Gujarati News

Gujarati News

News of Thursday, 14th June 2018

પાકિસ્તાન કંગાળ : ભારતના ૫૦ પૈસા બરાબર પાકનો રૂપિયો

તારણહાર કોણ બનશે ? અર્થવ્યવસ્થા કથળી

ઇસ્લામાબાદ તા. ૧૪ : છેલ્લા થોડા સમયથી પાકિસ્તાનની અર્થવ્યવસ્થામાં મુશ્કેલીનો સામનો કરવો પડી રહ્યો છે. ઈદનો તહેવાર નજીક છે ત્યારે પાકિસ્તાનની આર્થિક સ્થિતિ ઘણી વધી ગઈ છે. ઘણાં સમયથી લોન અને તેની ભરપાઈ માટેના વિવિધ રસ્તા શોધવા છતાં પણ મુશ્કેલી ઓછી થવાનું નામ નથી લઈ રહ્યું.

મંગળવારના આંકડા અનુસાર, એક અમેરિકન ડોલરની સરખામણીમાં પાકિસ્તાની રૂપિયાની કિંમત ૧૨૨ પર પહોંચી ગઈ છે. માત્ર સોમવારે જ પાક. રૂપિયામાં આશરે ૩.૮ ટકાનો ઘટાડો જોવા મળ્યો હતો. જો ભારતની સાથે પાકિસ્તાનની સરખામણી પણ કરવામાં આવે તો ત્યાંની આર્થિક સ્થિતિ વધુ ખરાબ અને મુશ્કેલી ભરેલી છે. ભારતીય રૂપિયાની કિંમત હાલમાં ૬૭ પર છે એટલે કે ભારતના ૫૦ પૈસા બરાબર પાકિસ્તાનના ૧ રૂપિયાને બરાબર પહોંચી ગઈ છે.

બીજી તરફ આગામી મહિને પાક.માં સામાન્ય ચૂંટણી જવા થઈ રહી છે. તે સ્થિતિમાં દેશની બગડતી આર્થિક હાલત ચૂંટણીનો સૌથી મોટો મુદ્દો બની શકે છે. તેમજ પાકિસ્તાન ચૂંટણી પછી IMF પાસેથી વધુ એક લોનની માંગણી કરી શકે છે. દેશના સંતુલન સંકટને પહોંચી રહેવા માટે ૨૦૧૩માં પણ પાકિસ્તાને ત્પ્જ્દ્ગક મદદ લીધી હતી.

પાક.ના નાણામંત્રી શમશાદ અખ્તરના અનુસાર, અમારે ૨૫ અબજ ડોલરના વેપારમાં થયેલ ખોટને ભરપાઈ કરવા માટે દેશના આર્થિક ભંડારની મદદ લેવી પડશે. જેના સિવાય અન્ય કોઈ જ માર્ગ નથી. દેશની કેન્દ્રીય બેન્કે રૂપિયામાં ૩.૭%નું અવમૂલ્યન કરેલ છે. જે પણ પાક. માટે પ્રમુખ ચિંતાનો વિષય છે.

હાલમાં આવેલ એક રિપોર્ટ અનુસાર, પાકિસ્તાન પાસે હવે ૧૦.૩ અબજ ડોલરની જ વિદેશી મુદ્રા બાકી છે, જે ગત વર્ષે મે મહિનામાં ૧૬.૪ અબજ ડોલર પર હતી. આ તરફ પાકે. ચીન અને તેની બેન્કોમાંથી આ નાણાંકીય વર્ષમાં આશરે ૫ બિલિયન ડોલર સુધીની લોન લીધી છે. જયારે એવું પણ સામે આવી રહ્યું છેકે સ્થિતિને ખરાબ થતી જોતાં ચીન પાસેથી વધુ ૧-૨ બિલિયન ડોલરની નવી લોન લઈ શકે છે.

આ વાત સાફ દર્શાવે છેકે પાકિસ્તાન આર્થિક બાબતો પર સીધો ચીન પર આધાર રાખીને બેઠું છે. તેની સ્થિતિમાં સુધારો કરવા માટે ચીનની મદદ આવશ્યક બની છે. વિદેશી મુદ્રાની હાલત ખરાબ હોવાના કારણે ચીન પાસેથી મદદ મેળવીને પાકિસ્તાન પોતાની સ્થિતિ બેઠી કરી શકે છે.

(12:29 pm IST)
  • મુંબઈમાં ત્રણ દિવસ વાદળાઓ છવાશેઃ હળવો વરસાદ પડશેઃ મુંબઈમાં આજે વાદળછાયા વાતાવરણ વચ્ચે એકાદ બે જગ્યાએ હળવો વરસાદઃ કાલે સાંજે હળવો વરસાદ પડશેઃ મુંબઈવાસીઓને ગરમીમાંથી આંશિક રાહત મળશેઃ શનિવારે વાદળછાયા વાતાવરણ વચ્ચે છાંટાછુટીની સંભાવના access_time 11:30 am IST

  • દિલ્હીના મંત્રી ઇમરાન હુસૈનને જાનથી મારી નાખવાની ભાજપના ધારાસભ્યે ધમકી દીધીઃ પર્યાવરણમંત્રી ઇમરાને ઈંદ્રપ્રસ્થ પોલીસ સ્ટેશનમાં ભાજપના ધારાસભ્ય મનિન્દરસિંહ સિરસા વિરુદ્ધ ફરિયાદ નોંધાવી :સરકારી કામમાં ખલેલ પહોચાડયાનો પણ આક્ષેપ access_time 12:57 am IST

  • દિલ્હીમાં હવાનું પ્રદુષણ ત્રીજા દિવસે અતિ ગંભીર સ્તરે :બાંધકામ ગતિવિધિઓ પર પ્રતિબંધ મુકાયો : લોકોને લાંબા સમય ઘરની બહાર નહીં રહેવા સૂચના:દિલ્હી એનસીઆર વિસ્તારમાં પીએમનું સ્તર 1400 માઇક્રોગ્રામ પ્રતિ ઘનમીટર જે ગંભીર સ્તરથી ત્રણગણું વધારે છે access_time 11:33 pm IST