Gujarati News

Gujarati News

News of Friday, 14th February 2020

દક્ષિણ આફ્રિકાની ક્રિકેટ ટીમના પૂર્વ કેપ્ટન હેન્સી ક્રોનિએને સંડોવતા મેચ ફિક્સીંગના મામલામાં મુખ્ય આરોપી અને સટ્ટાબાજ સંજીવ ચાવલા ૧૨ દિવસની પોલીસ કસ્ટડીમાં

નવી દિલ્હીઃ દિલ્હીની એક કોર્ટે દક્ષિણ આફ્રિકા ક્રિકેટ ટીમના પૂર્વ કેપ્ટન હેન્સી ક્રોનિએની સંડોવળી વાળા મેચ ફિક્સિંગના મામલાના એક મુખ્ય આરોપી અને કથિત સટ્ટાબાજ સંજીવ ચાવલાને ગુરૂવારે 12 દિવસની પોલીસ કસ્ટડીમાં મોકલી દીધો છે.

એડિશનલ ચીફ મેટ્રોપોલિટન મેજિસ્ટ્રેટ સુધીર કુમાર સિરોહીએ ચાવલાને 12 દિવસની પોલીસ કસ્ટડીમાં મોકલવાનો આદેશ આપ્યો છે. પોલીસે કોર્ટ પાસે 14 દિવસની કસ્ટડીની માગ કરી હતી.

પોલીસે કોર્ટને જણાવ્યું કે, ગુરૂવારે લંડનથી પ્રત્યર્પિત કરીને લાવવામાં આવેલા ચાવલાને મોટા ષડયંત્રની માહિતી માટે વિભિન્ન સ્થાનો પર લઈ જવામાં આવશે અને ઘણા લોકો સાથે આમનો-સામનો કરાવવામાં આવશે. પોલીસે કોર્ટને જણાવ્યું કે, ક્રોનિએ પણ તેમાં સામેલ છે. ક્રોનિએનું 2002ના વિમાન દુર્ઘટનામાં મોત થઈ ગયું હતું.

પોલીસે કોર્ટને જણાવ્યું કે, ચાવલા પાંચ મેચોની ફિક્સિંગમાં સામેલ છે. ચાવલા પર ફેબ્રુઆરી-માર્ચ 2000માં દક્ષિણ આફ્રિકા ટીમના ભારત પ્રવાસ પર મેચ ફિક્સિંગ માટે ક્રોનિએની સાથે મળીને ષડયંત્ર રચવાનો આરોપ છે. બ્રિટિશ કોર્ટના દસ્તાવેજોમાં કહેવામાં આવ્યું છે કે, દિલ્હીમાં જન્મેલ ઉદ્યોગપતિ ચાવલા 1996માં વ્યાપાર વીઝા પર બ્રિટન ચાલ્યો ગયો હતો પરંતુ તે ભારતની યાત્રા કરતો રહેતો હતો.

(4:53 pm IST)
  • પૂ.ગુરૂદેવની તબિયત ફરી લથડી : આઈસીયુમાં પુનઃ દાખલ : સાંજે લાઈવ દર્શન નહિં : પૂ. હરિચરણદાસજી બાપુની તબિયત ફરી બગડી હોવાનું જાણવા મળે છે : તેઓને ફરીથી આઈસીયુમાં લઈ જવાયા છે : ઉલ્લેખનીય છે કે પૂ.ગુરૂદેવનું થાપાનું ઓપરેશન કર્યા બાદ તેઓની તબિયત ઘણી સારી હતી : આજે બપોરે તેઓની તબિયત બગડી હતી : આજે સાંજે વોકહાર્ટ હોસ્પિટલના ટીવી સ્ક્રીન ઉપર તેઓના લાઈવ દર્શન નિહાળી શકાશે નહિં : આ લખાય છે ત્યારે તેઓની તબિયત સારી હોવાનું જાણવા મળે છે access_time 4:05 pm IST

  • ગાંધી આશ્રમથી ગાંધીનગર સુધી પદયાત્રાઃ ભાજપ નેતા અલ્પેશ ઠાકોરની સરકારને ચીમકી : આશ્વાસન છતાં ૩ દિવસ વિત્યાઃ નિર્ણય નહિ લેવાય તો પદયાત્રા કરીશઃ ભાજપ નેતા અલ્પેશ ઠાકોરની સરકારને ચીમકીઃ સરકાર સામે ભાજપ નેતાએ બાયો ચઢાવીઃ ૪૮ કલાકમાં LRD પરિપત્ર રદ કરો. access_time 1:02 pm IST

  • જમ્મુ કાશ્મીરની સ્થિતિ બિલકુલ નોર્મલ છે : જેને જવું હોય તે સપરિવાર જઈ શકે છે : યશવંત સિંહા અને અરુણ શૌરી પણ જઈ આવ્યા છે : ગૃહમંત્રી અમિત શાહ access_time 9:05 pm IST