Gujarati News

Gujarati News

News of Thursday, 14th January 2021

સૌરાષ્ટ્ર કચ્છમાં કોરોનાના નવા સ્ટ્રેનનો દર્દી દેખાતાં ચિંતા, લંડનથી કચ્છના માંડવી આવેલ યુવાનનો રિપોર્ટ પોઝિટિવ : સંપર્કમાં આવેલા ૧૦ જણાને કવોરેન્ટાઈન કરાયા, ભુજના બે એનઆરઆઈ ને પણ કોરોના પોઝિટિવ

(વિનોદ ગાલા દ્વારા)ભુજ::: કોરોનાનો નવા સ્ટ્રેન સૌરાષ્ટ્ર કચ્છમાં દેખાતાં આરોગ્યતંત્ર માં દોડધામ મચી ગઈ છે. કચ્છ જિલ્લા આરોગ્ય અધિકારી ડો. પ્રેમકુમાર કન્નરના જણાવ્યા પ્રમાણે લંડનથી માંડવી આવેલ ૩૭ વર્ષીય યુવાન એનઆરઆઈ નવા સ્ટ્રેનથી સંક્રમિત હોવાનું રિપોર્ટમાં આવ્યું છે. ગત ૩૧ તારીખે આ યુવાનનું સેમ્પલ લઈને તે સેમ્પલ પૂના વાયરોલોજી લેબમાં મોકલાયું હતું. જેમાં આ યુવાનને બ્રિટનમાં દેખાયેલા કોરોનાનો નવો સ્ટ્રેન હોવાનું જણાયું છે. હાલે આ યુવાનની તબિયત સ્થિર છે અને તે મુન્દ્રાના પ્રાગપર ગામે આવેલા એંકરવાલા અહિન્સાધામ મધ્યે ઊભા કરાયેલા કવોરેન્ટાઈન સેન્ટર મધ્યે જિલ્લા આરોગ્ય તંત્રની દેખરેખ તળે સારવાર હેઠળ છે. તેની સાથે સંપર્કમાં આવનારા ૧૦ જણાને પણ કવોરેન્ટાઈન કરાયા છે. તો, લંડનથી ભુજની પટેલ ચોવીસીમાં  આવેલા પતિ પત્ની પોઝિટિવ છે. જોકે, આ બન્ને પતિ પત્નીને કોરોના પોઝિટિવ આવ્યો છે. તેમનામાં નવા સ્ટ્રેનનો વાયરસ નથી. આ બન્ને જણ પણ સારવાર હેઠળ હોવાનું આરોગ્ય અધિકારીએ જણાવ્યું છે. આમ, અત્યારે કચ્છમાં દેખાયેલા કોરોનાના નવા સ્ટ્રેને લોકોમાં ચિંતા સર્જી છે તો આરોગ્યતંત્ર દોડતું થયું છે.

(12:00 am IST)
  • દેશમાં કોરોના હાંફ્યો : નવા કેસ કરતા સ્વસ્થ થનારની સંખ્યામાં વધારો : એક્ટિવ કેસમાં સતત ઘટાડો : રાત્રે 11 વાગ્યા સુધીમાં કોરોનાના નવા 13,746 કેસ નોંધાયા :કુલ કેસની સંખ્યા 1, 05, ,26,577 થઇ :એક્ટિવ કેસ 2,10,482 થયા: વધુ 13,751 દર્દીઓ સ્વસ્થ થતા કુલ 1,01,59,805 થયા :વધુ 159 લોકોના મોત સાથે કુલ મૃત્યુઆંક 1,51, 924 થયા access_time 12:17 am IST

  • વર્લ્ડ હેલ્થ ઓર્ગેનાઈઝેશન ( WHO ) એ એક જ મહિનામાં સતત ત્રીજી વખત ભારતનો ખોટો નકશો દેખાડ્યો : જમ્મુ ,કાશ્મીર ,તથા લડાખને અલગ બતાવ્યા : ભારત સરકારે ત્રીજી વખત ચેતવણી આપી : ખોટો નકશો પ્રદર્શિત કરવો તે બાબત ગેરકાનૂની તથા જેલ સજાને પાત્ર access_time 2:02 pm IST

  • સુપ્રીમ કોર્ટ બાર એશોશિએશનના અધ્યક્ષ પદેથી દુષ્યંત દવેનું રાજીનામુ : હોદાની મુદત પુરી થઇ ગયા પછી ચીટકી રહેવાનો કોઈ અર્થ નથી : ડિજિટલ ઈલેક્શન માટે અમુક વકીલો સંમત નથી access_time 7:36 pm IST