Gujarati News

Gujarati News

News of Wednesday, 14th April 2021

૧૮૪૩૭૨ કેસ : ૧૦૨૭ મોત : એકટીવ ૧૩ લાખ ઉપર

કોરોનાની સુનામી આવી : ૨૪ કલાકમાં તૂટયા બધા રેકોર્ડ

કુલ કેસ ૧,૩૮,૭૩,૮૨૫: કુલ મૃત્યુઆંક ૧,૭૨,૦૮૫ : ૨૪ કલાકમાં સાજા થયા ૮૨,૩૩૯: કુલ વેકસીનેશન ૧૧,૧૧,૭૯,૫૭૮

નવી દિલ્હી તા. ૧૪ : ભારતમાં કોરોના સંક્રમણ બેકાબુ રફતાર ચાલુ છે. દેશમાં કોરોનાના દર્દીઓ અને મોતના આંકમાં સતત વધારો થઈ રહ્યો છે. પહેલી વાર દેશમાં રેકોર્ડ ૧,૮૨,૩૭૨ કેસ આવ્યા છે. ભારતમાં કોરોનાના એકિટવ મામલા હવે ૧૩ લાખને પાર થઈ ગયા છે. ઉલ્લેખનીય છે કે કેટલાક દિવસોમાં દેશમાં સતત દોઢ લાખથી વધારે કોરોનાના પોઝિટિવ કેસ આવ્યા છે. છેલ્લા ૨૪ કલાકમાં ૧૦૨૭ લોકોના મોત થયા છે.

ગત ૨૪ કલાકમાં ૧,૮૪,૩૭૨ લાખથી વધારે નવા કેસ આવ્યા બાદ સંક્રમિતોની કુલ સંખ્યા ૧,૩૮,૭૩,૮૨૫ ઉપર પહોંચી ગઈ છે. જયારે ૧ હજારથી વધારે મોત થતા કુલ મોતનો આંક ૧,૭૨,૦૮૫ ઉપર પહોંચી ગયો છે. ગત દિવસોમાં સતત પોઝિટિવ આવનારા મામલાની સાથે કોરોનાથી સાજા થનારાના દરમાં ઘટાડો થયો છે.

ગત ૨૪ કલાકમાં આવેલા કુલ કેસ- ૧,૮૪,૩૭૨, ગત ૨૪ કલાકમાં થયેલી મોત - ૧૦૨૭, ગત ૨૪ કલાકમાં સાજા થનારા કેસ- ૮૨,૩૩૯, ભારતમાં કુલ કેસનો આંકડો - ૧,૩૮,૭૩,૮૨૫, દેશમાં મરનારાનો આંકડો- ૧,૭૨,૦૮૫, દેશમાં કુલ સાજા થનારા નો આંકડો- ૧,૨૩,૩૬,૦૩૬, દેશમાં એકટીવ કેસ ૧૩,૬૫,૭૦૪ થયા છે.

કોરોના પર કાબુ મેળવવા માટે મહારાષ્ટ્રમાં આજ રાત ૮ વાગ્યાથી કડક નિયમો લાગૂ થશે. મહારાષ્ટ્રમાં બ્રેક ધ ચેન નામનુ અભિયાન હેઠળ ૧૫ દિવસ સુધી કલમ ૧૪૪ લાગૂ રહેશે. આ દરમિયાન ફકત જરૂરી સેવાઓ માટે ઘરની બહાર નિકળી શકશો.

આ શહેરોમાં સૌથી વધારે દૈનિક કોરોના કેસ

દિલ્હી ૧૩, ૪૬૮, મુંબઈ- ૯૯૮૬, બેંગલુરૂ- ૬૩૮૭, ચેન્નાઈ-૨૧૦૫ કોરોના કેસ નોંધાયા છે.

(10:59 am IST)
  • હોલમાર્ક વગરના સોના - ઝવેરાત અંગે સરકારનો મોટો નિર્ણય : 1 જૂનથી વેચી નહીં શકાય : સરકારે મંગળવારે કહ્યું છે કે તે 1 જૂન 2021 થી ગોલ્ડ જ્વેલરી અને ઉત્પાદનો માટે ફરજિયાત હેલમાર્કિંગ લાગુ કરવા માટે સંપૂર્ણ રીતે તૈયાર છે. ગોલ્ડ હોલમાર્કિંગ કિંમતી ધાતુની શુદ્ધતા માટેનું પ્રમાણપત્ર છે અને હાલમાં સ્વૈચ્છિક છે. access_time 12:16 am IST

  • કાલે ઉત્તર પ્રદેશમાં પંચાયત ચૂંટણીનું પ્રથમ તબક્કાનું મતદાન : રાજ્ય ચૂંટણી આયોગના આંકડા મુજબ 18 જિલ્લામાં 51176 પોલિંગ બુથ પર મતદાન : 18 જિલ્લાના 31,64,162 મતદારો સવારે 7 થી સાંજે 6 દરમિયાન પોતાના મતાધિકારનો કરશે ઉપયોગ : અયોધ્યા, આગ્રા, કાનપુર, ગાઝિયાબાદ અને ગોરખપુરમાં થશે મતદાન access_time 12:39 am IST

  • દેશમાં કોરોના કેસમાં ભયાનક ઉછાળો :પહેલીવાર નવા કેસનો આંક 2 લાખ નજીક પહોંચ્યો : તમામ રેકોર્ડ તૂટયા : એક્ટિવ કેસમાં ધરખમ વધારો : રાત્રે 12 વાગ્યા સુધીમાં કોરોનાના નવા 1,99,376 કેસ નોંધાયા :કુલ કેસની સંખ્યા 1,40,70,890 થઇ :એક્ટિવ કેસ 14,65,877 થયા : વધુ 93,418 દર્દીઓ સ્વસ્થ થતા કુલ 1,24,26,146 સાજા થયા :વધુ 1037 લોકોના મોત સાથે કુલ મૃત્યુઆંક 1,73,152 થયો : મહારાષ્ટ્રમાં સૌથી વધુ 58,952 નવા કેસ, :ઉત્તર પ્રદેશમાં 20,439 કેસ, દિલ્હીમાં 17,282 કેસ , છત્તીસગઢમાં 14,250 કેસ અને કર્ણાટકમાં 11,265 કેસ નોંધાયા access_time 1:12 am IST