Gujarati News

Gujarati News

News of Tuesday, 13th April 2021

દિલ્હીમાં કોરોનાએ કાળોકહેર વર્તાવ્યો : ૨૪ કલાકમાં રેકોર્ડબ્રેક 13268 નવા કેસ નોંધાયા: 81 લોકોના મોત

છેલ્લા બે દિવસથી દિલ્હીમાં ચોથી લહેર મુંબઇ કરતા પણ વધારે ખતરનાક બની

નવી દિલ્હી : દેશની પાટનગર દિલ્હીમાં કોરોનાના ૨૪ કલાકમાં ૧૩૪૬૮ કેસ બહાર આવતા અત્યાર સુધીનો નવો જ વિક્રમ સર્જાયો છે. કોરોનાના અજગર ભરડામાં દિલ્હી  ફસાયું છે. એક જ દિવસમાં ૮૧ થી વધુના મુત્યુ થતા હાહાકાર મચી ગયો છે. આ સાથે જ કુલ મૃતક આંક ૧૧૪૨૬ થયો છે. દિલ્હીમાં કોરોના મહામારી શરુ થઇ ત્યારથી માંડીને અત્યાર સુધી કુલ સંક્રમિત કેસોની સંખ્યા ૭.૫ લાખ સુધી પહોંચી છે. કોરોના મહામારીની બીજી લહેર ભારતમાં સંક્રમણનો સપાટો બોલાવી રહી છે ત્યારે છેલ્લા બે દિવસથી દિલ્હીમાં ચોથી લહેર મુંબઇ કરતા પણ વધારે ખતરનાક બની રહી છે.

એક દિવસ અગાઉ ૨૪ કલાકમાં સંક્રમિત દર્દીઓની સંખ્યાનો આંકડો ૧૦ હજારને પાર કરીને ૧૧૪૯૧ કેસ નોંધાયા હતા. હવે તેમાં વધુ ૨ હજાર કેસોનો વધારો થયો છે. આ સાથે જ દિલ્હીનો પોઝિટિવિટી રેટ વધીને ૧૩.૧૪ થયો છે એનો મતલબ કે ૧૦૦ ટેસ્ટિંગમાં ૧૩ થી વધુ પોઝિટિવ કેસ મળી રહયા છે. એક સમયે શિરો સર્વેમાં દિલ્હીમાં હર્ડ ઇમ્યૂનિટી ડેવલપ થઇ હોવાનો દાવો કરવામાં આવતો હતો પરંતુ હવે ફરી દિલ્હીવાસીઓ કોરોના સંક્રમણમાં આવી રહયા છે.

વેકિસનેશનના ડોઝ છતાં કોરોનાની નવી લહેર ધીમે ધીમે સુનામી બની રહી છે. સ્વાસ્થ્ય વિભાગ દ્વારા બહાર પાડવામાં આવેલા આંકડા અનુસાર ૭૯૭૨ દર્દીઓ કોરોનાની સારવાર પછી સાજા થયા હતા. કુલ ૬૯૫૨૧૦ લોકોએ કોરોનાને હરાવ્યો છે પરંતુ સક્રિય કેસોની સંખ્યા વધતી જતી હોવાથી સાજા થવાનો દર ઘટયો છે. કોરોના વાયરસનું સંક્રમણ ધરાવતા એકટિવ કેસોની સખ્યા ૪૩૫૬૦ સુધી પહોંચી છે જેમાંથી ૨૧૯૫૪ દર્દીઓ હોમ આઇસોલેશનમાં છે.

 
(12:27 am IST)
  • રાજકોટ ટ્રાન્સપોર્ટ એસોસીએશન દ્વારા ૩ દિવસ માટે સંપૂર્ણ લોકડાઉન કરવાનો નિર્ણય લેવાયો હોવાનું જાણવા મળે છે. તા. ૧૬ એપ્રિલથી ૧૮ એપ્રિલ ૨૦૨૧ સુધી રાજકોટમાં ૭૦૦ જેટલા ટ્રાન્સપોર્ટના ધંધાર્થીઓ તેનું બુકીંગ તથા ડિલીવરી બંધ રાખશે તેવુ રાજકોટ ટ્રાન્સપોર્ટ એસોસીએશનના પ્રમુખ હસુભાઈ ભગદેએ અકિલાને જણાવ્યુ હતું. વાહન વ્યવહાર ચાલુ રાખવામાં આવશે કે જેથી લોકોને જીવન - જરૂરીયાત વસ્તુઓની તંગી મહેસુસ ન થાય. ટ્રાન્સપોર્ટમાં આવેલ લોકોની જીવન જરૂરીયાતની વસ્તુઓની ડિલીવરી પણ સમયસર કરી આપવામાં આવશે તેવું પણ જણાવાયુ છે. access_time 12:35 pm IST

  • બેન સ્ટોકસ IPLમાંથી બહાર : રાજસ્થાનને ફટકો : રાજસ્થાન રોયલ્સના ૨૯ વર્ષના ઓલરાઉન્ડર બેન સ્ટોકસને ડાબા હાથમાં ઈજા પહોંચતા તે આઈપીએલમાંથી બહાર થઈ ગયો છે. પંજાબ સામેના પ્રથમ મેચમાં સ્ટોકસ ખાતુ ખોલાવ્યા વગર આઉટ થયો હતો. access_time 12:41 pm IST

  • ૧૫ ઍપ્રિલથી શરૂ થનાર ધોરણ ૧૦ની પ્રેક્ટિકલ પરીક્ષા મોકૂફ, કોરોના કાળમાં શિક્ષણ વિભાગનો મોટો નિર્ણય access_time 1:18 pm IST