Gujarati News

Gujarati News

News of Friday, 14th May 2021

શું રસીનો બીજો ડોઝ લેવો એ તેમનો મૂળભૂત અધિકાર નથી. કર્ણાટક હાઈકોર્ટે રસીની અછત સામે કર્યો સવાલ

ન્યાયાધીશ અરવિંદ કુમારની બેન્ચે કહ્યું રાજ્યમાં માત્ર 11 લાખ રસીઓ જ બચી છે જ્યારે 31 લાખ લોકો રસીના બીજા ડોઝ માટે કતારમાં છે

બેંગ્લુરુ :કર્ણાટક હાઈકોર્ટે રાજ્યમાં કોરોના રસીની અછત અને લોકોને બીજો ડોઢ મેળવવામાં વિલંબ અંગે ચિંતા વ્યક્ત કરી છે. મુખ્ય ન્યાયાધીશ અભય ઓકા અને ન્યાયાધીશ અરવિંદ કુમારની બેન્ચે કહ્યું કે રાજ્યમાં માત્ર 11 લાખ રસીઓ જ બચી છે જ્યારે 31 લાખ લોકો રસીના બીજા ડોઝ માટે કતારમાં છે. હાઈકોર્ટે રસીની તીવ્ર અછતને ધ્યાનમાં રાખીને પ્રશ્ન કર્યો કે શું રસીનો બીજો ડોઝ લેવો એ તેમનો મૂળભૂત અધિકાર નથી.

કોર્ટે એડિશનલ સોલિસિટર જનરલ ઓફ ઇન્ડિયા (ASG) ઐશ્વર્ય ભાટીને પૂછ્યું, 'તમે આ અંતરને કેવી રીતે દૂર કરી શકશો?' કોર્ટે સરકાર પાસેથી એ પણ જાણવા માંગ્યું કે રસીનો બીજો ડોઝ સમયસર ન લેવાનાં પરિણામ શું આવી શકે. કોર્ટે પૂછ્યું કે શું આર્ટિકલ 21 હેઠળ સમય મર્યાદામાં કોરોના રસીનો બીજો ડોઝ લેવો તે લોકોનો મૂળભૂત અધિકાર નથી?

ASGએ કોર્ટને જણાવ્યું કે એક કોર ટીમ અભ્યાસ કરી રહી છે કે શું રસી નિયત સમયમર્યાદા પછી પણ લઈ શકાય કે નહીં, અને બે દિવસમાં તે પોતાનો રિપોર્ટ રજૂ કરશે.

આ અંગે બેંચે કહ્યું, 'આ બધા બહાના છે જે અમને કહેવામાં આવી રહ્યા છે. મને કહો કે તમે કેવી રીતે રસીના અભાવને દૂર કરશો. શું વધુને વધુ લોકોને ઇમ્યુનિટી મેળવવી જરૂરી નથી?'

ASGએ બેંચને જણાવ્યું કે રાજ્યોને સૂચના આપવામાં આવી છે કે તેઓ 45 કે તેથી વધુ વયજુથના લોકોને અગ્રતા આપે, કે જે રસીનો બીજો ડોઝ લેવાનાં છે, તેમણે કહ્યું કે રાજ્યોને જણાવવામાં આવ્યું છે કે કેન્દ્ર દ્વારા ફાળવવામાં આવેલી રસીનો 70 ટકા ઉપયોગ બીજા ડોઝમાં થવો જોઈએ.

(12:53 am IST)
  • કાઠમંડુ : કે.પી.શર્મા ઓલી ફરી એકવાર નેપાળના વડાપ્રધાન બન્યા છે. નેપાળના રાષ્ટ્રપતિ સુ. શ્રી વિદ્યા ભંડારીએ નેપાળના બંધારણ હેઠળ સૌથી મોટા પક્ષના નેતા હોવાના કારણે ઓલીને વડાપ્રધાન તરીકે નિયુક્ત કર્યા છે. નેપાળની સંસદમાં વિશ્વાસનો મત ગુમાવ્યા બાદ રાષ્ટ્રપતિએ ગઠબંધન સરકાર બનાવવા માટે ત્રણ દિવસનો સમય આપ્યો હતો, જે આજે પૂરો થયો છે. પરંતુ નેપાળના વિરોધી પક્ષો દ્વારા તમામ પ્રયાસો છતાં બહુમતી મેળવવામાં તેઓ નિષ્ફળ રહ્યા હતા અને સત્તાનું સુકાન ફરી એકવાર કે.પી.શર્મા ઓલીના હાથમા આવી ગયું. access_time 11:11 pm IST

  • એમપીમાં પત્રકારો અને પરિવારની કોરોના સારવારનો ખર્ચ શિવરાજ સરકાર ઉઠાવશે મધ્યપ્રદેશમાં કોરોના વોરિયર પત્રકારો અને તેમના પરિવારના સભ્યોના કોરોનાની સારવારનો સંપૂર્ણ ખર્ચ ભાજપની શિવરાજસિંહ ચૌહાણ સરકાર ઉઠાવશે. access_time 4:59 pm IST

  • અમેરિકા : ન્યુ યોર્ક શહેર, કોરોના રોગચાળોનો સામનો કરવા માટે 4 મિલિયનથી વધુ COVID-19 ટેસ્ટ કિટ્સ, 3.00.000 પલ્સ ઓક્સિમીટર, લગભગ 300 વેન્ટિલેટર અને અન્ય રાહત સામગ્રીના સાધનો ભારત મોકલશે તેમ ન્યૂ યોર્ક મેયર ના પ્રેસ સેક્રેટરીએ જણાવ્યું છે. access_time 12:38 am IST