Gujarati News

Gujarati News

News of Friday, 14th February 2020

નિર્ભયાના દોષી વિનયની અરજી ફગાવતી સુપ્રીમ કોર્ટ

નિર્ભયાના દોષીની તમામ લાઈફ લાઈન પુર્ણ થઈ છે

નવી દિલ્હી,તા.૧૪: નિર્ભયા કેસ મામલે દોષી વિનયએ સુપ્રીમ કોર્ટમાં દયા અરજી કરી હતી. વિનયએ કરેલી અરજીને સુપ્રીમ કોર્ટએ ફગાવી દીધી છે. વિનયએ કોર્ટમાં અરજી કરી હતી કે તેની માનસિક સ્થિતિ બરાબર નથી. જો કે દોષી વિનયની મેડિકલ રીપોર્ટમાં ખુલાસો થયો છે કે તેની માનસિક સ્થિતિ સ્થિર છે. આ સાથે જ નિર્ભયાના દોષીની તમામ લાઈફ લાઈન પુર્ણ થઈ છે. જો કે તમામ દોષીતોને ૧૭ ફેબ્રુઆરી સુધી જીવનદાન મળી ચુકયું છે. કારણ કે નવા ડેથ વોરંટની માંગની નિર્ભયાના માતાપિતાની અરજી પર હવે પટિયાલા હાઉસ કોર્ટમાં ૧૭મી તારીખે સુનાવણી હાથ ધરાશે.

(4:04 pm IST)
  • પૂ.ગુરૂદેવની તબિયત ફરી લથડી : આઈસીયુમાં પુનઃ દાખલ : સાંજે લાઈવ દર્શન નહિં : પૂ. હરિચરણદાસજી બાપુની તબિયત ફરી બગડી હોવાનું જાણવા મળે છે : તેઓને ફરીથી આઈસીયુમાં લઈ જવાયા છે : ઉલ્લેખનીય છે કે પૂ.ગુરૂદેવનું થાપાનું ઓપરેશન કર્યા બાદ તેઓની તબિયત ઘણી સારી હતી : આજે બપોરે તેઓની તબિયત બગડી હતી : આજે સાંજે વોકહાર્ટ હોસ્પિટલના ટીવી સ્ક્રીન ઉપર તેઓના લાઈવ દર્શન નિહાળી શકાશે નહિં : આ લખાય છે ત્યારે તેઓની તબિયત સારી હોવાનું જાણવા મળે છે access_time 4:05 pm IST

  • કાશ્મીરીઓને પણ ભારતના અન્ય નાગરિકો જેવા જ સમાન અધિકારો મળવા જોઈએ : નજરકેદ રખાયેલા કાશ્મીરના પૂર્વ મુખ્યમંત્રી ઉંમર અબ્દુલ્લાની બહેન સારા અબ્દુલ્લાની પત્રકારો સાથે વાતચીત access_time 7:50 pm IST

  • આવતીકાલ 14 ફેબ્રુઆરીના રોજ પૂર્વ વિદેશ મંત્રી સુષ્મા સ્વરાજના જન્મદિવસ નિમિતે સરકારની ભેટ : પ્રવાસી ભારતીય ભવનનું નામ સુષ્મા સ્વરાજ ભવન રાખ્યું : વિદેશ સેવા સંસ્થાનનું નામ સુષ્મા સ્વરાજ વિદેશ સેવા સંસ્થાન રાખ્યું : બંને ભવનો ઉપર બોર્ડ લગાવાઈ ગયા access_time 8:05 pm IST