Gujarati News

Gujarati News

News of Friday, 14th February 2020

બેંગલુરુના મલ્ટિપ્લેકસને રૂ.૨૦ની પાણીની બોટલ રૂ.૪૦માં વેચવી ભારે પડી!

બેંગલુરુ, તા.૧૪:  કર્ણાટકની રાજધાની બેંગલુરુના એક મલ્ટિપ્લેકસને ૨૦ રુપિયાની પાણીની બોટલના ૪૦ રુપિયા લેવા બદલ સજા મળી છે. ઓમ હેગડે નામની એક વ્યકિતએ આ મામલે કન્ઝયુમર ફોરમમાં ફરિયાદ નોંધાવી હતી.

બેંગલુરુના રોયલ મીનાક્ષી મોલમાં અડધા લિટર પાણીની બોટલના ૪૦ રુપિયા માંગવામાં આવ્યા હતા. આનો ભોગ બનેલા શ્રીનગર વિસ્તારમાં રહેતા ઓમ હેગડે ઉરાટોટા નામના વ્યકિતએ મલ્ટિપ્લેકસ વિરુદ્ઘ કન્ઝયુમર ફોરમમાં ફરિયાદ કરી હતી. પાણીની બોટલના ૨૦ના બદલે ૪૦ રુપિયા એટલે કે ૨૦ રુપિયા વધારે લેવા મામલે તેમણે વિરોધ નોંધાવીને મેનેજરને નોટિસ મોકલીને વધારાના પૈસા પાછા આપવા માંગ કરી હતી. મલ્ટિપ્લેકસના મેનેજરે ઓમની નોટિસનો કોઈ જવાબ ન આપતા આખરે તેમણે કન્ઝયુમર ફોરમનો સહારો લીધો હતો.

આ મામલે ફોરમે બંને પક્ષની વાત કાને ધરી હતી અને બચાવ પક્ષના વકીલે અડધા લિટર પાણીની બોટલ ૪૦ રુપિયામાં વેચાતી હોવાનો અસ્વીકાર નહોતો કર્યો. ત્યાર બાદ ફોરમે મલ્ટિપ્લેકસને ફરિયાદીના પૈસા ૧૨ ટકા વ્યાજ સાથે પરત કરવાનો આદેશ આપ્યો હતો. આ ઉપરાંત કોર્ટે મલ્ટિપ્લેકસને ફરિયાદીને માનસિક ત્રાસ આપવા બદલ પાંચ હજાર રુપિયા અને કોર્ટ ખર્ચના બે હજાર રુપિયા ૩૦ દિવસની અંદર ચુકવી આપવાનો નિર્દેશ આપ્યો હતો.

આ કેસની સુનાવણી દરમિયાન મલ્ટિપ્લેકસના અધિકારીઓએ સરકારી મંજૂરીનો હવાલો આપ્યો હતો અને પોતાના ગ્રાહકોને મોલમાં સારી સુવિધા આપવામાં આવતી હોવાનો દાવો કર્યો હતો. જો કે, તેમના વકીલે અડધા લિટર પાણીની બોટલ ૨૦ના બદલે ૪૦ રુપિયામાં વેચાતી હોવાનું સ્વીકાર્યું હતું.

(11:29 am IST)
  • ગાંધી આશ્રમથી ગાંધીનગર સુધી પદયાત્રાઃ ભાજપ નેતા અલ્પેશ ઠાકોરની સરકારને ચીમકી : આશ્વાસન છતાં ૩ દિવસ વિત્યાઃ નિર્ણય નહિ લેવાય તો પદયાત્રા કરીશઃ ભાજપ નેતા અલ્પેશ ઠાકોરની સરકારને ચીમકીઃ સરકાર સામે ભાજપ નેતાએ બાયો ચઢાવીઃ ૪૮ કલાકમાં LRD પરિપત્ર રદ કરો. access_time 1:02 pm IST

  • આવતીકાલ 14 ફેબ્રુઆરીના રોજ પૂર્વ વિદેશ મંત્રી સુષ્મા સ્વરાજના જન્મદિવસ નિમિતે સરકારની ભેટ : પ્રવાસી ભારતીય ભવનનું નામ સુષ્મા સ્વરાજ ભવન રાખ્યું : વિદેશ સેવા સંસ્થાનનું નામ સુષ્મા સ્વરાજ વિદેશ સેવા સંસ્થાન રાખ્યું : બંને ભવનો ઉપર બોર્ડ લગાવાઈ ગયા access_time 8:05 pm IST

  • હું મહારાષ્ટ્રની બહાર જવા માંગતો નથી : નોકરી આડે 2 વર્ષ બાકી છે તે દરમિયાન અન્ય રાજ્યમાં બદલી થતાં બોમ્બે હાઇકોર્ટ જજ શ્રી ધર્માધિકારીનું રાજીનામુ : રાષ્ટ્રપતિ દ્વારા મંજુર થવાનું બાકી access_time 8:06 pm IST