Gujarati News

ઇસ્લામાબાદ તા. ૧૪ : પાકિસ્તાનની રાષ્ટ્રીય એસેમ્બેલી(સંસદ)ના સ્પીકર પોતે જ મંગળવારે ગૃહમાંથી વોકઆઉટ કરી ગયા હતા. એક સીનિયર અધિકારી બે કાયદાના મુસદ્દા અંગે સંસદને માહિતી ન આપી શકતા સ્પીકર નારાજ થઈને વોકઆઉટ કરી ગયા હતા.

વિદ્યાર્થીના ફરજિયાત ડ્રગ ટેસ્ટ અને શૈક્ષણિક સંસ્થાઓમાં ડ્રગનો ઉપયોગ અટકાવવા અંગેના બે બિલ અંગે સવાલના જવાબ આપવા માટે ગૃહમંત્રી અર્ષદ મિર્ઝાને સંસદમાં હાજર રહેવા કહેવાયું હતું. પરંતુ મિર્ઝા હાજર ન થતા સ્પીકર ઐયાઝ સાદિક અત્યંત ગુસ્સે થઈ ગયા હતા સ્પીકર સાદિકે કહ્યું હતું કે 'જયાં સુધી વડાપ્રધાન શાહિદ ખકાન અબ્બાસી ભવિષ્યમાં આવી ઘટનાનું પુનરાવર્તન નહીં થાય તેવી લેખિત ખાત્રી નહીં આપે ત્યાં સુધી હું ગૃહનો બહિષ્કાર ચાલુ રાખીશ. આથી ત્યાં સુધી હું કોઈ જ સત્રમાં અધ્યક્ષપદે હાજર નહીં રહું.'