Gujarati News

Gujarati News

News of Friday, 14th February 2020

જંગી રકમ ચુકવવી પડશે

નવીદિલ્હી, તા. ૧૪ : એડજસ્ટ ગ્રોસ રેવેન્યુ (એજીઆર)ના મામલામાં સુપ્રીમ કોર્ટે આજે કઠોર વલણ અપનાવીને ટેલિકોમ કંપનીઓને જોરદાર ફટકાર લગાવી હતી. સુપ્રીમ કોર્ટના આ વલણના કારણે ટેલિકોમ કંપનીઓમાં ખળભળાટ મચી ગયો હતો. સુપ્રીમ કોર્ટે ટેલિકોમ કંપનીઓ અને તેમના ડિરેક્ટરોને દૂરસંચાર વિભાગ (ડોટ)ને ૧.૪૭ લાખ કરોડના એજીઆરની ચુકવણી કરવાના તેના આદેશને નહીં પાળવા બદલ તેમની સામે તિરસ્કારની કાર્યવાહી કેમ હાથ ધરવી જોઇએ નહીં તે સંદર્ભમાં ખુલાસો કરવા આદેશ કર્યો હતો. સુપ્રીમ કોર્ટના આદેશ બાદ વોડાફોન આઈડિયા, ભારતી એરટેલ અને તાતા ટેલિ સર્વિસની મુશ્કેલી વધી ગઈ છે. સુપ્રીમ કોર્ટે ૧૭મી માર્ચ સુધી આ રકમ જમા કરવા માટે ઓપરેટરોને આદેશ કરી દીધો છે. આ રકમ ૧.૪૭ લાખ કરોડની આસપાસની રહેલી છે. તાતા ટેલિ સર્વિસે તેના મોબાઇલ બિઝનેસને એરટેલને વેચી દીધો હોવા છતાં જંગી નાણાં તેને ચુકવવાના રહેશે. કઇ કંપનીને કેટલા નાણાં ચુકવવાના રહેશે તે નીચે મુજબ છે.

 કંપની

 ચુકવણી બાકી

 વોડાફોન-આઈડિયા

 ૫૦૦૦૦ કરોડ

 ભારતી એરટેલ

 ૩૫૫૦૦ કરોડ

 તાતા ટેલિ સર્વિસ

 ૧૪૦૦૦ કરોડ

નોંધ : રિલાયન્સ જીઓએ ૬૦ કરોડ રૂપિયાની રકમ ચુકવી હતી. અન્યો કરતા આ રકમ ખુબ ઓછી છે. કારણ કંપનીએ ૨૦૧૬માં ઓપરેશનની શરૂઆત કરી હતી.

(7:56 pm IST)
  • કાશ્મીરીઓને પણ ભારતના અન્ય નાગરિકો જેવા જ સમાન અધિકારો મળવા જોઈએ : નજરકેદ રખાયેલા કાશ્મીરના પૂર્વ મુખ્યમંત્રી ઉંમર અબ્દુલ્લાની બહેન સારા અબ્દુલ્લાની પત્રકારો સાથે વાતચીત access_time 7:50 pm IST

  • જમ્મુ કાશ્મીરની સ્થિતિ બિલકુલ નોર્મલ છે : જેને જવું હોય તે સપરિવાર જઈ શકે છે : યશવંત સિંહા અને અરુણ શૌરી પણ જઈ આવ્યા છે : ગૃહમંત્રી અમિત શાહ access_time 9:05 pm IST

  • આવતીકાલ 14 ફેબ્રુઆરીના રોજ પૂર્વ વિદેશ મંત્રી સુષ્મા સ્વરાજના જન્મદિવસ નિમિતે સરકારની ભેટ : પ્રવાસી ભારતીય ભવનનું નામ સુષ્મા સ્વરાજ ભવન રાખ્યું : વિદેશ સેવા સંસ્થાનનું નામ સુષ્મા સ્વરાજ વિદેશ સેવા સંસ્થાન રાખ્યું : બંને ભવનો ઉપર બોર્ડ લગાવાઈ ગયા access_time 8:05 pm IST