Gujarati News

Gujarati News

News of Wednesday, 14th April 2021

પીજી હોસ્ટેલ્સ ઉદ્યોગને અંદાજે ૨૦૦૦ કરોડનું નુકસાન

કોરોના કાળમાં શાળા - કોલેજો બંધ રહેતા વિદ્યાર્થીઓ ઘરે જતા રહેતા પીજી હોસ્ટેલ્સ બિઝનેસ ઠપ્પ થયો

અમદાવાદમાં જ ૫૦૦થી વધુ પીજી હોસ્ટેલ ખાલી : સંચાલકોના ખર્ચા નીકળતા નથી

નવી દિલ્હી તા. ૧૪ : અમદાવાદ, ગુજરાતના મોટા શહેરો અને એજયુકેશનલ હબ હોય તેવા વલ્લભ વિદ્યાનગર, વડોદરા, સુરત, રાજકોટ અને જામનગરમાં બિલાડીના ટોપ જેમ ફૂટી નીકળેલા પીજી હોસ્ટેલસ અને આવી જ અન્ય ફાઇવ સ્ટાર જેવી ફેસીલીટીઝ જેમાંઓછામાં ઓછા ૮૦,૦૦૦થી ૧,૦૦,૦૦૦ જેટલા બોયઝ અને ગર્લ્સ અભ્યાસ માટે રહેતા હોય છે પરંતુ છેલ્લા ૧૫ થી ૧૬ મહિનામાં કોરોના વાઇરસને કારણે પોતાના ઘેર જતા રહ્યા છે ત્યારે આ ઉદ્યોગને અંદાજે રૂ. ૨,૦૦૦ કરોડનું નુકસાન થયાનો અંદાજ છે.

અમદાવાદમાં જ આવા ૫૦૦ જેટલી પીજી હોસ્ટેલ છે અને તે હાલમાં સ્કૂલો, કોલેજો બંધ થઇ જતાં આવી તમામ એકોમોડેશન ખાલી પડી છે અને છતાં સંચાલકોને મ્યુનિસિપાલ ટેક્ષ, લાઇટ બીલ, ગેસ બીલ ભરવું પડે છે અને તેનો એક ફલેટમાં જ ચાલતી પીજી હોસ્ટેલનો ખર્ચ રૂ. ૧૦,૦૦૦થી ૧૫૦૦૦ થાય છે.

પરિસ્થિતિનો લાભ લઇને અમદાવાદના ઘણાં બિલ્ડરોએ અને વ્યાપારીઓએ છેલ્લા ત્રણ ચાર વર્ષમાં ઓછામાં ઓછા ૧૦૦ જેટલા હોસ્ટેલ માટેના જ નાના મકાનો બનાવી પીજી હોસ્ટેલો શરૂ કરી હતી પરંતુ આવા ધીકતા ધંધાને કોરોનાનું ગ્રહણ લાગતા તેઓને ભારે નુકસાન સહન કરવાનો વારો આવ્યો છે.

અમદાવાદમાં જ ગુજરાત યુનિવર્સિટી કેમ્પસમાં મોટી પીજી ચલાવતા રાકેશ શાહ જેઓ વ્યવસાયે બિલ્ડર છે તેમને ૧૫-૧૬ મહિનામાં તેઓની ૪ પીજી ફેસીલીટીઝ બંધ થઇ જતા એક બે સામે નાની મોટી રેસ્ટોરન્ટ પણ ચલાવતા છતાં બીજી લહેરમાં આ વ્યવસ્થા પણ તુટી પડી છે. તેઓના જણાવ્યા અનુસાર ૨૦૨૧ના વર્ષની શરૂઆતમાં ઘણી ફેસીલીટીઝ ખુલી ગઇ હતી પરંતુ માર્ચ-એપ્રિલમાં બધુ બંધ થઇ ગયું.

જયારે પીજીના જ આવા એક સંચાલક કાર્તિક મોદી અને સી.જી. રોડ પરની બીજી ફેસીલીટીઝ વાળા શૈલ પટેલ પણ ભારે નુકસાન ભોગવી રહ્યા છે. તેઓના જણાવ્યા અનુસાર ૨૦૨૦માં તેઓને ઘણી ખોટ સહન કરવી પડી છે. જાન્યુઆરી -ફેબ્રુઆરીમાં ૧૫ ટકા બીઝનેશ શરૂ થયો હતો પરંતુ કોરોનાના કેસોમાં ભારે ઉછાળો આવતા બધી જ હોસ્ટેલ્સ પુનઃ બંધ થઇ ગઇ છે. કોરોનાના કહેર કુદરત ઘટાડે તો જ શૈક્ષણિક પ્રવૃત્તિ શરૂ થાય અને પ્રાઇવેટ હોસ્ટેલ પણ ખુલી જાય એમ છે.

(11:39 am IST)
  • દેશમાં કોરોના કેસમાં ભયાનક ઉછાળો :પહેલીવાર નવા કેસનો આંક 2 લાખ નજીક પહોંચ્યો : તમામ રેકોર્ડ તૂટયા : એક્ટિવ કેસમાં ધરખમ વધારો : રાત્રે 12 વાગ્યા સુધીમાં કોરોનાના નવા 1,99,376 કેસ નોંધાયા :કુલ કેસની સંખ્યા 1,40,70,890 થઇ :એક્ટિવ કેસ 14,65,877 થયા : વધુ 93,418 દર્દીઓ સ્વસ્થ થતા કુલ 1,24,26,146 સાજા થયા :વધુ 1037 લોકોના મોત સાથે કુલ મૃત્યુઆંક 1,73,152 થયો : મહારાષ્ટ્રમાં સૌથી વધુ 58,952 નવા કેસ, :ઉત્તર પ્રદેશમાં 20,439 કેસ, દિલ્હીમાં 17,282 કેસ , છત્તીસગઢમાં 14,250 કેસ અને કર્ણાટકમાં 11,265 કેસ નોંધાયા access_time 1:12 am IST

  • કાલે ઉત્તર પ્રદેશમાં પંચાયત ચૂંટણીનું પ્રથમ તબક્કાનું મતદાન : રાજ્ય ચૂંટણી આયોગના આંકડા મુજબ 18 જિલ્લામાં 51176 પોલિંગ બુથ પર મતદાન : 18 જિલ્લાના 31,64,162 મતદારો સવારે 7 થી સાંજે 6 દરમિયાન પોતાના મતાધિકારનો કરશે ઉપયોગ : અયોધ્યા, આગ્રા, કાનપુર, ગાઝિયાબાદ અને ગોરખપુરમાં થશે મતદાન access_time 12:39 am IST

  • પટણા એઈમ્સ હોસ્પિટલમાં આઈ.એ.એસ.અધિકારીને પ્રવેશ મળી શકે છે તો નિવૃત ફૉજીને કેમ નહીં ? : પટણામાં કોરોનાથી પીડિત નિવૃત્ત સૈન્ય અધિકારીનું એમ્બ્યુલન્સમાં મોત : નેશનલ મેડિકલ કોલેજ હોસ્પિટલમાં આરોગ્ય મંત્રી આવી રહ્યા છે તેવું બહાનું કાઢ્યું : પટણા એઇમ્સે ભરતી કરવાનો ઇનકાર કર્યો : નિવૃત ફૌજીના મોતે આરોગ્ય તંત્ર સામે સવાલો ઉભા કરી દીધા access_time 8:59 pm IST