Gujarati News

Gujarati News

News of Wednesday, 14th April 2021

રાજકોટ અને સુરતના પૂર્વ કલેકટર ડો.રાજેન્દ્રકુમારની વર્લ્ડ બેંકમાં નિમણૂક

નવી દિલ્હી,તા. ૧૪: રાજકોટ માટે ગૌરવ સમાન કહી શકાય તેવા સમાચાર પ્રાપ્ત થઇ રહ્યા છે.રાજકોટ અને સુરતના પૂર્વ કલેકટર રહી ચૂકેલા અને હાલ પ્રધાનમંત્રી કાર્યાલયમાં ડાયરેકટર તરીકે ફરજ બજાવતા ગુજરાત કેડરના IAS અધિકારી ડોકટર રાજેન્દ્ર કુમારની બલ્ડ બેંકમાં નિમણૂક કરવામાં આવી છે.રાજકોટના પૂર્વ કલેકટર અને હાલમાં પીએમઓમાં ફરજ બજાવતા ડોકટર રાજેન્દ્રકુમારની વર્લ્ડ બેંકમાં નિમણૂંક કરવામાં આવી છે.

ડો.રાજેન્દ્ર કુમારે રાજકોટ શહેરમાં વર્ષ ૨૦૧૧ થી ૨૦૧૪ દરમિયાન કલેકટર તરીકે કારભાર સંભાળ્યો હતો અને ત્યારબાદ વડાપ્રધાન સાથે દિલ્હી પહોચ્યા હતાં. વર્તમાન સમયમાં ડો. રાજેન્દ્ર કુમાર પીએમઓમાં ફરજ બજાવીરહ્યાં છે.

ગુજરાત કેડરના ૨૦૦૪ બેંચ ના ડો.રાજેન્દ્ર કુમાર ૨૦૧૧ થી ૨૦૧૪ સુધી રાજકોટ કલેકટર તરીકે ફરજ બજાવ્યા બાદ ૨૦૧૪ થી ૨૦૧૬ સુરત કલેકટર તરીકે સેવાઓ આપી હતી અને ત્યારબાદ કેન્દ્રમાં ડેપ્યુટેશન પર નિમણૂક થતા પ્રધાનમંત્રી કાર્યાલયમાં સેવા બજાવી રહ્યા છે. વોશિંગ્ટન ડી.સી.માં વર્લ્ડ બેન્કના એકિઝકયુટિવ ડાયરેકટરના એડવાઈઝર તરીકે આગામી ત્રણ વર્ષ માટે નિમણૂંક થઈ છે.

(10:12 am IST)
  • પટણા એઈમ્સ હોસ્પિટલમાં આઈ.એ.એસ.અધિકારીને પ્રવેશ મળી શકે છે તો નિવૃત ફૉજીને કેમ નહીં ? : પટણામાં કોરોનાથી પીડિત નિવૃત્ત સૈન્ય અધિકારીનું એમ્બ્યુલન્સમાં મોત : નેશનલ મેડિકલ કોલેજ હોસ્પિટલમાં આરોગ્ય મંત્રી આવી રહ્યા છે તેવું બહાનું કાઢ્યું : પટણા એઇમ્સે ભરતી કરવાનો ઇનકાર કર્યો : નિવૃત ફૌજીના મોતે આરોગ્ય તંત્ર સામે સવાલો ઉભા કરી દીધા access_time 8:59 pm IST

  • ઓક્સિજનની સુવિધા માટે ગાંધીનગર ખાતે સ્ટેટ કંટ્રોલ રૂમ તૈયાર કરાયો : IAS અધિકારી એ.બી.પંચાલની ઇન્ચાર્જ તરીકે કરાઇ નિમણૂંક access_time 11:41 pm IST

  • લોકસભાના સાંસદ અને કોંગ્રેસ નેતા રાહુલ ગાંધીની આજે પશ્ચિમ બંગાળમાં સહુ પ્રથમ ચૂંટણી રેલી : ઉત્તર દિનાજપુરના ગોલાપોખર અને દાર્જિલિંગના બગડોગરા ખાતે જાહેર સભાને સંબોધન કરશે access_time 1:30 pm IST