુખ્ય નાણાકીય અધિકારી તરીકે ભારતીય મહિલા દિવ્યા સૂર્યદેવડા વરણી

નવી દિલ્હીઃ વૈશ્વિક કોર્પોરેટ જગતમાં વધુ એક ભારતીય મહિલા ઇતિહાસ રચવાની નજીક છે. દિવ્યા સૂર્યદેવડા દુનિયાની સૌથી મોટી કંપનીના CFO (મુખ્ય નાણાકીય અધિકારી)નું પદ સંભાળશે. જનરલ મોટર્સ (GM) ભારતીય કોર્પોરેટ દિવ્યા સૂર્યદેવડાને આ જવાબદારી સોંપી છે. દિવ્યા ફિલવક્ત કંપનીના કોર્પોરેટ ફાયનાન્સ વિભાગની ઉપાધ્યક્ષ છે. તે 1 સપ્ટેમ્બર 2018ના રોજ પદભાર ગ્રહણ કરશે. જનરલ મોટર્સ અમેરિકાની નંબર 1 કંપની છે.

39 વર્ષીય દિવ્યાએ જીએમના ઘણા મોટા તથા મહત્વપૂર્ણ સોદામાં મહત્વની ભૂમિકા ભજવી છે. તેનાથી કંપનીના પુનગઠનની પ્રક્રિયાને ખૂબ મજબૂતી મળી શકે છે. તેમાં કંપનીની યૂરોપીય એકમનો મામલો હોય કે પછી ક્રૂઝના અધિગ્રહણનો. બંને સોદા કંપની માટે મહત્વપૂર્ણૅ હતા. તેમની ભૂમિકામાં જ જાપાનના સોફ્ટ બેંકે કંપનીમાં 2.25 અરબ ડોલરનું રોકાણ કર્યું.

ડેટ્રોયલ સ્થિત કંપનીમાં દિવ્યા 13 વર્ષથી કામ કરી રહી છે. તેમણે કંપનીની રેટિંગ સુધારવામાં મહત્વપૂર્ણ ભૂમિકા ભજવી છે. તેનાથી કંપનીની ક્રેડિટ સુધારી વધારીને 14.5 અરબ ડોલર પર પહોંચી ગઇ. જુલાઇ 2017માં તેમણે કંપનીના કોર્પોરેટ ફાયનાન્સ વિભાગના ઉપાધ્યક્ષ બનાવ્યા. આ સાથે જ તેમને રોકાણકારોને પ્રોત્સાહનની જવાબદારી પણ સોંપવામાં આવી. 2016માં તેમને ઓટોમોટિવ ક્ષેત્રની 'રાઇઝિંગ સ્ટાર'નો ખિતાબ આપવામાં આવ્યો હતો. ભારતમાં કોલેજનો અભ્યાસ પુરો કર્યા બાદ દિવ્યા અમેરિકા જતી રહી હતી. તે સમયે તે 22 વર્ષની હતી. તેમણે ત્યાં જઇને હાર્વર્ડમાં અભ્યાસ કર્યો. પહેલી નોકરી યૂબીએસમાં મળી હતી. તેના એક વર્ષ બાદ તે જીએમમાં આવી ગઇ. 

ઇકોનોમિક્સ ટાઇમ્સના સમાચાર અનુસાર દિવ્યાનો પરિવાર (પતિ અને પુત્રી) ન્યૂયોર્કમાં રહે છે. જ્યારે પરિવાર સાથે મળવાનું થાય છે તો તે ડેટ્રોયટથી ન્યૂયોર્ક આવે છે. દિવ્યાને નવી જવાબદારી ચક સ્ટીવેંસની નિવૃતિ સાથે મળી. સ્ટીવેંસ જીએમ સાથે ગત 40 વર્ષથી કામ કરી રહ્યા હતા. તે જાન્યુઆરી 2014માં સીએફઓ બન્યા હતા. 

(6:13 pm IST)
  • ગૌરી લંકેશના શંકાસ્પદ હત્યારાઓના હિટલિસ્ટમાં બીજા અનેક લોકોના નામ હોવાનું ખુલ્યું : એસઆઇટીના સુત્રોએ કહ્યું કે,હિટલિસ્ટમાં ગિરીશ કર્નાડ ઉપરાંત જ્ઞાનપીઠ પુરસ્કાર વિજેતા નેતા, સાહિત્યાકર બીટી લલિતા નાઇક, નિદુમામિડી મઠના પ્રમુખ વીરભદ્ર ચન્નામલ્લા સ્વામી અને બુદ્ધિજીવી સીએસ દ્વારકાનાથનો સમાવેશ access_time 12:55 am IST

  • મુંબઈમાં ત્રણ દિવસ વાદળાઓ છવાશેઃ હળવો વરસાદ પડશેઃ મુંબઈમાં આજે વાદળછાયા વાતાવરણ વચ્ચે એકાદ બે જગ્યાએ હળવો વરસાદઃ કાલે સાંજે હળવો વરસાદ પડશેઃ મુંબઈવાસીઓને ગરમીમાંથી આંશિક રાહત મળશેઃ શનિવારે વાદળછાયા વાતાવરણ વચ્ચે છાંટાછુટીની સંભાવના access_time 11:30 am IST

  • રાજસ્થાનમાં સ્થાનિક સ્વરાજની 27 સીટ પરની પેટાચૂંટણીમાં ભાજપ કોંગ્રેસ વચ્ચે કાટે કી ટક્કર : કોંગ્રેસનો 11 બેઠકોમાં કબ્જો ;ભાજપનો 13 સીટમાં વિજય ;એક બેઠક એનસીપી અને બે સીટ પર અપક્ષનો વિજય થયો છે access_time 11:41 pm IST