Gujarati News

Gujarati News

News of Wednesday, 14th February 2018

ખેડૂતે ખેતરમાં 'સેકસી સની લિયોની'ના પોસ્ટરને રાખ્યુ

પાકને ખરાબ નજરથી બચાવા માટે અનોખી સૂઝ અપનાવી

હૈદરાબાદ તા. ૧૪ : આંધ્રપ્રદેશના એક ખેડૂતે પોતાના પાકને ખરાબ નજરથી બચાવા માટે અનોખી સૂઝ અપનાવી છે. ખેડૂતે પોતાના ખેતરમાં બિકની પહેરેલી સની લિયોનીનું એક પોસ્ટર લગાવ્યું છે. આ પોસ્ટર આખા વિસ્તારમાં ચર્ચાનો વિષય બન્યો છે. ખેડૂતનો દાવો છે કે આ પોસ્ટરને લગાવ્યા બાદથી તેમના પાકમાં ઘણો સુધારો આવ્યો છે.

આ કિસ્સો આંધ્રપ્રદેશના નેલ્લોર જિલ્લાનો છે. અહીં બાંદાકિંદિપલ્લી ગામના ખેડૂત એ.ચેંચુ રેડ્ડીએ આ યુકિત અપનાવી છે. તેમણે પાકને બર્બાદ થતો બચાવા માટે બિકિની પહેરેલ સની લિયોનીના બે પોસ્ટર ખેતરના બંને છેડે લગાવ્યા છે. આ પોસ્ટર પર તેલુગુમાં લખેલું છે, 'મારાથી ઇર્ષા ના કરતાં.'

પોતાની આ વિચાર અંગે રેડ્ડી કહે છે કે સની લિયોનીને લોકો પ્રેમ કરે છે. એવામાં લોકો પાકને નહીં પરંતુ સની લિયોનીને જુએ છે. આથી મારા પાકને ખરાબ નજરથી બચાવાય છે. તેનો ફાયદો મળી રહ્યો છે. પાક સારો થયો છે.

ગામની પાસે રસ્તાના કિનારા પર રેડ્ડીની ૧૦ એકર જમીન છે. રેડ્ડી અહીં શાકભાજી ઉગાડે છે. કેટલાંય વર્ષોથી તેમનો પાક ખરાબ થઇ રહ્યો હતો. રેડ્ડી કહે છેકે મના લાગે છે કે રસ્તાના છેડે ખેતર હોવાથી દરેક આવતા-જતા લોકોની નજર પાક પર પડે છે. કેટલીક ખરાબ નજરના લીધે જ પાક બર્બાદ થયો છે.

પાકને ખરાબ નજરથી બચાવા માટે રેડ્ડીએ કેટલાંય ટોટકા અજમાવ્યા, પરંતુ ફાયદો થયો નહીં. આ બધાની વચ્ચે તેમના એક મિત્રે સની લિયોનીનું પોસ્ટર લગાવાની સલાહ આપી. રેડ્ડી કહે છે કે તે સની લિયોનીના ફેન નથી પરંતુ મિત્રના મંતવ્ય પર અમલ કર્યો અને રિઝલ્ટથી તેઓ છક થઇ ગયા. રેડ્ડી કહે છે કે હવે દરેક લોકો સની લિયોનીને જોવા માટે આવે છે. મારા પાક પર લોકોની નજર પડતી નથી. હવે મારો પાક સારો થઇ રહ્યો છે.

(12:28 pm IST)
  • અમેરિકાની નેશનલ સિક્યોરીટી એજન્સી NSAના મેરીલેન્ડ સ્થિત હેડકવાર્ટરના ગેઇટ પાસે એક કાળા કલરની SUV ગાડી માંથી થયું અંધાધુંધ ફાયરીંગ : 3 લોકો થયા ઘાયલ : પોલીસે 1 શકમંદને દબોચ્યો : સુરક્ષા એજન્સીઓ થઈ સતર્ક : વિસ્તારમાં પોલીસ દ્વારા કરાઈ નાકાબંદી access_time 8:28 pm IST

  • દેશમાં આજે ઠેર-ઠેર થઈ રહ્યો છે વેલેન્ટાઇન-ડે નો વિરોધ : હૈદ્રાબાદમાં બજરંગ દળના કાર્યકર્તાઓએ પુતળા બાળ્યા : ચેન્નાઈમાં ભારત હિંદુ ફ્રન્ટ સંસ્થાએ વેલેન્ટાઇન-ડે ના વિરોધમાં કુતરા ને ગધેડાના લગ્ન કરાવ્યા : અમદાવાદમાં રીવરફ્રન્ટ પર બજરંગ દળના લોકો પ્રેમી યુગલો પાછળ લાકડી લઈને દોડ્યા : પટણામાં વેલેન્ટાઇન-ડે ના વિરોધમાં હિંદુ મહાસભાના કાર્યકર્તાઓએ વિરોધ પ્રદર્શન કરીને પુતળા સળગાવ્યા હતા. access_time 12:57 pm IST

  • IPL 11ની મેચોનું ટાઈમ ટેબલ જાહેર : 51 દિવસ ચાલશે મેચો : રોહિત અને ધોની વચ્ચે પહેલી ફાઈટ : BCCIએ ઈન્ડિયન પ્રીમિયર લીગ (IPL)ની 11મી સીઝનના મેચ શિડ્યુલની જાહેરાત બુધવારના રોજ કરી. 51 દિવસ ચાલનારી આ ટુર્નામેન્ટની શરૂઆત 7 એપ્રિલ 2018ના રોજ થશે. સીઝનની પહેલી મેચ હાલની ચેમ્પિયન ટીમ મુંબઈ ઈન્ડિયન્સ અને બે વખત ચેમ્પિયન રહેલી ટીમ ચેન્નઈ સુપર કિંગ્સ વચ્ચે મુંબઇના વાનખેડે સ્ટેડિયમાં રમાશે. access_time 1:12 am IST