Gujarati News

Gujarati News

News of Wednesday, 14th April 2021

સરકારી કર્મચારી આનંદો : જુલાઈથી એકસાથે 11 ટકા વધારા સાથે મળશે મોંઘવારી ભથ્થું

દેશના આશરે 50 લાખ કર્મચારી અને 60 લાખ પેન્શનર્સને મળશે લાભ

કોરોના હાલ લોકોને ડરાવી રહ્યું છે. પરંતુ આવનારા દિવસોમાં સરકારી કર્મચારીઓ માટે મોંઘવારી ભથ્થાની  ખુશખબર આવવાની છે. દેશના આશરે 50 લાખ કર્મચારી અને 60 લાખ પેન્શનર્સને જુલાઇ મહિનાથી એક સાથે 11 ટકા વધારા સાથે મોંઘવારી ભથ્થુ મળશે. અત્યાર 17 ટકા મળતુ ડીએ 11 ટકા વધી સીધા 28 ટકા થઇ જશે. કર્મચારીઓ માટે રાહત આપશે. કારણ કે છેલ્લા એક મહિનાથી સરકારે કર્મચારીઓને મળતા ડિયરનેસ એલાઉન્સ (મોંઘવારી ભથ્થા) પર રોક લગાવી હતી.

કોરોનાને કારણે કેન્દ્ર સરકારે કર્મચારીઓને મળતા પેન્શનર્સને મળતા ડીઆર પર રોક લગાવવાનો આદેશ આપ્યો હતો. તેને 1 જાન્યુઆરી, 2020, 1 જુલાઇ 2020 અને 1 જાન્યુઆરી 2021થી લાગુ કરવામાં આવશે

મીડિયા રિપોર્ટ મુજબ હવે કેન્દ્ર સરકારે 1 જુલાઇથી પુનઃ શરુ કરવાનો નિર્ણય લીધો છે. મોંઘવારી ભથ્થુ અટકાવી લેતા સરકારી તિજોરીમાં આશરે 37500 કરોડ રુપિયા જમા થઇ ગયા. જેનો ઉપયોગ કોરોના મહામારી પર અંકુશ મેળવવા કરવામાં આવ્યોહતો

નાણા રાજ્યમંત્રી અનુરાગ ઠાકુરે સંસદ ગૃહમાં જણાવ્યું હતું કે સરકારે કોરોના સંકટને ધ્યાનમાં લઇ મોંઘવારી ભથ્થુ તાત્કાલિક ધોરણે અટકાવ્યું હતું. જેનો 1 જુલાઇ 2021થી સંપૂર્ણ લાભ મળશે. સરકારના આ નિર્ણયથી 50 લાખથી વધુ કેન્દ્રીય કર્મચારી અને 60 લાખથી વધુ પેન્શનર્સને લાભ મળશે. તેમના મોંઘવારી ભથ્થામાં 11 ટકાને એક સામટો લાભ મળશે

ન્યૂઝ એજન્સી મુજબ જાન્યુઆરી 2020થી જૂન 2020 માટે 3 ટકા, જુલાઇ થી ડિસેમ્બર 2020 માટે 4 ટકા અને જાન્યુઆરીથી જૂન 2021 માટે 4 ટકા થઇ કુલ 11 ટકા મોંઘવારી ભથ્થુ ચુકવવાની જાહેરાત થઇ છે. માત્ર મોંઘવારી ભથ્થુ જ નહીં સરકાર જુનુ બાકી એટલે એરિયર્સ સહિત પુરી રકમ સરકારી કર્મચારીઓને પેન્શનર્સના એકાઉન્ટમાં ટ્રાન્સફર કરશે.

મોંઘવારી ભથ્થુ વધતા પેન્શનર્સનું પેન્શન પણ વધી જશે. ઉપરાંત કર્મચારીઓના પીએફનો ફાળો પણ વધી જશે. કારણ કે પીએફની ગણતરી બેઝિક સેલેરી અને મોંઘવારી ભથ્થાના આધારે કરવામાં આવે છે. નવા નિયમ મુજબ તે બેઝિક પગાર અને DAના 12 ટકા હશે. 12-12 ટકાનો ફાળો કર્મચારી અને કંપની (નોકરીદાતા) બંને તરફથી જમા થાય છે.

(6:41 pm IST)
  • દેશમાં કોરોનાના કેસમાં ભયાનક ઉછાળો : પહેલીવાર મૃત્યુઆંક 1 હજારથી વધુ : એક્ટિવ કેસમાં ધરખમ વધારો : રોજ નવા રેકોર્ડ સર્જતાં કેસથી ભારે ફફડાટ : રાત્રે 12 વાગ્યા સુધીમાં કોરોનાના નવા 1,85,104 કેસ નોંધાયા :કુલ કેસની સંખ્યા 1,38,71,321 થઇ :એક્ટિવ કેસ 13,60,867 થયા : વધુ 82,231 દર્દીઓ સ્વસ્થ થતા કુલ 1,23,32,688 સાજા થયા :વધુ 1026 લોકોના મોત સાથે કુલ મૃત્યુઆંક 1,72,115 થયો : દેશમાં મહારાષ્ટ્રમાં સૌથી વધુ 60,212 નવા કેસ નોંધાયા છે જયારે ઉત્તર પ્રદેશમાં 17,963 કેસ, છત્તીસગઢમાં 15,121 કેસ, દિલ્હીમાં 13,468 કેસ અને કર્ણાટકમાં 8778 કેસ નોંધાયા access_time 12:45 am IST

  • વાંકાનેર લોહાણા મહાજનના પ્રમુખ કાકુભાઈ મોદીના ધર્મપત્નિ કોરોના સામે જંગ હારી ગયા : વાંકાનેર લોહાણા મહાજનના પ્રમુખ શ્રી કાકુભાઈ મોદીના ધર્મપત્નિ કોરોના સામે જંગ હારી ગયા. વાંકાનેરમાં પણ કોરોનાનો ભયજનક આતંક છવાયો છે. access_time 1:00 pm IST

  • પટણા એઈમ્સ હોસ્પિટલમાં આઈ.એ.એસ.અધિકારીને પ્રવેશ મળી શકે છે તો નિવૃત ફૉજીને કેમ નહીં ? : પટણામાં કોરોનાથી પીડિત નિવૃત્ત સૈન્ય અધિકારીનું એમ્બ્યુલન્સમાં મોત : નેશનલ મેડિકલ કોલેજ હોસ્પિટલમાં આરોગ્ય મંત્રી આવી રહ્યા છે તેવું બહાનું કાઢ્યું : પટણા એઇમ્સે ભરતી કરવાનો ઇનકાર કર્યો : નિવૃત ફૌજીના મોતે આરોગ્ય તંત્ર સામે સવાલો ઉભા કરી દીધા access_time 8:59 pm IST