Gujarati News

Gujarati News

News of Tuesday, 13th March 2018

અમેરિકા મોંઘુ ભણતર અને વીઝા મેળવવામાં મુશ્કેલી સર્જાતા ભારતીય વિદ્યાર્થીઓની અમેરિકા જવાની સંખ્‍યા ઘટી

નવી દિલ્‍હીઃ અમેરિકામાં અભ્‍યાસ માટે જતા વિદ્યાર્થીઓની સંખ્‍યામાં ૨૮ ટકાનો ઘટાડો નોંધાયો છે. આ માટે વીઝા મેળવવામાં મુશ્‍કેલી અને અમેરિકામાં થયેલું મોંઘુ ભણતર જવાબદાર માનવામાં આવે છે.

ન્યૂ સ્ટેટ ડેટા દ્વારા આ આંકડા સામે આવ્યા છે. અમેરિકાના દ્વારા જાહેર કરવામાં આવેલા કુલ એફ-1 સ્ટૂડન્ટ વીઝામાં લગભગ 17 ટકાનો ઘટાડો આવ્યો છે.

ગત વર્ષ 2017માં અમેરિકા દ્વારા ત્રણ લાખ ત્રાણું હજાર 573 એફ-1 વીઝા જાહેર કરવામાં આવ્યા છે. 2016માં ચાર લાખ સત્તર હજાર 728 એફ-1 સ્ટૂડન્ટ વીઝા જાહેર કરવામાં આવ્યા હતા. જેમાથી 2016માં 65 હજાર 257 જેટલા ભારતીય વિદ્યાર્થીઓને વીઝા મળ્યા હતા. તો 2017માં માત્ર 47 હજાર 302 ભારતીય વિદ્યાર્થીને વીઝા જાહેર કરવામાં આવ્યા હતા. આના સિવાય 2017માં ચીનના સ્ટૂડન્ટ્સને પણ અમેરિકામાં ભણવાની તકમાં ઘટાડો થયો છે.

ચીનના વિદ્યાર્થીઓને અમેરિકાના વીઝા મળવાની સંખ્યામાં 24 ટકાનો ઘટાડો આવ્યો છે. આના માટે 2014માં ચીન માટે અમેરિકાની બદલાયેલી નવી વીઝા નીતિ જવાબદાર છે. આ વર્ષે અમેરિકામાં અન્ય દેશોના વિદ્યાર્થીઓને સ્ટૂડન્ટ વીઝા નહીં મળી શકવાની દ્રષ્ટિએ ભારત અને ચીન સૌથી ઉપર છે. ત્યાર બાદ દક્ષિણ કોરિયા, સાઉદી અરેબિયા અને કેનેડાના ક્રમાંક આવે છે.

(8:29 pm IST)
  • રાજસ્થાનની ચૂંટણી જીતવા કોંગ્રેસે બુથ મેનેજમેન્ટનો મોટો પ્લાન બનાવ્યોઃ લોકસભાની ચૂંટણી સમયે પણ ઉપયોગ કરવા સંભવ : 'શકિત' નામના ડીજીટલ પ્લેટફોર્મનો ઉપયોગ કરી પક્ષના કાર્યકર્તાઓ અને મતદારોના આંકડા મેળવાશે access_time 10:38 am IST

  • ૪૧ લાખ બેન્ક ખાતાઓ એસબીઆઈએ બંધ કર્યા :બેન્ક ખાતામાં ઓછામાં ઓછું બેલેન્સ નહિ રાખવા સબબ એસબીઆઈ (સ્ટેટ બેન્ક ઓફ ઈન્ડીયા)એ દેશભરમાં તેમની બ્રાન્ચોમાં આવેલ ૪૧.૨ લાખ ખાતા બંધ કરી દીધાનું એક માહિતી આપતા રિઝર્વ બેન્કે જણાવ્યુ છે access_time 4:55 pm IST

  • અરૂણાચલ પ્રદેશના તોતિંગમાં ભારતીય વાયુસેનાનું ગ્લોબમાસ્ટર સી-17 વિમાને ઐતિહાસીક લેન્ડિંગ કર્યું. આ વિસ્તાર ચીનની સરહદની નજીક છે. અમેરિકા નિર્મિત આ વિમાનનું ઉંચાઇવાળા વિસ્તારમાં કરવામાં આવેલું લેન્ડિંગ ભારતીય વાયુસેનાના સરહદી વિસ્તારમાં એક મજબૂત ડગ સમાન જોવામાં આવી રહ્યું છે. access_time 12:59 am IST