Gujarati News

Gujarati News

News of Wednesday, 14th February 2018

એક આંખ મારીને આ છોકરી સોશ્યલ મીડિયામાં છવાઇ ગઇ

નવી દિલ્હી, તા. ૧૪ : વેલેન્ટાઇન્સ વીકની શરૂઆત થઇ એ જ વખતે પ્રિયા પ્રકાશ વારિયર નામની કન્યાએ સોશ્યલ મીડિયા પર મૂકેલો એક વિડિયો અચાનક દાવાનળની જેમ વાઇરલ થઇ ગયો છે. એટલે સુધી કે ઇન્ટરનેટ પર તો આ કન્યાને નેશનલ ક્રશ જાહેર કરી દેવામાં આવી છે. મીડિયોની વાત કરીએ તો એક કલાસરૂમમાં પ્રિયા એક છોકરાની સામે ચોરીછુપી આંખોથી વાતો કરવાની કોશિશ કરે છે. પહેલા તે એક ભમ્મર ઉંચી કરે છે. એના જવાબમાં પેલો છોકરો બન્ને ભમ્મર ઉંચી કરે છે. સામસામે થતા આવા ઇશારાદ દરમ્યાન પ્રિયા અચાનક ડાબી આંખ મારે છે અને સામેનો છોકરો જાણે શરમાઇને ઘાયલ થઇ ગયો હોય એવું બતાવે છે. વાતમાં કંઇ નથી, પરંતુ નાની-શી આ આંખોની મસ્તી સોશ્યલ મીડિયા પર વાયુવેગે ફરી છે.

આ વિડિયો મલયાલમ ફિલ્મ 'ઓરુ અદાર લવ'ના એક ગીતનો છે. ત્રીજી માર્ચે આ ફિલ્મ રિલીઝ થવાની છે એના પ્રમોશનના ભાગરૂપે આ વિડિયો રિલીઝ કરવામાં આવ્યો હતો. જોકે આ વિડિયો એટલો વાઇરલ થયો કે ર૪ કલાકમાં જ સોશ્યલ મીડિયા પર પ્રિયાના ફોલોઅર્સની સંખ્યા છ લાખના આંકડાને પાર કરી ગઇ હતી. યુટયુબ પર આ આ વિડિયો ૮૦ લાખ વાર જોવાયો છે ત્યારે લકોોમાં આ પ્રિયા કોણ છે એ જાણવાનું કુતૂહલ જાગે એ સ્વાભાવિક છે. પ્રિયા ૧૮ વર્ષની છે અને કેરળના ત્રિશૂરમાં રહે છે અને કોમર્સ કોલેજમાં ભણે છે. (૮.પ)

(4:51 pm IST)
  • અમેરિકાની નેશનલ સિક્યોરીટી એજન્સી NSAના મેરીલેન્ડ સ્થિત હેડકવાર્ટરના ગેઇટ પાસે એક કાળા કલરની SUV ગાડી માંથી થયું અંધાધુંધ ફાયરીંગ : 3 લોકો થયા ઘાયલ : પોલીસે 1 શકમંદને દબોચ્યો : સુરક્ષા એજન્સીઓ થઈ સતર્ક : વિસ્તારમાં પોલીસ દ્વારા કરાઈ નાકાબંદી access_time 8:28 pm IST

  • રાજકીય સન્યાસ લઈ રહેલાના અહેવાલો ઉપર ઉમા ભારતીએ કહ્યુ કે, ૩ વર્ષ સુધી હું ચૂંટણી નહીં લડુ, પ્રધાન તરીકે ચાલુ રહીશ access_time 11:30 am IST

  • હઇ થઇ ગઇઃ નાગાલેન્ડમાં ભાજપનો અદ્ભૂત ચૂંટણી ઢંઢેરોઃ સત્તા પર આવશું તો તમામ ખ્રિસ્તીઓને જેરૂસલેમની મફત મુસાફરી : આવતા મહિને યોજાનારી નાગાલેન્ડ વિધાનસભાની ચૂંટણી માટે ભાજપે ચૂંટણી ઢંઢેરો બહાર પાડ્યોઃ જો ભાજપ સરકાર આવશે તો તમામ ખ્રિસ્તીઓને મફત જેરૂસલેમની મુસાફરી કરાવશેઃ નાગાલેન્માં કુલ વસતિના ૮૮ ટકા ખ્રિસ્તીઓ છે access_time 3:45 pm IST