Gujarati News

Gujarati News

News of Friday, 14th February 2020

આશ્ચર્યમ :દિલ્હી ચૂંટણી ટાણે થયેલી JNU હિંસાને 40 દિવસ થયા પરંતુ હજુ ધરપકડ કોઈની નહીં !!

CCTV અને વાયરલ વીડિયો હોવા છતાં ધરપકડ નહીં: ABVPના કાર્યકર્તાઓ હોવાથી પોલીસ ધરપકડ નહીં કરતી હોવાની ચર્ચા

 

નવી દિલ્હી : દિલ્હી  વિધાનસભાની ચૂંટણી પહેલાં સમગ્ર દેશમાં ચર્ચાનો મુદ્દો બની બેઠેલી JNU યુનિ.માં હુમલાઓ થયા હતા તેના CCTV સામે આવ્યાં હતા અને ઘટનાના વીડિયો પણ વાયરલ થયા હતા પરંતુ હુમલાખોરો હજુ 40 દિવસ બાદ પણ પોલીસ પકડથી દૂર છે.

વાયરલ વીડિયોમાં ABVPના કાર્યકર્તાઓ હોવાનું એક પ્રાથમિક નજરે દેખાતું હતું. આ સાથે પોલીસે તાબડતોબ તપાસ તો આદરી પરંતુ હજુ સુધી કોઈ જ હુમલાખોર પકડાયો જ નથી. જો કે નવાઈ છે કે આટલાં બધા પુરાવા હોવા છતાં દિલ્હી પોલીસ કોઈ ની પણ ધરપકડ ના કરે. જો કે આ પહેલાં જ્યારે કનૈયા કુમારે ભાષણ આપ્યું હતું અને વિવાદ સર્જાયો હતો ત્યારે 3 જ દિવસમાં તેને જેલભેગો કરાયો હતો. જ્યારે અત્યાર પોલીસ કોની રાહ જોઈ રહી છે.તેવા સવાલ ઉઠ્યાં છે

દિલ્હી પોલીસે ત્રણ FIRના આધારે હુમલામાં 9 વિદ્યાર્થીઓના નામ બહાર પડ્યાં હતાં. જેમાં 7 ડાબેરી અને 2 ABVPના કાર્યકર્તાના નામ અને ફોટો પ્રેસ કોન્ફરન્સમાં બતાવાયા હતાં. પોલીસ કોઈની ધરપકડ કરશે નહીં પણ વિદ્યાર્થીઓ સામે ચાર્જશીટ દાખલ કરશે એવું પોલીસના અધિકારીઓએ જણાવ્યું હતું.

(12:26 am IST)
  • વડાપ્રધાન વારાણસી આવવાના હોવાથી સફાઈ કરી રહેલા કર્મચારીને કારે ટક્કર મારી : સ્થળ ઉપર જ મોત : કાર ચાલક રફુચક્કર : રસ્તા ચક્કાજામ : 16 ફેબ્રુઆરીના રોજ વડાપ્રધાનના આગમન પહેલા કરૂણ બનાવ : સફાઈ કર્મચારીઓએ મૃતદેહ સ્વીકારવાનો ઇન્કાર કર્યો : મૃતકના પરિવાર માટે વળતર માગ્યું : આરોપીને સજા કરાવવા માંગણી કરી access_time 7:28 pm IST

  • કાશ્મીરીઓને પણ ભારતના અન્ય નાગરિકો જેવા જ સમાન અધિકારો મળવા જોઈએ : નજરકેદ રખાયેલા કાશ્મીરના પૂર્વ મુખ્યમંત્રી ઉંમર અબ્દુલ્લાની બહેન સારા અબ્દુલ્લાની પત્રકારો સાથે વાતચીત access_time 7:50 pm IST

  • " નિર્ભયા કેસ " : સુપ્રીમ કોર્ટમાં સુનાવણી વખતે જસ્ટિસ સુશ્રી આર ભાનુમતી બેહોશ : અચાનક તબિયત બગડતા સુનાવણી મુલતવી access_time 7:37 pm IST