Gujarati News

દુબઈ, તા. ૧૪ :. ઓર્ગેનાઈઝડ ક્રાઈમ એન્ડ કરપ્શન રીપોર્ટીંગ પ્રોજેકટના એક રીપોર્ટમાં જણાવાયુ છે કે, દુબઈનુ રીયલ એસ્ટેટ મની લોન્ડરીંગ માટેનું હબ બન્યુ છે. એક રીપોર્ટમાં જણાવાયુ છે કે યુદ્ધના લાભાર્થીઓ, ટેરર ફાયનાન્સરો અને ડ્રગના તસ્કરોએ તાજેતરના વર્ષોમાં પોતાની કાળી કમાણીનું રોકાણ દુબઈના રીયલ એસ્ટેટમાં કર્યુ છે.

અનેક ભારતીયોએ પણ દુબઈમાં પ્રોપર્ટી લીધી હોવાનું પણ બહાર આવ્યુ છે. ભારતીય કાયદાનુસાર દુબઈમાં પ્રોપર્ટી લેવી એ કંઈ ગુન્હો બનતો નથી. ફોરેન એકસચેન્જ મેનેજમન્ટ એકટ ૧૯૯૯ અનુસાર નિવાસી કે બીન નિવાસી ભારતીય વિદેશમાં સંપત્તિ ખરીદી શકે છે. દુબઈમાં સૌથી વધુ પ્રોપર્ટી પામ ઝુમેરાહ ખાતે ખરીદવામાં આવી છે. દુબઈમાં પણ વિદેશીઓને પ્રોપર્ટી ખરીદવાની છૂટ આપવામાં આવે છે. વિશ્વની સૌથી ઉંચી ઈમારત બુર્જ ખલીફામા પણ અનેક લોકોએ મોટાપાયે રોકાણ કરવાનું પણ બહાર આવ્યુ છે.

અહીં રોકાણ કરી દુબઈ ટેકસ હેવન હોવાના લાભ પણ આ લોકો લેતા હોય છે.