Gujarati News

Gujarati News

News of Friday, 14th May 2021

દેશભરમાં કોરોનાના કેસ ઘટયા પણ મૃત્યુનો આંકડો ચિંતાજનક

૨૪ કલાકમાં ૩,૪૩,૧૪૪ કેસ : ૪૦૦૦ના મોત

નવી દિલ્હી તા. ૧૪ : કોરોના વાયરસની બીજી લહેરનું તાંડવ દેશભરમાં ચાલુ છે અને રોજે રોજ લગભગ ૪ હજાર જેટલા લોકો આ મહામારીના કારણે પોતાનો જીવ ગુમાવી રહ્યા છે. કોવિડ-૧૯ના નવા કેસમાં થોડો ઘટાડો જરૂર થયો છે પરંતુ મોતનો આંકડો હજુ પણ ચિંતાજનક છે. દેશભરમાં છેલ્લા ૨૪ કલાકમાં કોરોનાના નવા ૩.૪૩ લાખથી વધુ કેસ નોંધાયા છે. જયારે ૪૦૦૦ લોકોના મૃત્યુ થયા છે.

કેન્દ્રીય આરોગ્ય મંત્રાલયના જણાવ્યાં મુજબ દેશભરમાંથી કોરોના વાયરસના નવા ૩,૪૩,૧૪૪ દર્દીઓ નોંધાયા છે. આ સાથે કુલ કેસનો આંકડો ૨,૪૦,૪૬,૮૦૯ પર પહોંચ્યો છે. જેમાંથી ૨,૦૦,૭૯,૫૯૯ લોકો ડિસ્ચાર્જ થયા છે. કોરોનાને માત આપીને એક દિવસમાં ૩,૪૪,૭૭૬ લોકો રિકવર થયા. કોરોનાએ છેલ્લા ૨૪ કલાકમાં ૪૦૦૦ લોકોનો ભોગ લીધો. આ સાથે કુલ મૃત્યુનો આંકડો ૨,૬૨,૩૧૭ પર પહોંચી ગયો છે. દેશમાં ચાલી રહેલા રસીકરણ અભિયાન હેઠળ અત્યાર સુધીમાં ૩૭,૦૪,૮૯૩ લોકોને રસી આપવામાં આવી છે.

ઈન્ડિયન કાઉન્સિલ ઓફ મેડિકલ રિસર્ચ (ICMR)ના જણાવ્યાં મુજબ ગઈ કાલે ગુરુવારે સમગ્ર દેશમા કોરોનાના ૧૮,૭૫,૫૧૫ ટેસ્ટ કરાયા હતા. આ સાથે અત્યાર સુધીમાં કરાયેલા કોરોના ટેસ્ટનો આંકડો ૩૧,૧૩,૨૪,૧૦૦ પર પહોંચી ગયો છે.

રાજય આરોગ્ય વિભાગે ગુરૂવારે જાહેર કરેલા આંકડા મુજબ ૨૪ કલાકમાં રાજયભરમાંથી કોરોનાના નવા ૧૦,૭૪૨ દર્દીઓ નોંધાયા છે. જયારે ૧૫,૨૬૯ દર્દીઓ રિકવર થયા છે. એક દિવસમાં કોરોનાથી ૧૦૯ દર્દીઓએ જીવ ગુમાવ્યા.

મહારાષ્ટ્રમાં કોરોના વાયરસના છેલ્લા ૨૪ કલાકમાં ૪૨૫૮૨ કેસ નોંધાયા છે. જયારે આ દરમિયાન ૮૫૦ લોકોએ કોરોનાથી જીવ ગુમાવવાનો વારો આવ્યો. આ અગાઉ રાજયમાં બુધવારે કોરોનાના ૪૬ હજારથી વધુ નવા કેસ નોંધાયા હતા જયારે ૮૧૬ લોકોના મોત થયા હતા. મહારાષ્ટ્રમાં હાલ કોરોનાનો મૃત્યુદર ૧.૫ ટકા છે. જયારે પોઝિટિવિટી રેટ ૧૭.૩૬ ટકા છે. છેલ્લા ૨૪ કલાકમાં મહારાષ્ટ્રમાં ૫૪૫૩૫ દર્દીઓ રિકવર થયા છે. ત્યારબાદ રાજયમાં કોરોના રિકવરી રેટ ૮૮.૩૪ ટકા પહોંચી ગયો છે.

(10:56 am IST)
  • "સ્પુટનિક-૫" નો પરતી ડોઝનો ભાવ જાહેર થયો: રૂ. ૯૯૫.૪૦ રશિયાથી આવેલી કોરોનાની વેક્સીન "સ્પુટનિક-૫" આવતા સપ્તાહથી ભારતમાં રૂ. ૯૯૫.૪૦ ના ભાવથી મળશે. જુલાઈ મહિનામાં આ રસીનું ઉત્પાદન ભારતમાં શરૂ થશે પછી તેની કિંમતમાં ઘટાડો થશે તેમ જાણવા મળે છે.* access_time 12:52 pm IST

  • કાઠમંડુ : કે.પી.શર્મા ઓલી ફરી એકવાર નેપાળના વડાપ્રધાન બન્યા છે. નેપાળના રાષ્ટ્રપતિ સુ. શ્રી વિદ્યા ભંડારીએ નેપાળના બંધારણ હેઠળ સૌથી મોટા પક્ષના નેતા હોવાના કારણે ઓલીને વડાપ્રધાન તરીકે નિયુક્ત કર્યા છે. નેપાળની સંસદમાં વિશ્વાસનો મત ગુમાવ્યા બાદ રાષ્ટ્રપતિએ ગઠબંધન સરકાર બનાવવા માટે ત્રણ દિવસનો સમય આપ્યો હતો, જે આજે પૂરો થયો છે. પરંતુ નેપાળના વિરોધી પક્ષો દ્વારા તમામ પ્રયાસો છતાં બહુમતી મેળવવામાં તેઓ નિષ્ફળ રહ્યા હતા અને સત્તાનું સુકાન ફરી એકવાર કે.પી.શર્મા ઓલીના હાથમા આવી ગયું. access_time 11:11 pm IST

  • રાજકોટમાં ૪૧ ડિગ્રી : તાપ સાથે ૧૬ કિ.મી.ની ઝડપે ગરમ પવન પણ ફુંકાઇ રહયા છે બે-ત્રણ દિવસથી ગરમીમાં આંશિક ઘટાડા બાદ આજે થોડો વધારો થયો છે. access_time 3:36 pm IST