Gujarati News

Gujarati News

News of Tuesday, 13th March 2018

યુપીના લોકો વંશવાદી-તકવાદી જોડાણવાળી સરકારથી તંગ આવી ગયા છે : મુખ્‍યમંત્રી યોગીની સટાસટી

ગોરખપુર: ઉત્તર પ્રદેશના મુખ્યમંત્રી યોગી આદિત્યનાથે ગોરખપુર ખાતે યોજાનારી ચૂંટણી માટેના પ્રચારમાં કરેલા સંબોધનમાં જણાવ્યું હતું કે ઉત્તર પ્રદેશના લોકોને વંશવાદી, તકવાદી જોડાણવાળી સરકાર ખપતી નથી. સમાજવાદી પાર્ટીને નિશાન બનાવી યોગીએ ઔરંગઝેબની સરકાર ગણાવી હતી. તેમણે વધુમાં જણાવ્યું હતું કે ઉત્તર પ્રદેશના લોકોને સુનિયોજિત અને વિકાસલક્ષી સરકાર જોઈએ છે તેમણે અખિલેશ યાદવની પાર્ટીને નિશાન બનાવી જણાવ્યું હતું કે ભાજપની સરકાર બહારથી ઉમેદવાર લાવવાનું પસંદ કરશે નહીં.

સમાજવાદી પાર્ટીએ ફુલપુર અને ગોરખપુર ખાતે યુપી બહારના ઉમેદવારોને હાથી અને સાઇકલના નિશાન દ્વારા ચૂંટણી લડાવી હતી. જેની સામે કટાક્ષ કરતા યોગીએ ઉમેર્યું હતું કે લોકો જાણે છે કે સાઇકલ પર હાથી ચાલી શકે નહીં.

તેમણે સમાજવાદી પાર્ટી અને બહુજન સમાજ પાર્ટીના ગઠબંધનને કામચલાઉ અને તકવાદી ગણાવ્યું હતું.

તેમણે યુપીમાં તેમના ૧૧ મહિનાના શાસન દરમિયાન થયેલા વિકાસ અને બદલાવને ધ્યાનમાં રાખી લોકોને મત આપવા અપીલ કરી હતી. ભાજપ તરફથી ઉપેન્દ્ર દત્તે ઉમેદવારી નોંધાવી છે.

આદિત્યનાથે પ્રતિમા તોડી પાડવાની ઘટનાને વખોડી હતી અને ઉમેર્યું હતું કે ભાજપ લોકલાગણી સાથે રમત કરતા પક્ષોની નકારાત્મક રાજનીતિ નહીં ચલાવી લે.

(9:36 am IST)
  • બીએસએનના ગેરકાયદે ટેલીફોન એકસ્ચેન્જમાં કલાનીધી મારન, દયાનીધી મારન અને બીજા પાંચને છોડી મુકવા સીબીઆઇ કોર્ટનો આદેશઃ કહ્યું કે પ્રોસીકયુશન આ કેસ સાબિત કરવામાં નિષ્ફળ ગયેલ છે access_time 5:14 pm IST

  • AICC તથા ગુજરાત પ્રદેશ કોંગ્રેસ દ્વારા રાજકોટ શહેરમાં નવા પ્રદેશ ડેલીગેટ તરીકે મહેશ રાજપૂત તથા રાજકોટ જીલ્લામાં નવા પ્રદેશ ડેલીગેટ તરીકે  અજુનભાઈ ખાટરીયા ગામ રામોદ, સુરેશ બથવાર ગામ રાજકોટ, ગંગદાશભાઈ બી ડોડીયા ગામ પડધરી, લાખાભાઈ ડાંગર ગામ ઉપલેટા, દીપકભાઈ વેકરીયા (ડી.કે) ગામ જેતપુર, શૈલે દેવેન્દ્ર ભાઈ ધામી ગામ રાજકોટ, દિનેશભાઈ મકવાણા ગામ રાજકોટ, દિનેશભાઈ ચોવટીયા ગામ રાજકોટ, શહેનાઝબેન બાબી ગામ જેતપુર ની નીમણૂંક કરવામાં આવેલ છે access_time 2:14 am IST

  • રશિયાની હોસ્ટેલમાં ગુજરાતના વાળંદ પરીવારના વિદ્યાર્થીનું કરૂણ મૃત્યુઃ આઘાત : મહીસાગર જિલ્લાનાં રમેશભાઈ વાળંદના પુત્ર ક્રિસ્ટલનું ૧૧મીએ રશિયાની હોસ્ટેલમાં કરૂણ મોત : તેનો મૃતદેહ ૧૬મીએ તેના વતન ''બાકોર'' લાવવામાં આવશે : ક્રિસ્ટલના પિતા રમેશભાઈ સોમાભાઈ વાળંદ લશ્કરમાં ફરજ બજાવતા હતા, પુત્રના મૃતદેહને ભારત લાવવા ભારે પ્રયાસો કરવા પડ્યા હતા access_time 6:14 pm IST