Gujarati News

Gujarati News

News of Wednesday, 14th April 2021

ભારત-શ્રીલંકા મન્નારથી સમુદ્રી ખીરાની દાણચોરી

એક સમુદ્ર જીવની કિંમત કિલોના ૨.૫૯ લાખ : વનસ્પતિનો ઉપયોગ કામોત્તેજના વધારતી દવા, કેન્સરની સારવારમાં, તેલ, ક્રીમ, કોસ્મેટિક્સની બનાવટમાં થાય છે

નવી દિલ્હી, તા. ૧૪ : ભારત અને શ્રીલંકાની વચ્ચે આવેલી મન્નારની ખાડીમાંથી એક એવો જીવ મળે છે જે ૨.૫૯ લાખ રૂપિયા પ્રતિ કિલોના ભાવે વેચાય છે. દક્ષિણ ભારત અને શ્રીલંકાથી તેનો ખૂબ જ શિકાર કરવામાં આવે છે. આ સાથે જ તેનું આંતરરાષ્ટ્રીય સ્તરે સ્મગલિંગ પણ થાય છે જેથી તેની કિંમત સોના જેટલી થઈ ગઈ છે. આ જીવને સમુદ્રી ખીરા કહેવામાં આવે છે. તેનો ઉપયોગ કામોત્તેજના વધારતી દવાઓ, કેન્સરની સારવારમાં, તેલ, ક્રીમ, કોસ્મેટિક્સની બનાવટમાં થાય છે. તો ચાલો જાણીએ આ જીવની ખાસીયતો અને તેની વસ્તીમાં પૂરઝડપે જે ઘટાડો થઈ રહ્યો છે તેનાથી શું મુશ્કેલી પડશે તેના વિશે...

સમુદ્રી ખીરા એ એચિનડર્મ નામનો જીવ છે અને તેનો આકાર ટ્યુબ જેવો હોય છે. તે કાકડી જેવું દેખાતું હોવાથી તેને સમુદ્રી ખીરા તરીકે ઓળખવામાં આવે છે. તે ખૂબ જ નરમ અને લચીલું હોય છે. સમુદ્રી ઈકોસિસ્ટમમાં આ જીવનું ખૂબ જ મહત્વ રહેલું છે. તે રેતીમાં દબાયેલા નાના જીવોનું ભક્ષણ કરે છે અને ત્યાર બાદ પોષકતત્વોને રિસાઈકલ કરે છે. તેના મળ દ્વારા દરિયામાં નાઈટ્રોજન, એમોનિયા, કેલ્સિયમ ભળે છે જે કોરલ રીફ્સ માટે ઉપયોગી હોય છે. આ જીવ મનુષ્યની ગતિવિધિઓના કારણે દરિયામાં એસિડનું પ્રમાણ વધે છે તેને પણ ઘટાડે છે.

ચીન સહિત દક્ષિણ પૂર્વીય એશિયાઈ દેશોમાં સમુદ્રી ખીરાની માંગ ખૂબ જ છે. તેઓ તેને રાંધીને ખાય છે અને ચીનની માન્યતા પ્રમાણે કામોત્તેજના વધારતી દવાઓમાં પણ તેનો ઉપયોગ થાય છે. છેલ્લા ૪૧ વર્ષમાં સમુદ્રી ખીરાની કિંમતમાં ૫૦ ગણો વધારો થયો છે. ૧૯૮૦માં સમુદ્રી ખીરાની કિંમત ૫૧૮૦ રૂપિયા પ્રતિ કિલો જેવી હતી જે હાલ વધીને ૨૦,૭૨૧ રૂપિયા પ્રતિ કિલો થઈ ગઈ છે. કેટલીક ખાસ પ્રજાતિના સમુદ્રી ખીરાની કિંમત ૨.૫૯ લાખ રૂપિયા પ્રતિ કિલો જેવી બોલાય છે.

(7:54 pm IST)
  • પટણા એઈમ્સ હોસ્પિટલમાં આઈ.એ.એસ.અધિકારીને પ્રવેશ મળી શકે છે તો નિવૃત ફૉજીને કેમ નહીં ? : પટણામાં કોરોનાથી પીડિત નિવૃત્ત સૈન્ય અધિકારીનું એમ્બ્યુલન્સમાં મોત : નેશનલ મેડિકલ કોલેજ હોસ્પિટલમાં આરોગ્ય મંત્રી આવી રહ્યા છે તેવું બહાનું કાઢ્યું : પટણા એઇમ્સે ભરતી કરવાનો ઇનકાર કર્યો : નિવૃત ફૌજીના મોતે આરોગ્ય તંત્ર સામે સવાલો ઉભા કરી દીધા access_time 8:59 pm IST

  • ઉત્તર પ્રદેશમાં કોરોનાએ કાળોકેર વર્તાવ્યો : રાજ્યના 12થી વધુ આઈએએસ અધિકારીઓ કોરોના સંક્રમિત : સીએમ કાર્યલયમાં પણ કોરોના ઘુસ્યો : યોગી આદિત્યનાથની ઓફિસમાં કેટલાક અધિકારીઓ અને કર્મચારીઓને કોરોના વળગ્યો access_time 1:03 am IST

  • ઉત્તર પ્રદેશના મુખ્યમંત્રી યોગી આદિત્યનાથને પણ કોરોના : યોગી આદિત્યનાથ સંક્રમિત થયા છે રિપોર્ટ પોઝીટીવ આવ્યો છેઃ મુખ્યમંત્રી કાર્યાલયમાં અનેક કર્મચારીઅોને કોરોના થતાં મુખ્યમંત્રી યોગી આદિત્યનાથ આઈસોલેટ થયા હતા access_time 1:18 pm IST