Gujarati News

Gujarati News

News of Friday, 14th May 2021

ફેસબુક પર દોસ્તી : યુવતીને મળવા બોલાવી પછી રાતભર ૨૮ લોકોએ જંગલમાં કર્યો ગેંગરેપ

હરિયાણાના પલવલની ઘટના : ત્રીજી મેની ઘટના : હવે FTR : બેભાન હાલતમાં યુવતીને છોડી આરોપીઓ ભાગી ગયા

પલવલ, (હરિયાણા),તા.૧૪: દિલ્હીથી માત્ર ૭૦ કિલોમીટર દૂર આવેલા પલવલમાં એક યુવતી સાથે ૨૮લોકોએ ગેંગરેપ કર્યો હોવાની ચોંકાવનારી ઘટના સામે આવી છે. યુવકે ફેસબુક પર યુવતી સાથે મિત્રતા કેળવીને તેને મળવા માટે બોલાવી હતી. યુવતી મળવા માટે આવી કે યુવકે તેનું અપહરણ કરીને તેને રામગઢના જંગલમાં લઈ જઈને આખી રાત ગેંગરેપ કર્યો.

સવારે આ યુવતીને જયાં છોડવામાં આવી ત્યાં પણ ફરીથી ગેંગરેપ કરવામાં આવ્યો. આ યુવતીની તબિયત બગડતા તેને બેભાન અવસ્થામાં છોડીને આરોપીઓ ભાગી ગયા. આ કેસમાં પોલીસે ૨૫ લોકો વિરુદ્ઘ અપહરણ અને ગેંગરેપના આરોપમાં રિપોર્ટ નોંધ્યો છે. આ ઘટના ૩ મેની છે પણ યુવતીએ સ્વસ્થ થતાં હવે પોલીસ ફરિયાદ દાખલ કરી છે.

પોલીસ તપાસ અધિકારીએ જણાવ્યું કે યુવતીએ પોતાની ફરિયાદમાં જણાવ્યું છે કે તારીખ ૩ મેએ તેના દોસ્તે લગ્ન માટે પોતાના પરિજનો સાથે મળવા માટે તેને બોલાવી હતી. આ યુવતી જયારે ત્યાં પહોંચી તો યુવક તેને જંગલમાં એક ટ્યુબવેલ પર લઈ ગયો કે જયાં તેનો ભાઈ અને ૨૦-૨૮ યુવકો પહોંચ્યા.

પીડિતાએ આરોપ લગાવ્યો છે કે જંગલમાં તેના પર આખી રાત સામુહિક દુષ્કર્મ કરવામાં આવ્યું. ત્યારબાદ સવારે તેને અન્ય સ્થળે લઈ ગયા કે જયાં તે યુવક અને અન્ય મિત્રોએ દુષ્કર્મ કર્યું. ત્યારબાદ જયારે આ યુવતી ચાલવાની પણ સ્થિતિમાં નહોતી ત્યારે તેને છોડીને યુવકો ગાડીમાં ભાગી ગયા.

પોલીસે આ યુવતીની ફરિયાદના આધારે સાગર, સમુદ્ર અને આકાશ સહિત ૨૫ અન્ય યુવકો વિરુદ્ઘ અપહરણ અને સામુહિક દુષ્કર્મ સહિત વિવિધ ધારાઓમાં કેસ દાખલ કરીને કાર્યવાહી શરૂ કરી છે.

(10:11 am IST)
  • વ્યારા માટે કાળો દિવસ : વ્યારાના બિલ્ડર નિશિશ શાહની જાહેરમાં હત્યા : શનિમંદિર ચાર રસ્તા ઉપર કારમાં આવેલા ચાર શખ્સો ઉપરાઉપરી તલવાર વડે હુમલો કરી નાસી છૂટ્યા :નજીકમાં બેઠલા તરબુચવાળાએ છોડાવવાની કોશિશ કરતા ગંભીર ઘાયલ : લોહીલુહાણ હાલતમાં નિશિશ શાહને દવાખાને ખસેડાયા : તબીબોએ મૃત જાહેર કર્યા access_time 1:02 am IST

  • કર્ણાટક હાઈકોર્ટે ગુરુવારે રાજ્યમાં કોરોના રસીની અછત અને લોકોને બીજો ડોઝ મેળવવામાં વિલંબ થતો હોવા અંગે ચિંતા વ્યક્ત કરી હતી. મુખ્ય ન્યાયાધીશ અભય ઓકા અને ન્યાયાધીશ અરવિંદ કુમારની ખંડપીઠે કહ્યું હતું કે રાજ્યમાં માત્ર 11 લાખ રસીઓ બાકી છે, જ્યારે 31 લાખ લોકો રસીના બીજા ડોઝ માટે કતારમાં ઉભા છે. હાઈકોર્ટે રસીની તીવ્ર ઉણપને ધ્યાનમાં રાખીને રાજ્ય સરકારને પ્રશ્ન કર્યો હતો કે શું રસીનો બીજો ડોઝ લેવો એ મૂળભૂત અધિકાર નથી? access_time 10:48 pm IST

  • દેશના અનેક ભાગોમાં તબાહી મચાવી શકે છે વાવાઝોડુ ‘ટૌકતે’ ૧૪ થી ૧૬ મે દરમિયાન કેરળ, કર્ણાટક, તામિલનાડુ અને મહારાષ્ટ્ર સહિત અનેક વિસ્તારોમાં ભારે વરસાદ પડી શકે છે : ૨૦મીએ કચ્છમાંથી પસાર થઈ દક્ષિણ પાકિસ્તાન તરફ આ વાવાઝોડુ ફંટાઈ શકે છે access_time 11:29 am IST