Gujarati News

Gujarati News

News of Thursday, 14th June 2018

કેજરીવાલ વગેરે ૩ દિવસથી ન્હાયા પણ નથીઃ ૪ લોકો માટે માત્ર એક જ ટોયલેટ

૪૮ કલાકથી કેજરીવાલ અને તેમની અડધી કેબીનેટ ઉપરાજ્યપાલના રાજ નિવાસના એક રૂમમાંથી કામ કરી રહી છે : સોફા ઉપર સૂવે છે, બહારથી ખાવાનું આવે છેઃ રૂમમાંથી જ ફાઈલોનો નિકાલ

નવી દિલ્હી, તા. ૧૪ :. છેલ્લા ૪૮ કલાકથી અરવિંદ કેજરીવાલ અને તેમની અડધી કેબીનેટ ઉપરાજ્યપાલ અનિલ બૈજલના રાજ નિવાસમાં એક રૂમમાંથી કામ કરી રહી છે. આ નાના રૂમમાંથી સરકારી ફાઈલોનો નિકાલ કરવામાં આવી રહ્યો છે. ફર્નિચર અને સોફા ઉપર આ લોકો રાત્રીના સૂવે છે અને ધરણા પર બેઠેલા આ લોકો માત્ર એક વોશ રૂમનો ઉપયોગ કરી રહ્યા છે. માત્ર થોડાક જ સ્ટાફને મળવાની છૂટ છે. કર્મચારીઓનો એક નાનો સમૂહ કેજરીવાલ અને તેમના પ્રધાનોને જરૂરી સંદેશ પહોંચાડવાથી લઈને ખાવાપીવાનું ઉપલબ્ધ કરાવી રહ્યા છે. સોમવારથી આ લોકો ધરણા પર બેઠા છે. કેજરીવાલ, મનીષ સીસોદીયા, ગોપાલ રાય અને સત્યેન્દ્ર જૈન હડતાલ પર બેઠા છે. સૂત્રોના જણાવ્યા પ્રમાણે આપના આ નેતાઓ ૩ દિવસથી ન્ર્ીહાયા વગર બેઠા છે. તેમને પક્ષના નેતાઓએ ટુથબ્રશ અને પેસ્ટ પહોંચાડી હતી. સૂત્રોના જણાવ્યા પ્રમાણે આ બધા સતત સોશ્યલ મીડીયા પર પોતાનો સમય વિતાવી રહ્યા છે. બધાને સૂવામાં તકલીફ પડી રહી છે. ગોપાલ રાયને કમ્મરની સમસ્યા છે. તેમને વધુ તકલીફ પડી રહી છે.

(3:07 pm IST)
  • દિલ્હીમાં હવાનું પ્રદુષણ ત્રીજા દિવસે અતિ ગંભીર સ્તરે :બાંધકામ ગતિવિધિઓ પર પ્રતિબંધ મુકાયો : લોકોને લાંબા સમય ઘરની બહાર નહીં રહેવા સૂચના:દિલ્હી એનસીઆર વિસ્તારમાં પીએમનું સ્તર 1400 માઇક્રોગ્રામ પ્રતિ ઘનમીટર જે ગંભીર સ્તરથી ત્રણગણું વધારે છે access_time 11:33 pm IST

  • રાજસ્થાનમાં આંધીને કારણે દિલ્હીમાં ધૂળની આંધી ;ત્રણ દિવસ ધૂંધળું રહેશે વાતાવરણ;હવામાનના નિષ્ણાંતો મુજબ :રાજસ્થાનમાં ભીષણ તાપમાન વચ્ચે પશ્ચિમી વિક્ષોભના કારણે ભારે પવનથી ધૂળની આંધીની અસર દિલ્હી, એનસીઆર ક્ષેત્રમાં થશે access_time 11:37 pm IST

  • મુંબઈમાં છેલ્લા બે મહિનામાં 295 આગ લાગવાની ઘટના ;60 કરોડનું નુકશાન :બીએમસીની નિષ્ક્રિયતા સામે ઉઠતા સવાલ access_time 12:56 am IST