Gujarati News

નવી દિલ્હી:ચીનના રાષ્ટ્રપતિ શી જિનપિંગની સાથે ચીનની વુહાનમાં અનૌપચારિક શિખર બેઠક બાદ વડાપ્રધાન નરેન્દ્રભાઈ મોદી હવે રશિયામાં રાષ્ટ્રપતિ વ્લામિદીર પુતિનની સાથે અનૌપચારિક બેઠક કરશે. વડાપ્રધાન મોદી અને રશિયા રાષ્ટ્રપતિની આ મુલાકાત 21 મે રશિયાના સોચીમાં થશે.

  પીએમ મોદી અને રાષ્ટ્રપતિ પુતિનની વચ્ચે થવા જઇ રહેલી આ અનૌપચારિક શિખર બેઠક બંને દેશોની વચ્ચે નિયમિત રીતે ઉચ્ચ સ્તરીય વાર્તાલાપની પરંપરા હેઠળ થઇ રહી છે. બંને નેતા આંતરરાષ્ટ્રીય સમસ્યા પર વ્યાપક ચર્ચા કરશે. આ ઉપરાંત બંને નેતા દ્વિપક્ષીય સમસ્યા અને રાષ્ટ્રીય વિકાસની પ્રાથમિક્તા વાળા મુદ્દા પર પણ ચર્ચા કરશે